ကိုရိုနာဗိုင်းရပ်စ်ဂယက်ကြောင့် ဂျပန်မှာ ဒေဝါလီခံကုမ္ပဏီ ၄၀၀ ရှိ

ငွေချေးယူမှုဆိုင်ရာသုတေသနအဖွဲ့တစ်ဖွဲ့ဖြစ်တဲ့ Teikoku Databank ရဲ့ စစ်တမ်းတစ်ခုက ဂျပန်မှာရှိတဲ့ ကုမ္ပဏီ ၄၀၀ ကိုရိုနာဗိုင်းရပ်စ်ကပ်ရောဂါဂယက်ဒဏ်ကို ခံခဲ့ရတယ်ဆိုတာကို ပြသနေပါတယ်။

တနင်္လာနေ့ မနက် ၁၁ နာရီအချိန်အထိ ဂျပန်နိုင်ငံအနှံ့မှာ ဒေဝါလီခံခဲ့ရတဲ့ ဒါမှမဟုတ် လုပ်ငန်းလုပ်ဆောင်မှုတွေကို ရပ်ဆိုင်းလိုက်ရပြီး ဒေဝါလီခံရေးလုပ်ငန်းစဉ်ကိုစတင်လုပ်နေတဲ့ ကုမ္ပဏီအားလုံး အဲဒီအထဲမှာ ပါဝင်ပါတယ်။
လုပ်ငန်းအလိုက်ကြည့်ရင် အရက်ဆိုင်တွေနဲ့ စားသောက်ဆိုင်တွေအပါအဝင် စားသောက်ဆိုင်လုပ်ငန်းတွေက ကုမ္ပဏီ ၅၄ ခု၊ ဟိုတယ်တွေနဲ့ ဂျပန်ရိုးရာတည်းခိုခန်းလုပ်ငန်း က ၄၈ ခု ၊ အထည်ချုပ်လုပ်ငန်းနဲ့ အစားအစာလက်ကားရောင်း လုပ်ငန်းတွေကတော့ ၂၅ ခု စီရှိပါတယ်။
ခရိုင်အလိုက်ကြည့်မယ်ဆိုရင် တိုကျိုမှာ ဒေဝါလီခံရမှုအများဆုံး ဖြစ်ပြီး လုပ်ငန်း ၉၅ ခု ရှိပါတယ်။ အဲဒီနောက် အိုစာကာခရိုင်မှာ ၄၁ ခု နဲ့ ဟော့ကိုင်းဒိုး မှာ ၂၃ ခုရှိပါတယ်။
တိုကျိုမြို့တော်အုပ်ချုပ်ရေးအဖွဲ့က အရက်ဆိုင်တွေနဲ့ အရက်ရောင်းတဲ့စားသောက်ဆိုင်တွေကို ဆိုင်ဖွင့်ချိန်လျှော့ချဖို့ တိုက်တွန်းထားတာကြောင့် စားသောက်ဆိုင်လုပ်ငန်းတွေဟာ သေကောင်ပေါင်းလဲဖြစ်မယ့်အနေအထားကို ရင်ဆိုင်ရလိမ့်မှာကို စိုးရိမ်တယ်လို့ အဲဒီသုတေသနအဖွဲ့က ပြောပါတယ်။

SOURCE – Japan Today

Leave a Reply

Your email address will not be published. Required fields are marked *

သတင်း

ကိုရိုနာဗိုင်းရပ်စ် ကာကွယ်ဆေးဆိုင်ရာ သတင်းမှားတွေ

ဂျပန်နိုင်ငံရဲ့ ကူးစက်ရောဂါဆိုင်ရာဌာနက ကိုရိုနာဗိုင်းရပ်စ် ကာကွယ်ဆေးတွေနဲ့ ပတ်သက်တဲ့ သူ့ရဲ့ အစီရင်ခံစာကို မှားယွင်းတဲ့ပုံစံနဲ့ ကိုးကားပြီး အင်တာနက်မှာ တင်နေတာတွေအတွက် ပြင်းပြင်းထန်ထန် အပြစ်တင်ရှုံ့ချလိုက်ပါတယ်။

Read More
သတင်း

ဂျပန်မှာ တစ်နေ့တာ ကူးစက်မှု ၁၅,၀၀၀ ကျော်နဲ့ စံချိန်သစ်တင်တာကြောင့် ဗိုင်းရပ်စ်တားဆီးရေးဆောင်ရွက်ချက် နောက်ထပ် ခရိုင် ၈ ခုမှာ တိုးချဲ့သတ်မှတ်မယ်

ဂျပန်မှာ ပထမဦးဆုံး တစ်နေ့တာကူးစက်မှုအရေအတွက် ၁၅.၀၀၀ကျော်ခဲ့တာ ဖြစ်ပါတယ်။
တိုကျိုမှာ ကြာသပတေးနေ့က ကိုရိုနာဗိုင်းရပ်စ် ကူးစက်ခံရသူအသစ် ၅,၀၄၂ ဦး အတည်ပြုခဲ့ကြောင်း တိုကျိုမြို့တော် အုပ်ချုပ်ရေးအဖွဲ့က ပြောပါတယ်။

Read More
သတင်း

တိုကျိုအားကစားပွဲတွေမှာ ပထမဆုံး အစုအပြုံလိုက် ကိုရိုနာဗိုင်းရပ်စ် ကူးစက်မှုတွေ့ရှိ

ဂရိနိုင်ငံက အားကစားသမားအဖွဲ့က အတော်များများမှာ ကိုရိုနာဗိုင်းရပ်စ်ပိုး တွေ့ရှိခဲ့ပြီးနောက် တိုကျိုအိုလံပစ် ပြိုင်ပွဲကျင်းပရေး အဖွဲ့တွေက အိုလံပစ်ပွဲမှာ ပထမဆုံး အစုလိုက်အပြုံလိုက် ရောဂါကူးစက်မှု ဖြစ်ခဲ့တယ်လို့ သိရကြောင်း ပြောပါတယ်။

Read More

မင်္ဂလာပါ

ဂျပန်တွင် လက်ရှိ နေထိုင်ကြတဲ့ ဂျပန်ရောက် မြန်မာများနဲ့ ဂျပန်လာရဖို့ ပြင်ဆင်နေသူများအတွက် ဂျပန်နဲ့ ပတ်သတ်တဲ့ ဗဟုသုတ နေထိုင်မူ အ တွေ့ အကြုံ များကို အစဉ်အမြဲ တင်ပေးသွားမှာဖြစ်တဲ့အတွက် MMKizuna Facebook page လေးကို like လုပ်ထားဖို့ မမေ့နဲ့နော်