ဂျပန်ရဲ့ Entertainment Industry ထဲမှာ လူတိုင်းနီးပါး သိကြပြီး ပါးစပ်ကနေထုတ်ဖော်မပြောကြတဲ့ လျှို့ဝှက်ချက်

ဂျပန်ရဲ့ Entertainment Industry ထဲမှာ လူတိုင်းနီးပါး သိကြပြီး ပါးစပ်ကနေထုတ်ဖော်မပြောကြတဲ့ လျှို့ဝှက်ချက် တစ်ခုရှိပါတယ်။ ဒီလျှို့ဝှက်ချက်ဟာ အရမ်းကြီးအကျည်းတန်တဲ့ အတင်းအဖျင်းမကောင်းသတင်း (scandal )တွေနဲ့ သိပ်မဝေးလွန်းလှတဲ့ ကမ်းတစ်ဖက်က အမှောင်ထုထဲမှာ ရှိနေပါတယ်။
ဒီလျှို့ဝှက်ချက်နဲ့ ပတ်သက်ပြီး မရှင်းပြခင် ဂျပန်မှာ စီးပွားဖြစ်နေတဲ့ လူအငှါးလိုက်တဲ့ ဝန်ဆောင်မှု အကြောင်း ကို အကျဉ်းချုပ် ရှင်းပြချင်ပါတယ်။
လူအငှားလိုက်တယ်ဆိုတာဟာ သင့်ရဲ့ မိသားစုဝင်၊ ရည်းစား၊ သူငယ်ချင်းအဖြစ် နာရီပိုင်း အချိန်အကန့်အသတ်နဲ့ လိုက်ပြီး အဖော်ပြုပေးတဲ့ ဝန်ဆောင်မှုပါ။ ဒီဝန်ဆောင်မှုပေးတဲ့ ကုမ္ပဏီတွေက ဂျပန်အစိုးရရဲ့ ခွင့်ပြုချက်ပါ တရားဝင် license ရှိပြီးသား တွေ ဖြစ်ပါတယ်။ အချိန်ပိုင်းရည်းစားအဖြစ် အငှါးလိုက်တဲ့ မိန်းကလေးတွေကို ကာကွယ်တဲ့အနေနဲ့ လိင်ပိုင်းဆိုင်ရာနဲ့ပတ်သက်တဲ့ ဝန်ဆောင်မှုမျိုးတွေနဲ့ ပတ်သက်ပြီး အမျိုးသမီးတွေကို တိုက်ရိုက်ဆက်သွယ်တာမျိုးကို ကုမ္ပဏီတွေက ဥပဒေနဲ့ အညီ တင်းကြပ်စွာ တားမြစ်ထားပြီးသားပါ။ call girl လုံးဝ မဟုတ်ပါဘူး။
လစာပေးကောင်း ပြီး ငှားရမ်းသူ က ကုမ္ပဏီကို ပေးရတဲ့ ဝန်ဆောင်ခ ငွေကြေးပမာဏ ရဲ့ တစ်ဝက်တွေကို အငှါးလိုက်ပေးတဲ့သူတွေ က ရရှိတာဖြစ်ပါတယ်။ဒီ ဝန်ဆောင်မှုဟာ ဈေးအရမ်းကြီးမကြီးပါဘူး(international standard နဲ့ကြည့်ရင်ပေါ့)။
တစ်နာရီကို USD 55 နှုန်းကျသင့်ပါတယ်( ဂျပန်နိုင်ငံမှာ တကယ့်ရည်းစားနဲ့ အပြင်မှာ ချိန်းတွေ့ ရင်လည်း ဒီဝန်းကျင်ပဲကုန်ကျတာပါပဲ) ။

ကဲ ဒီလိုဝန်ဆောင်မှုမျိုးကို သင်ကြိုက်တဲ့ ဂျပန် celebrity တစ်ယောက်ယောက်စီကရမယ်ဆိုရင်ရော ဘယ်လိုလဲ။

