主婦休みの日 သို့မဟုတ် အိမ်ရှင်မနားရက်

အိမ်ရှင်မဆိုတာကတော့ သိကြတဲ့အတိုင်းပါပဲ။ ကလေးထိန်းတာတွေ အိမ်ထောင်မှုတာဝန်တွေလုပ်တာနဲ့တင် တစ်နှစ်ပတ်လုံးနားရက်
ရှာမရတဲ့ မိမိရဲ့ ဇနီး၊ မိမိတို့ရဲ့ မွေးမိခင်ပဲဖြစ်ပါတယ်။ 主婦休みの日主婦休みの日(Shufuyasumi no hi) အဖြစ် တစ်နှစ်မှာသုံးရက် သတ်မှတ်ထားပါတယ်။

  • ၁လပိုင်း ၂၅ရက်
  • ၅လပိုင်း ၂၅ရက်
  • ၉လပိုင်း ၂၅ရက် တို့ပဲ ဖြစ်ကြပါတယ်

ဒီရက်ကိုတော့ サンケイリビング新聞社 (Sankeiliving) ဆန်းခေးလစ်ဗင်းသတင်းစာ ကုမ္ပဏီကနေပြီးတော့ ၂၀၀၉ ၄လပိုင်းမှာ 日本記念日協会 nihonkinenbikyoukai ဂျပန်အမှတ်တရနေ့ အဖွဲ့အစည်းကို အဆိုပြုတင်ခဲ့ပြီးတော့ အဆိုပါနှစ်ကနေ စတင်ပြီး ဂျပန်ရဲ့ အမှတ်တရနေ့ တစ်ခုလည်း အဖြစ် သတ်မှတ်ချင်းခံထားရတာဖြစ်ပါတယ်။ ဒီရက်ကို အိမ်ထောင့်တာဝန်အသီးသီးကို ထမ်းဆောင်နေရတဲ့ အိမ်ရှင်မက အနားယူနိုင်တဲ့နေ့ မိသားစုကကျန်းမာပျော်ရွှင်လာတာကြောင့် ဂျပန်နိုင်ငံလည်း ကျန်းမာပျော်ရွှင်လာတဲ့နေ့ ခင်ပွန်းနဲ့ ကလေးတွေက အိမ်ထောင်မှုတာဝန်ကို တာဝန်လွဲပြီးလုပ်ဆောင်တဲ့နေ့
ခင်ပွန်းနဲ့ ကလေးတွေက အတူတူအချိန်ကုန်ဆုံးနိုင်တဲ့နေ့လို့
ပြောကြပါတယ်။

ဒီရက်ကို အဆိုပြုစတင်ခဲ့တဲ့ サンケイリビング新聞社ဆိုရင်ဖြင့် အမျိူးသမီးဘဝတိုးတက်မြင့်မားရေးကို ဦးတည်ပြီး လုပ်ငန်းပြုလုပ်နေတဲ့ ကုမ္ပဏီဖြစ်ပါတယ်။ သေချာပေါက် အိမ်ရှင်မတစ်ယောက်ဟာ အနားယူဖို့ဆိုတာခက်ခဲတဲ့ ကိစ္စတစ်ခုဖြစ်တာကြောင့် အဆိုပါ ကုမ္ပဏီကနေ ဦးဆောင်ပြီးတော့ ဒီရက်ကို ပိုပြီးလူသိများအောင် တခြားသောမိသားစုတွေပါ ထောက်ခံပြီး အနားယူဖို့ ကူညီပေးနိုင်အောင် ပွဲတွေ လက်ကမ်းစာစောင်တွေဖြန့်ချီတာတွေကို လည်း လုပ်ဆောင်နေပါတယ်။

ဒါ့အပြင် ခင်ပွန်းသည်တွေက အိမ်ထောင်တာဝန်၊ ကလေးတာဝန်ကို ဝေမျှလုပ်ဆောင်တတ်စေဖို့ သင်တန်းတိုတွေကိုလည်း ဖွင့်လှစ်ပါတယ်
အိမ်ရှင်မ အဆင်ပြေစေဖို့ နေ့လည်စာ အစီအစဉ်တွေ ခရီးသွားအစီအစဉ်တွေ ခင်ပွန်းနဲ့ကလေးသီးသန့် ပွဲအစီအစဉ်တွေကို လည်း လုပ်ဆောင်ပေးနေပါတယ်။

