အရွယ်ရောက်သူများနေ့အခမ်းအနား

“လူကြီး” အဖြစ် အသိအမှတ်ပြုတဲ့အနေနဲ့ အရွယ်ရောက်သူများအခမ်းအနားကိုဂျပန်မှာ ကျင်းပလေ့ရှိပါတယ်။

ဂျပန်နိုင်ငံမှာ အသက် ၂၀ ရောက်ရင် အရွယ်ရောက်သူတစ် ဦး အဖြစ် သတ်မှတ်ပြီး တခြားနိုင်ငံတွေမှာတော့အရွယ်ရောက်တဲ့အသက်ကိုသတ်မှတ်ပုံနဲ့ ကွာခြားပါတယ်။အခြားနိုင်ငံတွေမှာ လူတွေက အများအားဖြင့် “အသက် ၁၈ နှစ်” ကို အရွယ်ရောက်တယ်လို့ သတ်မှတ်ကြပါတယ်။

နိုင်ငံတစ်နိုင်ငံချင်းစီမှာ မတူညီတဲ့ ယဉ်ကျေးမှုတွေ သဘာဝကျကျစဉ်းစားတွေးခေါ်ပုံအပြင် အရွယ်ရောက်ခြင်းနဲ့ ပတ်သက်ပြီး ထုံးတမ်းစဉ်လာများစွာရှိပါတယ်။

ဂျပန်ရဲ့အရွယ်ရောက်ပြီးသူများနေ့ဆိုတာ

ဂျပန်ရဲ့အရွယ်ရောက်ပြီးသူများနေ့ဆိုတာ အသက်(၂၀)ပြည့်တဲ့လူငယ်များကို ရင့်ကျက်တဲ့အရွယ် ရောက်ပြီဖြစ်ကြောင်း အသိအမှတ်ပြုကျင်းပပြုလုပ်ပေးတဲ့ ပွဲတော်တစ်ခုပဲ ဖြစ်ပါတယ်။

အရွယ်ရောက်သူလူသစ်များက (ဂျပန်ရဲ့အရွယ်ရောက်ပြီးသူများနေ့) ကိုအခမ်းအနားတစ်ခုအနေနဲ့ကျင်းပပြီး လူကြီးမိဘတွေရဲ့ အကာအကွယ်ပေးဖို့ မလိုတဲ့ လွတ်လပ်သူတစ်ယောက်ဖြစ်လာပြီးလူ့ဘောင်အဖွဲ့အစည်းအတွင်း ဝင်ရောက်ဖို့ သတ်မှတ်တဲ့နေ့ဖြစ်ပါတယ်။
အရွယ်ရောက်ပြီးသူအခမ်းအနားကိုဟိုးအရင်ခေတ်က အသက်၂၀မတိုင်ခင်တည်းက ကျင်းပခဲ့ပုံရပါတယ်။ စစ်ကြီးပြီးတဲ့နောက်မှာတော့ အရွယ်ရောက်ပြီးသူအခမ်းအနားကိုအသက် ၂၀ နဲ့တူညီတဲ့အရွယ်မှာကျင်းပခဲ့တယ်။

အရွယ်ရောက်ပြီးသူ အခမ်းအနား၏မူလအစက ၁၉၄၆ ခုနှစ်တွင်လက်ရှိစိုင်တမစီရင်စုဖြစ်သော ၀ ါရဘိမြို့တွင်ကျင်းပတဲ့ “လူငယ်ပွဲတော်” ဖြစ်တယ်လို့ ဆိုပါတယ်။ အဲ့ဒီကနေမှတဆင့် တစ်နိုင်ငံလုံး ပျံ့နှံ့သွားခဲ့ပြီး ၁၉၄၉ ခုနှစ်ဇန်နဝါရီလ ၁၅ ရက်ကိုအရွယ်ရောက်ပြီးသူများနေ့အဖြစ်သတ်မှတ်ခဲ့ပါတယ်။

ထို့နောက် ၂၀၀၀ ပြည့်နှစ်မှာ အားလပ်ရက်ဥပဒေကို ပြန်လည်ပြုပြင်ခဲ့တာကြောင့် ဇန်နဝါရီလ၏ဒုတိယတနင်္လာနေ့မှာ “ဂျပန်ရဲ့အရွယ်ရောက်ပြီးသူများနေ့” ကိုပြောင်းလဲခဲ့ပါတယ်။

လက်ရှိဥပဒေအရအသက် ၂၀ အရွယ်အရွယ်ရောက်သူများအဖြစ်သတ်မှတ်ပြီး အရက်သောက်ခွင့်နှင့်ဆေးလိပ်သောက်ခွင့်ပြုပါတယ်။

