မြန်မာ့ယဉ်ကျေးမှု အငွေ့အသက် ကိုထည့်သွင်းဖန်တီးထားသော ဂျပန် ရိုးရာ Kimono

အဲဒီ့ project ကိုတော့ The Imagine One World Kimono Project ဆိုပြီးတော့ အမည် ပေးထားပြီး ဦးဆောင်သူကတော့ Choya Japanese Kimono & Obi Co., Ltd ၏ အကြီးအကဲတစ်ယောက်ဖြစ်တဲ့ Yoshimasa Takakura ပါ။

 ကုမ္ပဏီကို Takakura မိသားစုကပဲ ပိုင်ဆိုင်ပြီး ကီမိုနို ရောင်းချခြင်းလုပ်ငန်းကို မျိုးရိုးစဉ်ဆက် လုပ်ကိုင်ခဲ့တာ အခုဆို နှစ်ပေါင်း ၈၀နီးပါးရှိပါပြီ ။ Choya ဆိုးဆေးနှင့် အထည်ရက်လုပ်ခြင်းပြတိုက်ကလည်း ရုံးချုပ်မှာပဲ တည်ရှိနေတာပဲဖြစ်ပါတယ်။

ယခု project ရဲ့ ဦးတည်ချက်ကတော့ 2020 Olympic မှာ နိုင်ငံပေါင်း ၂၀၀ ကျော် ရဲ့ အငွေ့အသက်တွေ ပါဝင်တဲ့ Kimono များကို ရက်လုပ်သွားဖို့ ဖြစ်ပါတယ်။ ဒီ project ထဲမှ ကျွန်တော်တို့ မြန်မာနိုင်ငံ အတွက် ဖန်တီးထားတဲ့ kimono လေးကို ကျွန်တော် အချက်အလက်တွေကို စုဆောင်းတင်ပြပေးသွားပါမယ်။ စာအဆုံးမှာလည်း တခြားနိုင်ငံများအတွက် ဖန်တီးထားသော လက်ရာများကို ပါ လေ့လာနိုင်အောင် official website လေး တင်ပေးထားပါတယ်။

ပထမဆုံး ကျွန်တော် တို့ မြန်မာနိုင်ငံအတွက် kimono ထွက်ပေါ်လာအောင် sponspor ပေးတဲ့ NIPPON STEEL KOWA REAL ESTATE CO.,LTD. ကို ကျေးဇူးတင်ပါရစေ။

ကျွန်တော်တို့ နိုင်ငံအတွက် ဖန်တီးပေးထားတာကို တော့ official website မှာ No.27 ミャンマー連邦共和国 ဖြစ်ပါတယ်

Kimono Designer ကတော့ 水橋 さおり Saori Mizuhashi ဖြစ်ပြီး
Obi ကို တော့ 赤松 潤一 Jun-ichi Akamatsu မှ ဖန်တီးပေးထားပါတယ်

Design နဲ့ပတ်သတ်ပြီး ရှင်းပြထားတာလေးလည်း စိတ်ဝင်စားဖို့ ကောင်းပါတယ်

ဂျပန်နိုင်ငံမှာ ချယ်ရီပန်းတွေ ဝေဝေဆာဆာပွင့်သလို မြန်မာနိုင်ငံမှာလည်း ပန်းပိတောက်တွေ လှိုင်လှိုင်ပွင့်ကြပါတယ်။ ဒါကြောင့်မို့ ပိတောက်ပန်းတွေဟာ မြန်မာရဲ့ နိုင်ငံကိုယ်စားပြု ပန်း အဖြစ် သတ်မှတ်ခြင်းခံထားရပါတယ်။ ပိတောက်ပန်းတွေ ပွင့်ပြီဆိုရင် နိုင်ငံတဝှမ်းမှာ ရွှေဝါရောင်လေး လွှမ်းခြုံထားသလို လှပနေပါတယ်။ ပိတောက်ပန်း ကို အဓိကထားပြီး ကျွန်တော်တို့ လူအများကြိုက်နှစ်သက်တဲ့ အခြားပန်းရဲ့အရောင် ပန်းဆီရောင်ကို နောက်ခံအရောင်အဖြစ် ထားရှိပြီး အနားသတ်နေရာကို မြန်မာ လုံချည်ရဲ့ ချိတ်လိုင်း ဒီဇိုင်းကို ယူထားပါတယ်။ အဲ့ဒါတွေ အပြင် မြန်မာနိုင်ငံရဲ့ နာမည်ကြီး ကိန္ဒရီ ကိန္ဒရာ ပုံပြင်ရဲ့ characterနဲ့ မင်္ဂလာပါ နှုတ်ခွန်းဆက်သခြင်းကိုပါ ထူးခြားအောင်ထည့်သွင်းပြီး ဂျပန်ရဲ့ နိုင်ငံကိုယ်စားပြုဝတ်စုံ အဖြစ် ပြန်လည်ဖန်တီးထားပါတယ်။

 

ကျွန်တော်အချက် အလက်တွေ စုစည်းရင်းလည်း Yoshimasa Takaura ရဲ့ facebook page မှာ သတင်းလေးတစ်ခုတင်ထားတာတွေ့မိပါတယ်။

မြန်မာဘက်မှ ပျော်ရွှင်ဖွယ် သတင်းကောင်း ရောက်လာပြန်ပါတယ်။ အဲဒါကတော့ Nippon Steel Kowa Real Estate ကုမ္ပဏီမှ မြန်မာနိုင်ငံမှာ ကျင်းပတဲ့ပွဲတစ်ပွဲအတွက် Kimono ကို sponsor ပေးပြီး အသုံးပြုစေခဲ့ပါတယ်။ Real estate ကုမ္ပဏီ ဖွံ့ ဖြိုးတိုးတက်မှု သဘောတူစာချုပ် လက်မှတ်ရေးထိုးတဲ့ပွဲ ဖြစ်ပြီး ရန်ကုန်မြို့မှာ ကျင်းပပြုလုပ်ခဲ့ပါတယ်။

Kimono Project ဘက်မှ Orie Shimizu နဲ့ အတူ Kimono ဝတ်ဆင်ပေးမည့်ဆရာမ Maki Yamasaki တို့ ကပွဲတက်ရောက်ခဲ့ပါတယ်။ Main guest (အဓိကဧည့်သည်)များအနေနဲ့ကတော့ မြန်မာနိုင်ငံဘက်မှ စက်မှုဝန်ကြီး၊ဆောက်လုပ်ရေးဝန်ကြီးနှင့် အခြားသောသက်ဆိုင်ရာ လူကြီးမင်းများ ၊ Nippon Steel Kowa Real Estate ကုမ္ပဏီဘက်မှ ကုမ္ပဏီဒါရိုက်တာနှင့် အပြည်ပြည်ဆိုင်ရာ ရုံးခွဲများမှ ဝန်ထမ်းများ တက်ရောက်ခဲ့ပြီး အခမ်းအနားက အရမ်းကို စည်ကားခဲ့ပါတယ်။

ဒါ့အပြင် မြန်မာနိုင်ငံမှ မော်ဒယ်မလေးများကိုလည်း Kimono များ ဝတ်ဆင်စေခဲ့ပြီး မော်ဒယ်မလေးများ ဟာ Kimono နဲ့ လိုက်ဖက်ကာ အရမ်း လှပနေခဲ့ပါတယ်။ Sponsor ပေးမည့် ကုမ္ပဏီဘက်မှယခုပွဲကဲ့သို့ လိုအပ်သည်များကို စီစဉ်ပေးပါက ပြည်တွင်းတွင်သာမက ပြည်ပနိုင်ငံများတွင်ပါ Kimono များကို အသုံးပြုနိုင်ပါတယ်။
Nippon Steel Kowa Real Estate ဘက်မှလည်း Kimino ကို sponsor ပေးခဲ့တာကြောင့် impression လည်း ကောင်းခဲ့ပြီး partner company ထံမှ Business mutual trust လည်း ရရှိခဲ့ကြောင်း ကျေးဇူးတင်စကားလည်း ပြောကြားခဲ့ပါတယ်။