တွစ်တာမှာဆိုရင်တော့ တစ်နစ်ပတ်လုံး ပင်ပန်းနေပြီ၊ အနားကောင်းကောင်းယူပါအမေ/ဇနီးသည် ဆိုပြီး ပြောနေကြတဲ့ သူများလည်းရှိသလို ဒီလိုမျိုးတွေလုပ်ဆောင်ပေးပေမယ့် ရက်သတ်မှတ်ပေမယ့် အနားယူဖို့ဆိုတာလည်း ခက်ခဲတဲ့အကြောင်း ခင်ပွန်းသည်အလုပ်ကြောင့် အလုပ်ကြောင့် အနားယူလို့ မရကြောင်း ပြောနေကြတဲ့ သူများလည်း ရှိပါတယ်။

ဗဟုသုတအဖြစ် ပိုပြီးသိချင်တယ်ဆိုရင်တော့ အောက်ကလင့်ခ်မှာ ကြည့်လို့ရပါတယ်နော်
https://www.sankeiliving.co.jp/shufuyasumi/#

သင်သာဆိုရင်ရော ဒီစနစ်ကို ထောက်ခံလား မထောက်ခံဘူးလား?

Leave a Reply

Your email address will not be published. Required fields are marked *

ရိုးရာယဉ်ကျေးမှု

နေ့ခင်းအိပ်မက်မမက်နိုင်ကြပဲ လက်တွေ့အတွက်အသင့်ပြင်နေကြတဲ့ ဂျပန်က ကလေးတွေ

မူလတန်းကလေး ၈၀ ရာနှုန်း ကျူရှင်ယူကြ၊ သင်တန်းတွေ တက်ကြတယ်လို့ မနှစ်ကလုပ်တဲ့ စစ်တမ်းတစ်ခုက ဆိုတယ်။ ဒုတိယနဲ့ တတိယတန်း ကလေးတွေကျတော့ ကိုးဆယ်ရာနှုန်းထိတဲ့။ ရေကူး၊ ဂီတနဲ့ အင်္ဂလိပ်စာသင်တန်းတွေကို တက်တာ အများဆုံးပဲတဲ့။ ဂျပန်နိုင်ငံရဲ့ အီလစ် ပုဂ္ဂလိကကျောင်းက ကလေးတွေဟာ ကျွမ်းဘား၊ မြင်းစီး၊ ကစားစရာအိမ်ဆောက် (Lego building) သင်တဲ့ သင်တန်းတွေတောင် ပါတယ်။

Read More
ရိုးရာယဉ်ကျေးမှု သွားမယ်

ဝဿန်မိုးနဲ့အတူ ရှင်သန် ပွင့်လန်းလာခဲ့တဲ့ ပန်းတွေ

မိုးလေ ကင်းစင်သော နေ့များ… ကောင်းကင်ပြာပြာပေါ်တွင် တိမ်များ အစုလိုက် အစုလိုက်ဖြင့် လှပနေသော နေ့များတွင် ထို သစ်တောလမ်းကလေးကို ဖြတ်သန်းသွားလာကြသော

Read More
ရိုးရာယဉ်ကျေးမှု အထောက်အကူ

ဂျပန်မိုးရာသီဆိုတာ

ဂျပန်၏မြောက်ဘက်ခြမ်းဖြစ်သော Hokkaido တွင်မိုးရာသီမရှိကြောင်း သိရသည်။ အကြောင်းရင်းမှာ မိုးရာသီအစ မိုးသည်းထန်စွာရွာသွန်းမှုသည် ဟော့ကိုင်းဒိုး ကို ရောက်သောအခါ အားနည်းသွားပြီး မိုးရာသီကဲ့သို့ ရှည်လျားသော ရာသီ မဖြစ်ပေါ်သောကြောင့်ဖြစ်သည်။

Read More

မင်္ဂလာပါ

ဂျပန်တွင် လက်ရှိ နေထိုင်ကြတဲ့ ဂျပန်ရောက် မြန်မာများနဲ့ ဂျပန်လာရဖို့ ပြင်ဆင်နေသူများအတွက် ဂျပန်နဲ့ ပတ်သတ်တဲ့ ဗဟုသုတ နေထိုင်မူ အ တွေ့ အကြုံ များကို အစဉ်အမြဲ တင်ပေးသွားမှာဖြစ်တဲ့အတွက် MMKizuna Facebook page လေးကို like လုပ်ထားဖို့ မမေ့နဲ့နော်