ကိုရိုနာဗိုင်းရပ်စ် ကူးစက်မှုဆိုင်ရာ အရေးပေါ်အခြေအနေ ရုပ်သိမ်းပြီး နောက်ပိုင်း ဆက်လက် သတိရှိဖို့ တိုက်တွန်း နှိုးဆော်ထား

နိုင်ငံတစ်ဝန်းက ခရိုင် ၃၉ခုမှာ အရေးပေါ်အခြေအနေ ကြေညာ ထားတာကို ရုပ်သိမ်းခဲ့ပေမဲ့လည်း ကိုရိုနာဗိုင်းရပ်စ် ကူးစက်မှု ကာကွယ်တားဆီးရေးအတွက် လုပ်ဆောင်ချက်တွေကို ဆက်လက် ဆောင်ရွက် ကြဖို့ ဂျပန်အစိုးရက တိုက်တွန်း နှိုးဆော်ထားပါတယ်။

ကြာသပတေးနေ့ကစပြီး အဲဒီ ခရိုင်၃၉ခုမှာ အရေးပေါ်အခြေအနေ ကြေညာချက်ကို ရုပ်သိမ်းခဲ့ပေမဲ့လည်း တိုကျိုနဲ့ အိုစာကာ အပါအဝင် တခြား ခရိုင် ၈ ခုမှာ ဆက်လက် ထားရှိဆဲဖြစ်ပါတယ်။
ဒါပေမဲ့လည်း သောကြာနေ့မှာဆိုရင် အဲဒီခရိုင် ၈ခုမှာ အဲဒီရက် မတိုင်မီ ကထက် အပြင်ထွက် သွားလာသူဦးရေ ပိုများလာတာကို တွေ့ခဲ့ရ ပါတယ်။
စီးပွားရေး ပြန်လည်အားကောင်းလာစေရေးဆိုင်ရာ ဝန်ကြီး နီရှိမူရာ ယာစုတိုရှီ (Nishimura Yasutoshi) က “လူတွေ သတိထားမှု နည်းနည်းလျော့ကျသွားပုံရတယ်၊ အဲဒီအပေါ် သူစိုးရိမ်မိတယ်” လို့ စနေနေ့က ပြောကြားခဲ့ပါတယ်။
တောင်ကိုရီးယားနဲ့ ဂျာမနီ နိုင်ငံတွေမှာဖြစ်ခဲ့တာမျိုး ဗိုင်းရပ်စ်ပိုး ကူးစက်မှု ဒုတိယလှိုင်း ကျရောက်လာနိုင်ခြေ ရှိတယ်လို့လည်း သူက သတိပေး လိုက်ပါတယ်။
အစိုးရက လာမယ့် ကြာသပတေးနေ့မှာ ကျန်တဲ့ ခရိုင် ၈ခုမှာ အရေးပေါ်အခြေအနေ ကြေညာချက် ရုပ်သိမ်းဖို့ စီစဉ် ဆောင်ရွက်မှာ ဖြစ်တဲ့အတွက် ပြန်လည် ဖြစ်ပေါ်လာနိုင်ခြေ ရှိတဲ့ ကူးစက်မှုတွေကို သတိထား စောင့်ကြည့် နေပါတယ်။
နိုင်ငံတစ်ဝန်းက ပြည်သူတွေအနေနဲ့ အထူးသဖြင့် ဘားအရက်ဆိုင် တွေ၊ ညကလပ်တွေ၊ live music နဲ့ ဂီတဖျော်ဖြေမှုလုပ်တဲ့နေရာတွေ၊ ကာရာအိုကေခန်းတွေနဲ့ အားကစားလေ့ကျင့်ရုံတွေမှာ လူတွေ နီးနီးကပ်ကပ် နေထိုင်ထိတွေ့မှုတွေကို သတိထားရှောင်ရှားကြဖို့နဲ့ တခြားလိုအပ်တဲ့ ကူးစက်မှု ကို သတိထား ကာကွယ်တဲ့ ဆောင်ရွက်မှုတွေ ဆက်လက် လုပ်ကြဖို့ ဂျပန်အစိုးရက တိုက်တွန်းသွားမယ်လို့ ရည်ရွယ်ထား ပါတယ်။ SOURCE – NHK

Leave a Reply

Your email address will not be published. Required fields are marked *

သတင်း

ကိုရိုနာဗိုင်းရပ်စ် ကာကွယ်ဆေးဆိုင်ရာ သတင်းမှားတွေ

ဂျပန်နိုင်ငံရဲ့ ကူးစက်ရောဂါဆိုင်ရာဌာနက ကိုရိုနာဗိုင်းရပ်စ် ကာကွယ်ဆေးတွေနဲ့ ပတ်သက်တဲ့ သူ့ရဲ့ အစီရင်ခံစာကို မှားယွင်းတဲ့ပုံစံနဲ့ ကိုးကားပြီး အင်တာနက်မှာ တင်နေတာတွေအတွက် ပြင်းပြင်းထန်ထန် အပြစ်တင်ရှုံ့ချလိုက်ပါတယ်။

Read More
သတင်း

ဂျပန်မှာ တစ်နေ့တာ ကူးစက်မှု ၁၅,၀၀၀ ကျော်နဲ့ စံချိန်သစ်တင်တာကြောင့် ဗိုင်းရပ်စ်တားဆီးရေးဆောင်ရွက်ချက် နောက်ထပ် ခရိုင် ၈ ခုမှာ တိုးချဲ့သတ်မှတ်မယ်

ဂျပန်မှာ ပထမဦးဆုံး တစ်နေ့တာကူးစက်မှုအရေအတွက် ၁၅.၀၀၀ကျော်ခဲ့တာ ဖြစ်ပါတယ်။
တိုကျိုမှာ ကြာသပတေးနေ့က ကိုရိုနာဗိုင်းရပ်စ် ကူးစက်ခံရသူအသစ် ၅,၀၄၂ ဦး အတည်ပြုခဲ့ကြောင်း တိုကျိုမြို့တော် အုပ်ချုပ်ရေးအဖွဲ့က ပြောပါတယ်။

Read More
သတင်း

တိုကျိုအားကစားပွဲတွေမှာ ပထမဆုံး အစုအပြုံလိုက် ကိုရိုနာဗိုင်းရပ်စ် ကူးစက်မှုတွေ့ရှိ

ဂရိနိုင်ငံက အားကစားသမားအဖွဲ့က အတော်များများမှာ ကိုရိုနာဗိုင်းရပ်စ်ပိုး တွေ့ရှိခဲ့ပြီးနောက် တိုကျိုအိုလံပစ် ပြိုင်ပွဲကျင်းပရေး အဖွဲ့တွေက အိုလံပစ်ပွဲမှာ ပထမဆုံး အစုလိုက်အပြုံလိုက် ရောဂါကူးစက်မှု ဖြစ်ခဲ့တယ်လို့ သိရကြောင်း ပြောပါတယ်။

Read More

မင်္ဂလာပါ

ဂျပန်တွင် လက်ရှိ နေထိုင်ကြတဲ့ ဂျပန်ရောက် မြန်မာများနဲ့ ဂျပန်လာရဖို့ ပြင်ဆင်နေသူများအတွက် ဂျပန်နဲ့ ပတ်သတ်တဲ့ ဗဟုသုတ နေထိုင်မူ အ တွေ့ အကြုံ များကို အစဉ်အမြဲ တင်ပေးသွားမှာဖြစ်တဲ့အတွက် MMKizuna Facebook page လေးကို like လုပ်ထားဖို့ မမေ့နဲ့နော်