ဂျပန်နိုင်ငံတွင် Coronavirus ရောဂါကူးစက်ပြန့်ပွားနေမှုကြောင့် ဂျပန်နိုင်ငံဝန်ကြီးချုပ် Shinzo Abe မှကျောင်းများယာယီပိတ်မည့်အစီအစဉ်ကို အကောင်အထည်ဖော်ရန် ပြောကြားခဲ့

February 29, 2020 at 2:02 PM

ဂျပန်နိုင်ငံ အစိုးရမှ Coronavirus ကူးစက်ပြန့်ပွားနေမှုကြောင့် ကျောင်းများယာယီပိတ်ထားမည့်အစီအစဉ်ကို အကောင်အထည်ဖော်တော့မည်ဖြစ်ကြောင်းနှင့် Coronavirus ပြန့်ပွားမှုကို ထိန်းချုပ်နိုင်ရန်အတွက်လုပ်ဆောင်ရန်လိုအပ်သည့်ကိစ္စများကိုလည်း နှောင့်နှေးမှုမရှိအောင် လုပ်ဆောင်မည်ဖြစ်ကြောင်း ဂျပန်နိုင်ငံဝန်ကြီးချုပ် Shinzo Abeက ပြောကြားခဲ့ပါတယ်။

ဂျပန်နိုင်ငံအစိုးရမှ မူလတန်းကျောင်း၊အလယ်တန်းကျောင်း၊အထက်တန်းကျောင်းနှင့် မသန်စွမ်းကျောင်း( Special needs) အစရှိတဲ့ ဂျပန်နိုင်ငံအတွင်းရှိကျောင်းများအားလုံးကို မတ်လ(၂)ရက် တင်္နလာနေ့မှစတင်၍ ယာယီပိတ်ထားမည့်အစီအစဉ်ကို ဖေဖော်ဝါရီလ (၂၇)ရက် ကြာသပတေးနေ့တွင် ဆုံးဖြတ်ခဲ့ပါတယ်။

Source : NHK

ဝန်ကြီးချုပ် Abeမှ ယခုလိုဆုံးဖြတ်လိုက်ရသည့် ဆုံးဖြတ်ချက်ကိုလည်း နားလည်ပေးရန်နှင့် ကျောင်းများပိတ်လိုက်ခြင်းကြောင့် ဖြစ်ပေါ်လာသည့် ကိစ္စအရပ်ရပ်များကိုလည်း အစိုးရမှ တာဝန်ယူမည်ဖြစ်ကြောင်း ဖေဖော်ဝါရီလ(၂၈)ရက် သောကြာနေ့တွင် ပြောကြားခဲ့ပါတယ်။
လာမယ့်အပတ်နှင့် နောက်လာမယ့်ဒုတိယမြောက် အပတ်တို့ဟာ ဂျပန်နိုင်ငံတွင် Coronavirus ရောဂါကို ဒီထက်ပိုမပြန့်ပွားအောင် လုပ်ဆောင်ရမယ့်အရေးကြီးသောအချိန်ဖြစ်နေသောကြောင့် ဝန်ကြီးချုပ် Abeမှ ထိုကိစ္စနှင့်ပတ်သက်ပြီး စိုးရိမ်ပူပန်၊သောကရောက်လျက် ရှိပါတယ်။

အစိုးရမှ ဂျပန်နိုင်ငံရှိလူများ၏အသက်နှင့်ကျန်းမာရေးကို ကာကွယ်နိုင်ရန် ဦးစားပေးအနေနှင့် တတ်နိုင်သလောက် ကြိုးပမ်းလုပ်ဆောင်လျက်ရှိပြီး ဖြစ်ပေါ်လာသည့် အခြေအနေနှင့်အညီ လိုအပ်သည့်ကိစ္စများကိုလည်း လုပ်ဆောင်သွားမည်ဖြစ်ကြောင်း ဝန်ကြီးချုပ်မှ ပြောကြားခဲ့ပါတယ်။

ထို့အပြင် ဒေသအသီးသီးရှိ ကျောင်းများဟာလည်း ဖြစ်ပေါ်လာသည့် အခြေအနေအပေါ်မူတည်ပြီး လိုအပ်သည်များ လုပ်ဆောင်နိုင်ရန်အတွက်လည်း ကြိုတင်ပြင်ဆင်ထားကြကြောင်းလည်း ပညာရေးဝန်ကြီး Koichi Hahiuda မှ သတင်းထောက်များကို ဖေဖော်ဝါရီလ (၂၈)ရက် သောကြာနေ့တွင် ပြောကြားခဲ့ပါတယ်။ ပညာရေးဝန်ကြီးမှ အစိုးရနှင့်ပုဂ္ဂလိက လုပ်ငန်းရှင်များအား ကလေးငယ်ရှိသော ဝန်ထမ်းများအား ကလေးငယ်ရှိပါက ဝန်ထမ်းများ၏အခြေအနေကို စဉ်းစားပေးသောအနေဖြင့်လိုအပ်ပါက နားရက်ပေးရန်လည်း တောင်းဆိုခဲ့ပါတယ်။