အရသာရှိပြီး ကျန်းမာရေးနဲ့ညီညွတ်စွာအလှပဆုံးပြင်ဆင်ရောင်းချတဲ့ ဂျပန် ဘန်တိုယဉ်ကျေးမှု

November 19, 2020 at 12:04 PM

ဂျပန်ရဲ့နေရာတော်တော်များများမှာ အသင့်စားသုံးလို့ရတဲ့ ထမင်းဘူး ကို ဝယ်ယူလို့ရနိုင်ပါတယ်။ ဘူတာနား၊ကုန်တိုက်၊နီးစပ်ရာ စူပါမားကတ် နဲ့ မီနီမာတ်အစရှိသဖြင့်နေရာတော်တော်များများမှာဝယ်ယူလို့ရပါတယ်။ များသောအားဖြင့်တော့ ကုမ္မဏီဝန်ထမ်းများ၊အလုပ်သမားများကနေ့လည်စာအဖြစ်အစားများကြပါတယ်။ပုံမှန်အားဖြင့်ထမင်း၊အသီးရွက်၊အသား၊ငါးနဲ့အသီးအနှံများထည့်ပေးထားပါတယ်။ ဂျပန်ရဲ့ ထမင်းဘူးတွေမှာ ဗီတာမင်မျှတစွာ၊ ကျန်းမာရေးနဲ့ညီညွတ်အောင် ပြုလုပ်ထားပြီး ဈေးနှုန်းအနေနဲ့လည်း အရမ်းဈေးမကြီးဘဲ၊ အကုန်လုံး စားသောက်နိုင်မယ့် ဈေးနှုန်းနဲ့ရောင်းချပေးပါတယ်။ ဂျပန်မှာ ထမင်းဘူးကို အိမ်ကနေ တကူးတက ပြင်ဆင်ထည့်ယူသွားဖို့ အချိန်မရှိတဲ့အတွက်ကြောင့် အခုလိုဝယ်စားရတဲ့ထမင်းဘူးတွေက လူကြိုက်များပါတယ်။ တစ်ချို့ဂျပန်အိမ်မိဘတွေကလည်း ကျောင်းတက်နေတဲ့ အိမ်က ကျောင်းသားတွေအတွက် တကူးတက လှပစွာ ပြင်ဆင်ထားတဲ့ ဒီ ထမင်းဗူးတွေကို အရသာရှိအောင်၊ကျန်းမာရေးနဲ့ညီညွတ်အောင်၊လှပအောင်ပြင်ဆင်ပေးတတ်ကြပါတယ်။ ဂျပန်ရဲ့ထမင်းဘူး ထူးခြားချက်များမှာဗီတာမင်များကိုသင့်တဲ့မျှတစွာထည့်သွင်းစားသုံးစေခြင်းဖြစ်ပါတယ်။

ဘူတာရုံနားတော်တော်များများမှာ ထမင်းဘူးကို ရောင်းတဲ့အတွက် (えきべん)အဲခိဘန်လို့ခေါ်ပါတယ်။ (၁၈၈၅)ခုနှစ်ပတ်ဝန်းကျင်လောက်ကနေစတင်ရောင်းချခဲ့ပြီး ဈေးနှုန်းတွေကတော့ ဂျပန်ယန်းခြောက်ရာ၊ ခုနှစ်ရာ ဝန်းကျင်ကနေ တစ်ထောင်အထက် ဝန်းကျင်လောက်ရှိပါတယ်။ အဓိကဘူးပုံစံသပ်ရပ်ပြီး၊ ပါဝင်ပစ္စည်းတွေကတော့ထမင်းနဲ့အသား၊ငါး အဓိကပါဝင်ပြီး အသီးအရွက်များကိုလည်း မျှတစွာ ချက်ပြုတ် ထည့်ပေးထားပါတယ်။ ဘူးပုံစံလေးထောင့်ထဲမှ အကွက်လေးများစွာခြားထားပြီး၊ တစ်ခုချင်းထဲမှာအမယ်မျိုးစုံထည့်ထားပါတယ်။ ဆူရှိသီးသန့်ပုံစံတွေကိုလည်း ဘူးလေးတွေနဲ့လည်းရောင်းချကြပါတယ်။ ဘူတာထဲရှိ စတိုးဆိုင်တွေမှာလည်းအခုလိုဗူးများနဲ့လည်းရောင်းချကြပါတယ်။ဘူတာတော်တော်များများရှိ ဆိုင်တွေရဲ့မှန်ဘောင်ထဲမှာလှပတဲ့ထမင်းဘူးပုံစံမျိုးစုံကိုတွေ့ရမှာဖြစ်ပါတယ်။ နောက်ထပ်တစ်နေရာကတော့ လေဆိပ်ထဲမှာရောင်းတဲ့ ထမင်းဘူး ဂျပန်လို (空弁)(そらべん)ဆိုရဘန်လို့ခေါ်ပါတယ်။ အဓိကကတော့ခရီးသွားလာတဲ့အချိန်မျိုးမှာအစားများကြပါတယ်။ ထုတ်ပိုးမှု ပုံစံ သပ်ရပ်လှပပြီး၊ ပါဝင်ပစ္စည်းများကလည်း အရသာရှိလှပါတယ်။ ဂျပန်ရိုးရာပုံစံကိုအခြေခံ ပြုလုပ်ထားပြီးဂျပန်ရဲ့နာမည်ကြီးအစားအသောက်ဆူရှီထမင်းဘူးများ၊ပင်လယ်စာထမင်းဘူးများ၊အသား၊ငါးနဲ့အသီးအရွက်များပါဝင်တဲ့ဂျပန်ရိုးရာထမင်းဘူးတွေကို အဓိကရောင်းချပါတယ်။ ဈေးနှုန်းကတော့ ယမ်းတစ်ထောင်ကျော်ကနေနှစ်ထောင်ပတ်ဝန်းကျင်ဖြစ်ပါတယ်။