အရွယ်ရောက်သူအခမ်းအနားနေ့မှာ ကီမိုနိုဝတ်ဆင်ထားတဲ့ မိန်းမပျိုလေးတွေ ပြည့်နှက်နေတဲ့ ဒီမြင်ကွင်းလေးကအရမ်း လှပပြီး ပျော်စရာစိတ်ခံစားချက်ကိုခံစားနိုင်ပါတယ်။ ဒီနေရာလေးမှာ အမျိုးသမီးငယ်လေးတွေ အရွယ်ရောက်ပြီးအခမ်းအနားမှာ ဘာကြောင့်ကီမိုနိုလက်အရှည် ဝတ်ဆင်ကြတယ်ဆိုတာကို မသိကြသေးတဲ့လူများစွာရှိပုံရပါတယ်။

ကီမိုနိုလက်အရှည်ကိုဝတ်ဆင်ရတာဟာ မကောင်းတဲ့ကံတွေကို ဖယ်ရှာပေးတယ် ဆိုတဲ့ အယူအဆလေးကြောင့်ပါ။ ဒီလိုမျိုး ဝတ်စားမှုကြောင့် မကောင်းတဲ့ ကံ ကနေ ကာကွယ်ပေးတယ်လို့ ယုံကြည်ကြပါတယ်။ ရှည်လျားလှတဲ့ ကီမိုနိုလက်အရှည်ကိုဝှေ့ယမ်းလိုက်ရင် “ မကောင်းဆိုးရွားနတ်ကိုသုတ်သင်ပြီး မကောင်းမှုကနေကာကွယ်လို့ရတယ်လို့ယူဆခဲ့ကြသောကြောင့်ဖြစ်ပါတယ်။

Leave a Reply

Your email address will not be published. Required fields are marked *

ရိုးရာယဉ်ကျေးမှု

နေ့ခင်းအိပ်မက်မမက်နိုင်ကြပဲ လက်တွေ့အတွက်အသင့်ပြင်နေကြတဲ့ ဂျပန်က ကလေးတွေ

မူလတန်းကလေး ၈၀ ရာနှုန်း ကျူရှင်ယူကြ၊ သင်တန်းတွေ တက်ကြတယ်လို့ မနှစ်ကလုပ်တဲ့ စစ်တမ်းတစ်ခုက ဆိုတယ်။ ဒုတိယနဲ့ တတိယတန်း ကလေးတွေကျတော့ ကိုးဆယ်ရာနှုန်းထိတဲ့။ ရေကူး၊ ဂီတနဲ့ အင်္ဂလိပ်စာသင်တန်းတွေကို တက်တာ အများဆုံးပဲတဲ့။ ဂျပန်နိုင်ငံရဲ့ အီလစ် ပုဂ္ဂလိကကျောင်းက ကလေးတွေဟာ ကျွမ်းဘား၊ မြင်းစီး၊ ကစားစရာအိမ်ဆောက် (Lego building) သင်တဲ့ သင်တန်းတွေတောင် ပါတယ်။

Read More
ရိုးရာယဉ်ကျေးမှု သွားမယ်

ဝဿန်မိုးနဲ့အတူ ရှင်သန် ပွင့်လန်းလာခဲ့တဲ့ ပန်းတွေ

မိုးလေ ကင်းစင်သော နေ့များ… ကောင်းကင်ပြာပြာပေါ်တွင် တိမ်များ အစုလိုက် အစုလိုက်ဖြင့် လှပနေသော နေ့များတွင် ထို သစ်တောလမ်းကလေးကို ဖြတ်သန်းသွားလာကြသော

Read More
ရိုးရာယဉ်ကျေးမှု အထောက်အကူ

ဂျပန်မိုးရာသီဆိုတာ

ဂျပန်၏မြောက်ဘက်ခြမ်းဖြစ်သော Hokkaido တွင်မိုးရာသီမရှိကြောင်း သိရသည်။ အကြောင်းရင်းမှာ မိုးရာသီအစ မိုးသည်းထန်စွာရွာသွန်းမှုသည် ဟော့ကိုင်းဒိုး ကို ရောက်သောအခါ အားနည်းသွားပြီး မိုးရာသီကဲ့သို့ ရှည်လျားသော ရာသီ မဖြစ်ပေါ်သောကြောင့်ဖြစ်သည်။

Read More

မင်္ဂလာပါ

ဂျပန်တွင် လက်ရှိ နေထိုင်ကြတဲ့ ဂျပန်ရောက် မြန်မာများနဲ့ ဂျပန်လာရဖို့ ပြင်ဆင်နေသူများအတွက် ဂျပန်နဲ့ ပတ်သတ်တဲ့ ဗဟုသုတ နေထိုင်မူ အ တွေ့ အကြုံ များကို အစဉ်အမြဲ တင်ပေးသွားမှာဖြစ်တဲ့အတွက် MMKizuna Facebook page လေးကို like လုပ်ထားဖို့ မမေ့နဲ့နော်