ပန်းရောင်အောက်ခံ Kimono ပေါ်တွင် “သစ္စာရှိခြင်းကို ကိုယ်စားပြုသည့်ပန်း ၊ မြန်မာလူမျိုးတွေ ကြိုက်နှစ်သက်သည့် အဝါရောင်ပိတောက်ပန်း ’’ ကို အလှဆင်ထားမှုက အင်မတန်မှ လှပပြောင်မြောက်တဲ့ လက်ရာတစ်ခုဖြစ်နေခဲ့ပါတယ်။ ဤ ပွဲနဲ့ပတ်သက်ပြီး နိုင်ငံပိုင်သတင်းစာတွင်လည်း သတင်းအနေနဲ့ ရေးသားဖော်ပြခြင်းခံခဲ့ရပါတယ်။

အခြား နိုင်ငံများ အတွက် ဖန်တီးထားသော လက်ရာများကို လ့လာနိုင်အောင် official website လေး တင်ပေးထားပါတယ်။

https://piow.jp/kimonoproject/kimonolist.html

Leave a Reply

Your email address will not be published. Required fields are marked *

ရိုးရာယဉ်ကျေးမှု

နေ့ခင်းအိပ်မက်မမက်နိုင်ကြပဲ လက်တွေ့အတွက်အသင့်ပြင်နေကြတဲ့ ဂျပန်က ကလေးတွေ

မူလတန်းကလေး ၈၀ ရာနှုန်း ကျူရှင်ယူကြ၊ သင်တန်းတွေ တက်ကြတယ်လို့ မနှစ်ကလုပ်တဲ့ စစ်တမ်းတစ်ခုက ဆိုတယ်။ ဒုတိယနဲ့ တတိယတန်း ကလေးတွေကျတော့ ကိုးဆယ်ရာနှုန်းထိတဲ့။ ရေကူး၊ ဂီတနဲ့ အင်္ဂလိပ်စာသင်တန်းတွေကို တက်တာ အများဆုံးပဲတဲ့။ ဂျပန်နိုင်ငံရဲ့ အီလစ် ပုဂ္ဂလိကကျောင်းက ကလေးတွေဟာ ကျွမ်းဘား၊ မြင်းစီး၊ ကစားစရာအိမ်ဆောက် (Lego building) သင်တဲ့ သင်တန်းတွေတောင် ပါတယ်။

Read More
ရိုးရာယဉ်ကျေးမှု သွားမယ်

ဝဿန်မိုးနဲ့အတူ ရှင်သန် ပွင့်လန်းလာခဲ့တဲ့ ပန်းတွေ

မိုးလေ ကင်းစင်သော နေ့များ… ကောင်းကင်ပြာပြာပေါ်တွင် တိမ်များ အစုလိုက် အစုလိုက်ဖြင့် လှပနေသော နေ့များတွင် ထို သစ်တောလမ်းကလေးကို ဖြတ်သန်းသွားလာကြသော

Read More
ရိုးရာယဉ်ကျေးမှု အထောက်အကူ

ဂျပန်မိုးရာသီဆိုတာ

ဂျပန်၏မြောက်ဘက်ခြမ်းဖြစ်သော Hokkaido တွင်မိုးရာသီမရှိကြောင်း သိရသည်။ အကြောင်းရင်းမှာ မိုးရာသီအစ မိုးသည်းထန်စွာရွာသွန်းမှုသည် ဟော့ကိုင်းဒိုး ကို ရောက်သောအခါ အားနည်းသွားပြီး မိုးရာသီကဲ့သို့ ရှည်လျားသော ရာသီ မဖြစ်ပေါ်သောကြောင့်ဖြစ်သည်။

Read More

မင်္ဂလာပါ

ဂျပန်တွင် လက်ရှိ နေထိုင်ကြတဲ့ ဂျပန်ရောက် မြန်မာများနဲ့ ဂျပန်လာရဖို့ ပြင်ဆင်နေသူများအတွက် ဂျပန်နဲ့ ပတ်သတ်တဲ့ ဗဟုသုတ နေထိုင်မူ အ တွေ့ အကြုံ များကို အစဉ်အမြဲ တင်ပေးသွားမှာဖြစ်တဲ့အတွက် MMKizuna Facebook page လေးကို like လုပ်ထားဖို့ မမေ့နဲ့နော်