နောက်တစ်မျိုးကတော့ရေညှိထမင်းဘူး ဖြစ်ပါတယ်။ ထမင်းကိုရေညှိနဲ့ လိပ်ထားပြီး ဂျပန်လို (のり弁)(のりべん)လို့လည်းခေါ်ပါတယ်။ ရေညှိထမင်းဘူးထဲမှာ ထမင်းလိပ်၊ကြက်ဥကြော်နဲ့ငါးကြော်အစရှိသဖြင့်ပါဝင်ပါတယ်။ ဆိုင်တွေမှာလည်းအရောင်းများသလို၊ အိမ်မှာလည်းပြုလုပ်ပြီး စားကြပါတယ်။ အကြော်များနဲ့လည်းတွဲဖက်စားသောက်ကြပါတယ်။ ဝက်သားကြော်နဲ့လည်း ရေညှိထည့်ပြီးစားကြသလို၊ အလွယ်တကူ ဆိုင်တွေကလည်း အသင့် ဝယ်ယူစားသုံးနိုင်ပါတယ်။အသီးအရွက်နဲ့အခြားအမယ်မျိုးစုံကိုလှပအောင်ပြုလုပ်ပြီးရောင်းချကြထားပြီး ထမင်းဘူး နောက်တစ်မျိုးက(幕の内弁当)(まくのうちべんとう)မခုနိုအုချိဘန်တိုလည်းခေါ်တဲ့ ထမင်းဖြူ၊အကြော်စုံ၊အသီးအရွက်နဲ့ငါးကြော်အထိပါဝင်တဲ့ ထမင်းဘူးပဲဖြစ်ပါတယ်။ ထမင်းပေါ်မှာနှင်းဖတ်လေးတွေတင်ထားပြီး၊ထမင်းကိုလိပ်ထားတာအရသာရှိလှပါတယ်။ဈေးနှုန်းအနေနဲ့လည်းခြောက်ရာ၊ခုနှစ်ရာကနေယန်းတစ်ထောင့်ငါးရာလောက်အထိရှိပါတယ်။ ပုံစံထုပ်ပိုးမှုကလှပပြီး၊ကျန်းမာရေးအရပါကောင်းမွန်လှပါတယ်။ဗီတာမင်နဲ့ပြည့်စုံအေင်အမယ်မျိုးစုံထည့်ထားပြီးစားလို့အရမ်းကောင်းပါတယ်။

နောက်တစ်ခုအနေနဲ့ (日の丸弁当)(ひのまるべんとう) ဟိနိုမရူဘန်တိုဖြစ်ပါတယ်။ အဓိကက ထမင်းကို အများအပြားထည့်ထားပြီး ခုမဲလို့ခေါ်တဲ့အသီးကိုထည့်ထားပါတယ်။ အရသာကချဉ်ပြီး၊ထမင်းနဲ့အစားများပါတယ်။ ဆိုင်တွေမှာရောင်းတဲ့အခါ အခြားအမယ်တွေ ပါထည့်ပြီး၊ကြက်ဥကြော်၊အသီးအရွက် စုံလင်စွာ ပါဝင်ပါတယ်။ ကြက်သားကြော်နဲ့လည်းတွဲဖက်စားသောက်ကြပါတယ်။ စတိုးဆိုင်တွေနဲ့ အခြားနေရာတွေ မှာလည်းအလွယ်တကူဝယ်ယူလို့ရနိုင်ပါတယ်။ ပုံစံဒီဇိုင်းများကလည်း သပ်ရပ်ပြီးလှပလှပါတယ်။ဈေးနှုန်းကခြောက်ရာကျော်လောက်ကနေဝယ်ယူလို့ရတဲ့အတွက်ဈေးလည်းသက်သာလွန်းပါတယ်။ဆူပါတွေမှာလည်းအလွယ်တကူဝယ်ဘူလို့ရသလို၊နေရာတိုင်းမှာဝယ်ယူလို့ရနိုင်ပါတယ်။ဂျပန်ရဲ့နေ့စဉ်ဘဝမှာများသောအားဖြင့်အခုလိုထမင်းဗူးကိုအားထားစားသောက်ကြရပါတယ်။ပုံမှန်အလုပ်သွား၊အလုပ်ပြန်မှာအချိန်မရှိတဲ့အတွက်နီးစပ်ရာနေရာများမှအလွယ်တကူဝယ်ယူစားသောက်ကြရပါတယ်။ဈေးနှုန်းလည်းသက်သာပြီး၊အမယ်မျိုးစုံပါဝင်တဲ့စားကောင်းပါတယ်။ကျန်မာရေးနဲ့ဆီလျော်အောင်ဗီတာမင်မျိုးစုံနဲ့အသီးအရွက်၊အသား၊ငါးများကိုသေချာထည့်ထားတဲ့အတွက်စားကောင်းလှပါတယ်။

Tags: