ကိုရိုနာကပ်ရောဂါအရေးနဲ့ပတ်သက်ပြီး ဂျပန် ဝန်ကြီးချုပ်နဲ့ အမေရိကန် သမ္မတတို့ ဆွေးနွေး

ကိုရိုနာဗိုင်းရပ်စ် ကပ်ရောဂါ အမြန် အဆုံးသတ်ရေး ကူညီဖို့အတွက် ဂျပန်ဝန်ကြီးချုပ် Shinzo Abe နဲ့ အမေရိကန်သမ္မတ Donald Trump တို့အတူတကွ ဆက်လက် လုပ်ဆောင်ကြဖို့ သဘောတူခဲ့ကြပါတယ်။
ဂျပန်ဘက်က တောင်းဆိုချက်အရ ခေါင်းဆောင်နှစ်ဦးတို့ဟာ ဂျပန်အချိန် မေလ ၈ ရက်နေ့ မနက်ပိုင်းမှာ မိနစ် ၄၀ ကြာလောက် တယ်လီဖုန်းနဲ့ ပြောဆိုဆွေးနွေးခဲ့ကြပါတယ်။
မစ္စတာ Abe နဲ့ မစ္စတာ Trump တို့ဟာ တစ်နိုင်ငံချင်းစီက ကူးစက်ဖြစ်ပွားမှု တွေရဲ့ နောက်ဆုံး သတင်းအချက်အလက်တွေနဲ့ ဗိုင်းရပ်စ်ပိုး ထိန်းချုပ်ရေး ဆောင်ရွက်ချက်တွေကို ဖလှယ်ခဲ့ကြပါတယ်။ ထို့အပြင် နှစ်နိုင်ငံအတွင်း စီးပွားရေး ပြန်လည် ဖွင့်လှစ် လုပ်ဆောင်ရေး ခြေလှမ်းတွေ၊ ကုသဆေးနဲ့ ကာကွယ်ဆေး တီထွင် ထုတ်လုပ်ရေး ကြိုးပမ်းချက်တွေကိုလည်း ဆွေးနွေးခဲ့ကြပါတယ်။
ဂျပန်လူမျိုးတွေကို မြောက်ကိုရီးယားက အဓမ္မ ဖမ်းဆီး ခေါ်ဆောင်သွား ခဲ့တဲ့ကိစ္စ နဲ့ မြောက်ကိုရီးယားရဲ့ နျူကလီးယားနဲ့ ဒုံးကျည် အစီအစဉ်တွေ ဖြေရှင်းရေးအတွက် အနီးကပ် ပူးပေါင်း ဆောင်ရွက်ကြမယ် ဆိုတာကိုလည်း ခေါင်းဆောင်နှစ်ဦးတို့က အတည်ပြုခဲ့ ကြပါတယ်။
နောက်နှစ်မှာ ကျင်းပဖို့ နေ့ရက် ပြန်လည်သတ်မှတ်ခဲ့တဲ့ တိုကျို အိုလံပစ်နဲ့ ပါရာလင်ပစ် အားကစားပွဲတွေ သေချာပေါက် အောင်မြင်စေရေးအတွက် ပူးပေါင်း ဆောင်ရွက်ကြမယ်ဆိုတာကိုလည်း မစ္စတာ Abeနဲ့ မစ္စတာ Trumpတို့ က သဘောတူခဲ့ကြပါတယ်။ ဗိုင်းရပ်စ်ပိုး တိုက်ဖျက်ရေးမှာ တရုတ်အပါအဝင် နိုင်ငံတကာ အသိုင်းအဝန်းအနေနဲ့ အတူတကွ လုပ်ဆောင်သင့်တယ်ဆိုတာနဲ့ ပတ်သက်ပြီး ခေါင်းဆောင်နှစ်ဦးတို့ အမြင်သဘော တူခဲ့ကြပါတယ်။
SOURCE – Japan Today

Leave a Reply

Your email address will not be published. Required fields are marked *

သတင်း

ကိုရိုနာဗိုင်းရပ်စ် ကာကွယ်ဆေးဆိုင်ရာ သတင်းမှားတွေ

ဂျပန်နိုင်ငံရဲ့ ကူးစက်ရောဂါဆိုင်ရာဌာနက ကိုရိုနာဗိုင်းရပ်စ် ကာကွယ်ဆေးတွေနဲ့ ပတ်သက်တဲ့ သူ့ရဲ့ အစီရင်ခံစာကို မှားယွင်းတဲ့ပုံစံနဲ့ ကိုးကားပြီး အင်တာနက်မှာ တင်နေတာတွေအတွက် ပြင်းပြင်းထန်ထန် အပြစ်တင်ရှုံ့ချလိုက်ပါတယ်။

Read More
သတင်း

ဂျပန်မှာ တစ်နေ့တာ ကူးစက်မှု ၁၅,၀၀၀ ကျော်နဲ့ စံချိန်သစ်တင်တာကြောင့် ဗိုင်းရပ်စ်တားဆီးရေးဆောင်ရွက်ချက် နောက်ထပ် ခရိုင် ၈ ခုမှာ တိုးချဲ့သတ်မှတ်မယ်

ဂျပန်မှာ ပထမဦးဆုံး တစ်နေ့တာကူးစက်မှုအရေအတွက် ၁၅.၀၀၀ကျော်ခဲ့တာ ဖြစ်ပါတယ်။
တိုကျိုမှာ ကြာသပတေးနေ့က ကိုရိုနာဗိုင်းရပ်စ် ကူးစက်ခံရသူအသစ် ၅,၀၄၂ ဦး အတည်ပြုခဲ့ကြောင်း တိုကျိုမြို့တော် အုပ်ချုပ်ရေးအဖွဲ့က ပြောပါတယ်။

Read More
သတင်း

တိုကျိုအားကစားပွဲတွေမှာ ပထမဆုံး အစုအပြုံလိုက် ကိုရိုနာဗိုင်းရပ်စ် ကူးစက်မှုတွေ့ရှိ

ဂရိနိုင်ငံက အားကစားသမားအဖွဲ့က အတော်များများမှာ ကိုရိုနာဗိုင်းရပ်စ်ပိုး တွေ့ရှိခဲ့ပြီးနောက် တိုကျိုအိုလံပစ် ပြိုင်ပွဲကျင်းပရေး အဖွဲ့တွေက အိုလံပစ်ပွဲမှာ ပထမဆုံး အစုလိုက်အပြုံလိုက် ရောဂါကူးစက်မှု ဖြစ်ခဲ့တယ်လို့ သိရကြောင်း ပြောပါတယ်။

Read More

မင်္ဂလာပါ

ဂျပန်တွင် လက်ရှိ နေထိုင်ကြတဲ့ ဂျပန်ရောက် မြန်မာများနဲ့ ဂျပန်လာရဖို့ ပြင်ဆင်နေသူများအတွက် ဂျပန်နဲ့ ပတ်သတ်တဲ့ ဗဟုသုတ နေထိုင်မူ အ တွေ့ အကြုံ များကို အစဉ်အမြဲ တင်ပေးသွားမှာဖြစ်တဲ့အတွက် MMKizuna Facebook page လေးကို like လုပ်ထားဖို့ မမေ့နဲ့နော်