အခကြေးငွေပေးပြီး ရည်းစားအဖြစ် date လို့ရတဲ့ ဂျပန် celebrity တွေရှိပေမဲ့ ဒီအဖော်ပြုပေးတဲ့ ဝန်ဆောင်မှု လုပ်ရပ်မျိုးတွေကို သူတို့တွေရဲ့ Agency တွေက တရားဝင်ခွင့်မပြုပါဘူး။ တချို့ flexible ဖြစ်တဲ့ agency တွေကတော့ မသိကျိုးကျွံပြုထားကြပေမယ့် အရမ်းနာမည်ကြီးတဲ့ agency အကြီးစားတွေကတော့ သိတာနဲ့ ချက်ချင်း စာချုပ်ကို ဖျက်သိမ်းပါတယ်။ ဒီလို အရှုပ်တော်ပုံ တွေကြောင့် ဂျပန်နိုင်ငံက Celebrity တွေဟာ အပိုဝင်ငွေအတွက် တိုးတိုးတိတ်တိတ် လျှို့ဝုက်ပြီး လှုပ်ရှားရတာပေါ့။ ဒီလို Celebrity တွေကို အခကြေးငွေပေးပြီး Date တာကို 援助交際[Enjou Kousai] လို့ခေါ်ပါတယ်။

AV actress (အဖော်အချွတ်မင်းသမီး) Takahashi Shoko ဆိုရင် အစပိုင်းမှာ Takasaki Shoko အမည်နဲ့ Gravure idol အဖြစ် အနုပညာလှုပ်ရှားမှုရှိခဲ့ပေမယ့် ရတဲ့ ငွေကြေး မလုံလောက်တဲ့အတွက် Enjou Kousai မှာတွေ့ခဲ့တဲ့ သူဌေးတစ်ယောက်ကို Sugar Daddy ထားရာကနေ scandal သတင်းထွက်ပြီး စာချုပ် ဖျက်သိမ်းခံလိုက်ရပါတယ်။

ကျနော့်တို့ မြန်မာမှာလည်း အဲ့ဒီလို case တွေရှိပါတယ်၊။ တက်သစ်စ model တွေ sponsor ရှာတယ်ဘာညာပေါ့။
ဂျပန်မှာတော့ အဲ့လို scandal ထွက်ရင် ပြည့်တန်ဆာလုပ်တယ်ဆိုပြီး ဆိုးဆိုးရွားရွား ပုတ်ခတ်ခံရကြပါတယ်။ အဲ့လို scandal ထွက်ပြီ စာချုပ်ဖျက်ခံလိုက်ရတဲ့ အလုပ်လက်မဲ့ Celebrity တွေကို ပစ်မှတ်ထားပြီး ကမ်းလှမ်းတဲ့ AV agency တွေရှိပါတယ်။ နာမည် အကြီးဆုံးကတော့ Muteki AV Agency ပေါ့။

Topic ကိုပြန်ဆက်ပြောပါမယ်။
အဲ့လို ကိုယ်နာမည်ပျက်မယ့် အလုပ်မျိုးကို အရဲစွန့်ပြီး ဘာဖြစ်လို့လုပ်ကြသလဲလို့မေးခွန်းထုတ်မယ်ဆိုရင် အဖြေကရှင်းပါတယ်။ သူတို့ရတဲ့ ဝင်ငွေ မလုံလောက်လို့ပါ။ ဂျပန်နိုင်ငံမှာ တက်သစ်စ Idol တွေ၊ model တွေ၊ မင်းသမီးတွေရော ရတဲ့ ဝင်ငွေ အတော်နည်းပါတယ်။ အဲ့ဒါကြောင့် သူတို့လေးတွေလည်း ရမိရရာကြံကြတာပေါ့။ အဲ့လိုရမိရရာကြံကြတဲ့ထဲမှာ ဒီ Enjou Kousai ဆိုတာဟာ အပိုဝင်ငွေရဖို့အလွယ်ဆုံးပါ။ ဘာဖြစ်လို့လဲဆိုတော့ သူတို့ရဲ့ fan တွေထဲမှာ သူဌေးတွေ တွေ များပါတယ်။ အဲ့လိုလူမျိုးတွေကတော့ ပိုက်ဆံအများကြီးပေးပြီး date နိုင်တာပေါ့။

နာမည်အတော်အသင့် ရပြီးသား celebrity တွေဆိုတော့ အခုခေတ် e-girl တွေလုပ်ကြသလို game ဆော့တာလေး stream ရင်း မတော်တရော်လေး ဖော်ပြီး donation တောင်းလို့လည်း အဆင်မပြေ(သူတို့အတွက်က public image ဆိုတာ အရမ်းအရေးကြီးပါတယ်။)။
အခုလို celebrity တွေကို အခကြေးငွေပေးပြီး date လို့ရတယ်ဆိုလို့ သူတို့နဲ့အိပ်လို့ရတယ်လို့မထင်နဲ့နော်၊ သာမန်ရိုးရိုး date တာပဲ။ ကျန်တာတော့ ကိုယ်ပိုင်ရင် ကိုယ်ဆက်ချုပ် ကိုယ့် စိတ်အပေါ်မှာပဲ မူတည်ပါတယ်နော်။

Enjou Kousai ဟာ အပေါ်ယံကြည့်ရင်တော့ အန္တရာယ်ရှိပြီး စာချုပ် ဖျက်ခံ ရနိုင်ခြေရှိပေမဲ့ အသုံးချတတ်ရင်တော့ တကယ့်ကို အခွင့်အရေးအများကြီးရနိုင်ပါတယ်။ ကိုယ်နဲ့ date ဖူးတဲ့ လူတွေစီကနေ အဆက်အသွယ် တည်ဆောက်လို့ရပါတယ်။
ဥပမာ ကုမ္ပဏီကြီးတစ်ခုရဲ့ CEO က date ဖို့ချဉ်းကပ်လာတယ်ဆိုပါတော့။ သူနဲ့ အတူတူ သွားလာတာအမြင်ခံရရင် လူအများရဲ့အထင်ကြီးတာခံရမယ်။ဒါ့အပြင် Ceo က သူ့ကို ကုမ္ပဏီအတွက် ကြော်ငြာကမ်းလှမ်းဖို့အတွက် personal အရသိချင်လို့ လူအကဲခတ်တာလည်းဖြစ်နိုင်တယ်။ အကယ်၍ အဲ့ Ceo က လူပျိုကြီးဖြစ်နေရင် scandal သတင်းလုပ်လို့မရပဲ positive gossip ဖက်ရောက်ပြီး နာမည်ကြီးမယ်လေ။ ဂျပန် Entertainment Industry မှာ ကောင်းသည်ဖြစ်စေ ဆိုးသည်ဖြစ်စေ free publicity ဟာ အလွန်အသုံးဝင်ပါတယ်။

ဒီလိုနည်းလမ်းတွေ မသုံးဘဲ တကယ့်ကို ရူးသွပ်ပြီး ကိုယ်မြတ်နိုးတဲ့ အနုပညာလမ်းကို ဆက်လျှောက်နေတဲ့ တက်သစ်စလေးတွေလည်းအများကြီးရှိပါတယ်။ သူတို့လေးတွေဟာ မနက်ပိုင်းကို ကျောင်းတက်၊ နေ့လည်ဆို Uber Eat နဲ့ delivery လိုက်ပို့ကြပြီးရင် Model လုပ်ပေးဖို့ appointment စီအပြေးသွား ပြီးတာနဲ့ ညနေ ပိုင်းကို fine dining စားသောက်ဆိုင်တွေမှာ စားပွဲထိုး ဝင်လုပ်ရင်း ရုန်းကန်နေကြတဲ့ တက်သစ်စလေး တွေရှိပါတယ်။
(Netflix က Followers ဆိုတာရှာကြည့်ကြည့်ပါ၊ Japanese series နော်)

Enjou Kousai လုပ်တယ်လို့ ကောလဟာလ ထွက်ထားတဲ့ ဂျပန် celebrity တစ်ချို့ရဲ့နာမည်တွေနဲ့ သူတို့ရဲ့ dating fees တွေကို ဖော်ပြရင်း နိဂုံးချုပ်လိုက်ပါတယ်။(outdated တော့ဖြစ်ရင် ဖြစ်မယ်နော်)

: mi©ky
References from Asian Boss and tokyokinky

Arimura Kasumi – Actress
(I am a Hero, Erased, Nanimono, Flying Colors) ယန်း ၁၀ သန်း
Imada Mio – Actress/model
(3 nen A Gumi, Double Mints) ယန်း ၂.၅ သန်း
Minegishi Minami – Idol
(AKB48, Team K) ယန်း ၄ သိန်း
Sakaguchi Anri – AV Actress
ယန်း ၂ သိန်း
Asuka Kiara – Former AV Actress
ယန်း ၂ သန်း

Leave a Reply

Your email address will not be published. Required fields are marked *

ရိုးရာယဉ်ကျေးမှု

နေ့ခင်းအိပ်မက်မမက်နိုင်ကြပဲ လက်တွေ့အတွက်အသင့်ပြင်နေကြတဲ့ ဂျပန်က ကလေးတွေ

မူလတန်းကလေး ၈၀ ရာနှုန်း ကျူရှင်ယူကြ၊ သင်တန်းတွေ တက်ကြတယ်လို့ မနှစ်ကလုပ်တဲ့ စစ်တမ်းတစ်ခုက ဆိုတယ်။ ဒုတိယနဲ့ တတိယတန်း ကလေးတွေကျတော့ ကိုးဆယ်ရာနှုန်းထိတဲ့။ ရေကူး၊ ဂီတနဲ့ အင်္ဂလိပ်စာသင်တန်းတွေကို တက်တာ အများဆုံးပဲတဲ့။ ဂျပန်နိုင်ငံရဲ့ အီလစ် ပုဂ္ဂလိကကျောင်းက ကလေးတွေဟာ ကျွမ်းဘား၊ မြင်းစီး၊ ကစားစရာအိမ်ဆောက် (Lego building) သင်တဲ့ သင်တန်းတွေတောင် ပါတယ်။

Read More
ရိုးရာယဉ်ကျေးမှု သွားမယ်

ဝဿန်မိုးနဲ့အတူ ရှင်သန် ပွင့်လန်းလာခဲ့တဲ့ ပန်းတွေ

မိုးလေ ကင်းစင်သော နေ့များ… ကောင်းကင်ပြာပြာပေါ်တွင် တိမ်များ အစုလိုက် အစုလိုက်ဖြင့် လှပနေသော နေ့များတွင် ထို သစ်တောလမ်းကလေးကို ဖြတ်သန်းသွားလာကြသော

Read More
ရိုးရာယဉ်ကျေးမှု အထောက်အကူ

ဂျပန်မိုးရာသီဆိုတာ

ဂျပန်၏မြောက်ဘက်ခြမ်းဖြစ်သော Hokkaido တွင်မိုးရာသီမရှိကြောင်း သိရသည်။ အကြောင်းရင်းမှာ မိုးရာသီအစ မိုးသည်းထန်စွာရွာသွန်းမှုသည် ဟော့ကိုင်းဒိုး ကို ရောက်သောအခါ အားနည်းသွားပြီး မိုးရာသီကဲ့သို့ ရှည်လျားသော ရာသီ မဖြစ်ပေါ်သောကြောင့်ဖြစ်သည်။

Read More

မင်္ဂလာပါ

ဂျပန်တွင် လက်ရှိ နေထိုင်ကြတဲ့ ဂျပန်ရောက် မြန်မာများနဲ့ ဂျပန်လာရဖို့ ပြင်ဆင်နေသူများအတွက် ဂျပန်နဲ့ ပတ်သတ်တဲ့ ဗဟုသုတ နေထိုင်မူ အ တွေ့ အကြုံ များကို အစဉ်အမြဲ တင်ပေးသွားမှာဖြစ်တဲ့အတွက် MMKizuna Facebook page လေးကို like လုပ်ထားဖို့ မမေ့နဲ့နော်