ဂျပန်နိုင်ငံရဲ့ အဓိက ကူးသန်းသွားလာရေး စနစ်တစ်ခု

September 30, 2020 at 6:12 PM

ဂျပန်နိုင်ငံကို ကမ္ဘာက စိတ်ဝင်စားမှုများထဲက တစ်ခုက တော့ “ရထား” ပဲ ဖြစ်ပါတယ်။ နည်းပညာမြင့်မားပြီး လျင်မြန်တဲ့ရထားတွေဟာ ဂျပန်နိုင်ငံရဲ့ မြို့တစ်မြို့ နဲ့ တစ်မြို့ ကို အချိန်ခဏလေးဖြင့် သွားလာနိုင်ပါတယ်။ ရှင်ခန်ဆန်လို့ခေါ်တဲ့အမြန်ရထားများစွာရှိပြီး ရိုးရိုးရထား၊အမြန်ရထား စသဖြင့် ခွဲခြားထားပါတယ်။ နေ့စဉ်ဘဝရုံးတက်ရုံးဆင်းနဲ့အခြားကိစ္စတော်တော်များများမှာ ဂျပန်နိုင်ငံက ရထားကို ရထားကို အဓိက အသုံးပြုကြပါတယ်။ နောက်တစ်ခုအနေနဲ့ရထားလိုင်းဟာ အချိန်မှန်ဆိုက်ရောက်မှု အမြဲ ရှိပြီး ဘူတာဝန်ထမ်းတွေရဲ့ အကောင်းဆုံး ဝန်ဆောင်မှုများနှင့် ရထားကို ဂျပန်ရဲ့နေရာတော်တော်များများကို ရထားနဲ့ ၂၄ နာရီ သွားရောက်နိုင်ပါတယ်။

ရထားစတင်ပြေးဆွဲတဲ့အချိန်က မနက်မိုးလင်းလေးနာရီခွဲငါးနာရီကနေ ညဆယ့်နာရီလေးဆယ့်ငါးမိနစ်လောက်အထိပြေးဆွဲပေးလျက်ရှိပါတယ်။ ရထားထဲမှာလည်း လူကြီး၊အသက်ကြီးတဲ့သူတွေအတွက် သီးသန့်ထိုင်လို့ရမယ့်နေရာနဲ့ရထား အချိန်မှန်နောက်ကျခြင်းမရှိတာတွေက ကောင်းမွန်တဲ့ဝန်ဆောင်မှုတွေပဲ ဖြစ်ပါတယ်။ ရထားကဒ်ကိုလည်း တိုကျိုမြို့ထဲအနေနဲ့ PASMO၊ SUICA ဆိုပြီးအသုံးပြုပါတယ်။ တစ်လစာဝယ်ပြီး အသုံးပြုမယ်ဆိုရင် ပုံမှန်တစ်ရက်တစ်ခါဝယ်ပြီးသုံးတာထက်စာရင် အများကြီးသက်သာမှုရှိမှာဖြစ်ပါတယ်။ အခုနောက်ပိုင်းအင်တာနက်ရထားကဒ်ဝက်ဆိုက်ကနေ မိမိဘဏ်ထဲပိုက်ဆံရှိရုံနဲ့ဝယ်ယူနိုင်ပါတယ်။ Credit Card ကနေ တစ်ဆင့် ပေးချေနိုင်ပါတယ်။ ပုံမှန်မြို့ထဲတွေက ရိုးရိုးရထားနဲ့အမြန်ရထားသာ ရှိပြီး တစ်မြို့ကနေနောက်တစ်မြို့ကိုသွားဖို့အတွက်အချိန်အများကြီးမပေးချင်တဲ့သူတွေအတွက် ရှင်ခန်ဆန် ဆိုတဲ့ အမြန်ဆုံးရထားကို အသုံးပြုကြပါတယ်။ ဘူတာတစ်ခုကနေနောက်တစ်ခုကိုသွားဖို့အတွက်乗り換えナビタイムနဲ့乗換案内ရထားအပီလီကေရှင်းများကိုကြည့်ပြီး တစ်ဘူတာကနေ နောက်တစ်ဘူတာကို ဘယ်လိုသွားရမလဲဆိုတာကိုရှာဖွေပြီး ထွက်ပေါ်လာတဲ့အချိန်၊ဘယ်နံပါတ်၊ရထားနာမည်၊သွားမယ့်ဘူတာကိုဘယ်အချိန်ရောက်မှာကအစအတိအကျဖော်ပြတဲ့အတွက်အရမ်းအဆင်ပြေတဲ့ရထားအပီလီကေရှင်းဖြစ်ပါတယ်။

အမြန်ရထားလို့ခေါ်တဲ့ ရှင်ခန်ဆန်တွေကို မြို့ကြီးတစ်မြို့ကနေနောက်တစ်မြို့သွားတဲ့အချိန်အချိန်ကုန်မခံချင်ဘဲ၊အမြန်သွားလိုတဲ့အခါအသုံးပြုကြပါတယ်။ခရီးသွားတဲ့အခါမျိုးမှာအဝေးကြီးသွားရမယ့်အချိန်မျိုးမှာလည်းအသုံးပြုကြပါတယ်။ ရှင်ခန်ဆန်ကို၁၉၈၇ခုနှစ်ကစတင်တီထွင်ခဲ့တာဖြစ်ပြီး၊ရှင်ခန်ဆန်အမျိုးအစားအနေနဲ့(E5系)東北・北海道新幹線ကတိုဟိုဒေသနဲ့ဟိုကိုင်းဒိုးဘက်ကိုမောင်နှင်းတဲ့ရှင်ခန်ဆန်ဖြစ်ပြီး၃၂၀ကီလိုထိအမြန်ဆုံးမောင်းနှင်နိုင်ပါတယ်။၂၀၁၁ခုနှစ်မှာထုတ်လုပ်ခဲ့တဲ့ရှင်ခန်ဆန်အမျိုးအစားဖြစ်ပါတယ်။(E6系)秋田新幹線ကတော့အခိတမြို့ဘက်ကိုအဓိကမောင်းနှင်ပေးပါတယ်။အမြန်ဆုံး၃၂၀ကီလိုအထိမောင်နိုင်ပြီးအခိတဘက်ကို၁၃၀ကိလိုမောင်းနှင်ပါတယ်။၂၀၁၃ခုနှစ်မှာပြုလုပ်တဲ့ရှင်ခန်ဆန်အမျိုးအစားဖြစ်ပါတယ်။(E6系とE5/H5系)新幹線အမျိုးအစားကတော့(東京~盛岡)တိုကျိုနဲ့မိုရိအိုကာကြားကိုပြေးဆွဲပေးပါတယ်။(N700系)九州山陽新幹線ကတော့ဆန်ယိုဒေသနဲ့ကျူရှူးဒေသဘက်ကိုမောင်းနှင်တဲ့ရှင်ခန်ဆန်ဖြစ်ပါတယ်။ဆန်ယိုဘက်ကို၃၀၀ကီလိုအထိမောင်းပြီးကျူရှူးဘက်ကို၂၆၀ကီလိုအထိမောင်းပါတယ်။၂၀၁၁ခုနှစ်မှာထုတ်လုပ်ထားတဲ့ရှင်ခန်ဆန်အမျိုးအစားဖြစ်ပါတယ်။အခြားနေရာမျိုးစုံကိုသွားတဲ့ရှင်ခန်ဆန်များစွာလည်းရှိပါသေးတယ်။ခရီးစဉ်အကွာအဝေးပေါ်လိုက်ပြီးဂျပန်ယန်းထောင်ဂဏန်းကနေသောင်းဂဏန်းအထိရှိနိုင်ပါတယ်။

ရိုးရိုးရထားနဲ့ရှင်ခန်ဆန်ရဲ့ကွာခြားချက်ကအရှိန်နှုန်းနဲ့မောင်းတာကွာခြားမှာဖြစ်ပါတယ်။ရိုးရိုးရထားကတစ်ဘူတာချင်းစီရပ်နားတာဖြစ်ပြီး၊ရှင်ခန်ဆန်ကသွားမယ့်ဦးတည်ရာဘူတာကိုမောင်းတာဖြစ်ပါတယ်။နောက်တစ်ခုကရှင်ခန်ဆန်ကနယ်ဝေးတွေအတွက်အထူးသီးသန့်သွားတာမျိုးဖြစ်ပါတယ်။ခုံတွေဝယ်ယူတဲ့နေရာမှာလည်းရှင်ခန်ဆန်ကမိမိကြိုက်တဲ့ခုံကိုဝယ်ယူလို့ရတာနဲ့သတ်မှတ်ပေးထားတဲ့ခုံစျေးမတူညီပါဘူး။စျေးနှုန်းလည်းကွာခြားသလို၊ရိုးရိုးရထားမှာကရထားကဒ်ကိုအသုံးကပြုရသလို၊ရှင်ခန်ဆန်မှာကသီးသန့်ထုတ်ထားတဲ့လက်မှတ်ကိုအသုံးပြုရတာဖြစ်ပါတယ်။ရိုးရိုးရထားကနေ့စဥ်လူနေမှုဘဝသွားလာဖို့အသုံးပြုပါတယ်။ရိုးရိုးရထားကဒ်တွေမှာလပေးလည်းစီးလို့ရသလို၊ငွေဖြည့်ပြီးတော့လည်းအသုံးပြုနိုင်ပါတယ်။ထောင်ဂဏန်းကနေသောင်းဂဏန်းအထိငွေဖြည့်ပြီးအသုံးပြုနိုင်သလို၊အခြားနေရာတွေမှာလည်းအသုံးပြုနိုင်ပါတယ်။ဥပမာစျေးဝယ်တာတွေပြုလုပ်လို့ရနိုင်ပါတယ်။အခုတလောမှာရှင်ခန်ဆန်တွေကမ်းပိန်းတွေပြုလုပ်ပြီးတဝက်စျေးချတာတွေကိုနောက်လဆယ်လပိုင်းကနေစတင်ပြီးအသုံးပြုနိုင်မှာဖြစ်ပါတယ်။နယ်ဒေသကတော့ပြီးခဲ့တဲ့လကတည်းကစတင်နေကြပြီးဖြစ်ပါတယ်။

SOURCE – AKido Journal

Tags: