ဂျပန်နိုင်ငံ အကြီးဆုံး ရုပ်တု ဖြစ်လာနိုင်ခြေရှိတဲ့Hideyoshi သစ်သား ရုပ်တု တူးဖော် တွေ့ရှိ

Omiyajinja ဘုရားကျောင်း၌ တူးဖော်တွေ့ရှိခဲ့သည့် လူ အရွယ်အစား ခန့် ရှိသော Toyotomi Hideyoshi သစ်သားရုပ်တုက ၎င်း ထီးနန်းဆက်ခံနေစဉ်အတွင်း ပြည်သူလူထုက မည်သို့ကိုးကွယ်ခဲ့သည်နှင့်ပတ်သက်ပြီး သဲလွန်စ ရရှိခဲ့သည်။ အဆိုပါ ရုပ်တုက မေလ ၂၁ ရက်နေ့တွင် တူးဖော်တွေ့ရှိခဲ့ကြောင်း Osaka မြို့ ပညာရေးဘုတ်အဖွဲ့က ထုတ်ပြန်ကြေညာခဲ့သည်။
အဆိုပါ ရုပ်တုကို Edo ခေတ် (၁၆၀၃-၁၈၆၇ခုနှစ်) အတွင်း ပြုလုပ်ခဲ့ပြီး ယနေ့ခေတ်နှင့် လက်ရှိခေတ်များမှ လွဲပြီး ဂျပန်နိုင်ငံအတွင်း ရှာဖွေတွေ့ရှိခဲ့သည်အနက် ဂျပန်ဘုရင်Hideoyoshi (နန်းသက်၁၅၃၇-၁၅၉၈ခုနှစ်)၏ အကြီးဆုံး သစ်သားရုပ်တုတစ်ခု ဖြစ်သည်။

၈၁.၉ စင်တီမီတာ အရှည်ရှိတဲ့ ရုပ်တုကို ကျောက်ပန်းပင်တစ်မျိုးဖြစ်သည့် “Hinoki”cypress သစ်သား ဖြင့် ထုလုပ် ပုံသွင်းထားသည်။ အဆိုပါ ရုပ်တုသည် Kyoto ရှိ Sakyo ရပ်ကွက်မှ Saihoji ဘုရားကျောင်း၏ ၈၁ စင်တီမီတာ ရုပ်တု ထက် ကြီးမားပြီး ဂျပန်နိုင်ငံအတွင်း ရှိသော Hideyoshi ရုပ်တု ၂၀ ခု အနက် အရွယ်အစားအကြီးမားဆုံး ရုပ်တု တစ်ခုဖြစ်ဖွယ်ရှိကြောင်း ပညာရေးဘုတ်အဖွဲ့ထုတ်ပြန်ကြေညာချက်အရသိရသည်။
နောက်ဆုံး တူးဖော်တွေ့ရှိခဲ့သည့် ရုပ်တု တွေ မျက်ခုံး နှင့် မုတ်ဆိတ်မွှေး စသည့် Hideoyoshi ၏ ပုံသဏ္ဍာန် အသေးစိတ်ပါရှိပါသည်။ အဆိုပါ ရုပ်တုကို Osaka ၏ Asahi ရပ်ကွက်ရှိ Omiyajinjya ဘုရားကျောင်းနှင့် ဆက်စပ်နေသော Korasha ဘုရားကျောင်းတွင် တွေ့ရှိခဲ့သည်။

Hideyoshi နတ်ရွာစံပြီးနောက်တွင် ဂျပန်နိုင်ငံ၏ အခြား ဒေသများနှင့် Kyoto ရှိ Toyokunijinja ဘုရားကျောင်းတို့တွင် ၎င်းအား နတ်ဘုရားအဖြစ် ပြည်သူလူထု က ကိုးကွယ်ခဲ့ကြသည်။ Toyotomi မျိုးနွယ် အရေးနိမ့်ခဲ့ပြီးနောက် ဘုရင် Tokugawa Ieyasu (နန်းသက် ၁၅၄၃-၁၆၁၆ ခုနှစ်) က ထိုသို့ ဘုရားကျောင်းများကို ဖျက်ဆီး ခဲ့သောကြောင့် နှောင်းလူတို့ Hideyoshi အား အများရှေ့ တွင် ကိုးကွယ်ရန် ခက်ခဲသွားခဲ့သည်။
သို့သော် အဓိက Osaka မြို့ အနှံ့တွင် ဆက်လက် ထင်ရှားခဲ့ပြီး Osaka နှင့် Kyoto တို့ရှိ “Joruri” ခေါ် ရုပ်သေးဇာတ်ရုံများနှင့် Kabuki ပြဇာတ်များက စာအုပ်ကို ကိုးကားပြီး တင်ဆက်ပြသ ခဲ့မှုကြောင် Tokugawa Shogunate က Hideyoshi၏ အတ္ထုပ္ပတ္တိ ရုပ်ပုံများပါ မှတ်တမ်း စာအုပ်များကို ပိတ်ပင်ဖျက်ဆီးခဲ့သော်လည်း Hideyoshi ထင်ရှားမှုကို တားဆီးနိုင်ခြင်း မရှိခဲ့ကြောင်းသိရသည်။
Omiyajinja ဘုရားကျောင်းကို 1823 ခုနှစ်တွင် ဖွင့်လှစ်ခဲ့ပြီး ထိုအချိန်က Hideyoshi ရုပ်တုကို ပြည်သူလူထုအား ပြသခဲ့ကြောင်း မှတ်တမ်းအချို့က ဖော်ပြထားသည်။
Source – Japan Today

Leave a Reply

Your email address will not be published. Required fields are marked *

ရိုးရာယဉ်ကျေးမှု

နေ့ခင်းအိပ်မက်မမက်နိုင်ကြပဲ လက်တွေ့အတွက်အသင့်ပြင်နေကြတဲ့ ဂျပန်က ကလေးတွေ

မူလတန်းကလေး ၈၀ ရာနှုန်း ကျူရှင်ယူကြ၊ သင်တန်းတွေ တက်ကြတယ်လို့ မနှစ်ကလုပ်တဲ့ စစ်တမ်းတစ်ခုက ဆိုတယ်။ ဒုတိယနဲ့ တတိယတန်း ကလေးတွေကျတော့ ကိုးဆယ်ရာနှုန်းထိတဲ့။ ရေကူး၊ ဂီတနဲ့ အင်္ဂလိပ်စာသင်တန်းတွေကို တက်တာ အများဆုံးပဲတဲ့။ ဂျပန်နိုင်ငံရဲ့ အီလစ် ပုဂ္ဂလိကကျောင်းက ကလေးတွေဟာ ကျွမ်းဘား၊ မြင်းစီး၊ ကစားစရာအိမ်ဆောက် (Lego building) သင်တဲ့ သင်တန်းတွေတောင် ပါတယ်။

Read More
ရိုးရာယဉ်ကျေးမှု သွားမယ်

ဝဿန်မိုးနဲ့အတူ ရှင်သန် ပွင့်လန်းလာခဲ့တဲ့ ပန်းတွေ

မိုးလေ ကင်းစင်သော နေ့များ… ကောင်းကင်ပြာပြာပေါ်တွင် တိမ်များ အစုလိုက် အစုလိုက်ဖြင့် လှပနေသော နေ့များတွင် ထို သစ်တောလမ်းကလေးကို ဖြတ်သန်းသွားလာကြသော

Read More
ရိုးရာယဉ်ကျေးမှု အထောက်အကူ

ဂျပန်မိုးရာသီဆိုတာ

ဂျပန်၏မြောက်ဘက်ခြမ်းဖြစ်သော Hokkaido တွင်မိုးရာသီမရှိကြောင်း သိရသည်။ အကြောင်းရင်းမှာ မိုးရာသီအစ မိုးသည်းထန်စွာရွာသွန်းမှုသည် ဟော့ကိုင်းဒိုး ကို ရောက်သောအခါ အားနည်းသွားပြီး မိုးရာသီကဲ့သို့ ရှည်လျားသော ရာသီ မဖြစ်ပေါ်သောကြောင့်ဖြစ်သည်။

Read More

မင်္ဂလာပါ

ဂျပန်တွင် လက်ရှိ နေထိုင်ကြတဲ့ ဂျပန်ရောက် မြန်မာများနဲ့ ဂျပန်လာရဖို့ ပြင်ဆင်နေသူများအတွက် ဂျပန်နဲ့ ပတ်သတ်တဲ့ ဗဟုသုတ နေထိုင်မူ အ တွေ့ အကြုံ များကို အစဉ်အမြဲ တင်ပေးသွားမှာဖြစ်တဲ့အတွက် MMKizuna Facebook page လေးကို like လုပ်ထားဖို့ မမေ့နဲ့နော်