တိုကျိုမြို့မှာ ကိုရိုနာဗိုင်းရပ်စ် ကူးစက်ခံရသူ ၄၈ ဦး နှင့် လေဆိပ် ကူးစက်ရောဂါ ထိန်းချုပ်ရေးဌာနမှာ ကိုရိုနာဗိုင်းရပ်စ် ကူးစက်ခံရသူ တွေ့ရှိမှု တိုးလာနေ

ဂျပန်က နေရာ အများအပြားမှာ ကိုရိုနာဗိုင်းရပ်စ် ကူးစက်ပြန့်ပွားမှု လျော့ကျလာခဲ့ပေမဲ့ ဂျပန်နိုင်ငံကို ရောက်ရှိလာသူတွေထဲမှာ လေဆိပ် ကိုရိုနာဗိုင်းရပ်စ် ကူးစက်ခံထားရသူ အရေအတွက်ဟာ သိသိသာသာ တိုးလာနေတယ်လို့ ကူးစက်ရောဂါ ထိန်းချုပ်ရေးဌာနက တွေ့ရှိခဲ့ပါတယ်။
ဂျပန်မှာ အရေးပေါ် အခြေအနေ ကြေညာချက်ကို ရုပ်သိမ်းခဲ့တဲ့ မေလ ၂၅ ရက်နေ့က စပြီး ဗုဒ္ဓဟူးနေ့အထိ လေဆိပ် ကူးစက်ရောဂါထိန်းချုပ်ရေးဌာနတွေမှာ ကိုရိုနာဗိုင်းရပ်စ် ကူးစက်မှု အတည်ပြုခဲ့သူပေါင်း ၁၃၁ ဦးရှိခဲ့တယ်လို့ ကျန်းမာရေးဝန်ကြီးဌာနက ဆိုပါတယ်။
ဒီအရေအတွက်ဟာ ကြေညာချက် မရုပ်သိမ်းခင် တစ်လတုန်းကထက် လေးဆပိုများနေတာ ဖြစ်ပါတယ်။ ၁၃၁ ဦးထဲမှာ ၇၀ရာခိုင်နှုန်းကျော်ဟာ နိုင်ငံခြားသားတွေ ဖြစ်ကြပါတယ်။အရေးပေါ်အခြေအနေ ကြေညာချက် ရုပ်သိမ်းလိုက်တာကနေ အခုလို အရေအတွက် တိုးလာရတာ ဖြစ်နိုင်တယ်လို့ ကျွမ်းကျင်သူတွေက သံသယ ရှိနေပါတယ်။
တခြားနိုင်ငံတွေမှာ ဒီဗိုင်းရပ်စ်ပိုး ပျံ့ပွားနေတဲ့အတွက်ကြောင့် နေထိုင်ခွင့်ဗီဇာ ရှိသူတွေအပါအဝင် ဂျပန်ကို ဝင်လာသူတွေ တိုးလာတာကလည်း တခြား အကြောင်းရင်း တစ်ခုဖြစ်နိုင်တယ်လို့ သူတို့က ဆိုပါတယ်။ကူးစက်မှုအနေအထား မဆိုးရွားတဲ့ နိုင်ငံတွေက စီးပွားရေးသမားတွေအပေါ်မှာပဲ ကန့်သတ်ချက်တွေကို ဖြေလျှော့ပေးဖို့ ဂျပန်အစိုးရက စီစဉ်နေပါတယ်။
တိုကျိုမြို့မှာ ကိုရိုနာဗိုင်းရပ်စ် ကူးစက်ခံရသူ နောက်ထပ် ၄၈ဦး ကြာသပတေးနေ့မှာ အတည်ပြုခဲ့တယ်လို့ တိုကျိုမြို့အုပ်ချုပ်ရေးအဖွဲ့ရဲ့ အရာရှိတွေက ဆိုပါတယ်။တိုကျိုမှာ ကူးစက်ခံထားရကြောင်း စစ်ဆေးတွေ့ရှိရသူပေါင်း ၅၉၄၃ ဦး ရှိသွားပြီ ဖြစ်ပါတယ်။
ဗုဒ္ဓဟူးနေ့တုန်းက တိုကျိုမှာ ကူးစက်ခံရသူအသစ် ၅၅ ဦး ရှိခဲ့တယ်လို့ သိရပြီး မေလ ၂၅ ရက်နေ့မှာ အရေးပေါ် အခြေအနေ ကြေညာချက်ကို ရုပ်သိမ်းခဲ့တဲ့နောက်ပိုင်း တစ်နေ့တာအတွက် အများဆုံး အရေအတွက် ဖြစ်ခဲ့ပါတယ်။

Leave a Reply

Your email address will not be published. Required fields are marked *

သတင်း

ကိုရိုနာဗိုင်းရပ်စ် ကာကွယ်ဆေးဆိုင်ရာ သတင်းမှားတွေ

ဂျပန်နိုင်ငံရဲ့ ကူးစက်ရောဂါဆိုင်ရာဌာနက ကိုရိုနာဗိုင်းရပ်စ် ကာကွယ်ဆေးတွေနဲ့ ပတ်သက်တဲ့ သူ့ရဲ့ အစီရင်ခံစာကို မှားယွင်းတဲ့ပုံစံနဲ့ ကိုးကားပြီး အင်တာနက်မှာ တင်နေတာတွေအတွက် ပြင်းပြင်းထန်ထန် အပြစ်တင်ရှုံ့ချလိုက်ပါတယ်။

Read More
သတင်း

ဂျပန်မှာ တစ်နေ့တာ ကူးစက်မှု ၁၅,၀၀၀ ကျော်နဲ့ စံချိန်သစ်တင်တာကြောင့် ဗိုင်းရပ်စ်တားဆီးရေးဆောင်ရွက်ချက် နောက်ထပ် ခရိုင် ၈ ခုမှာ တိုးချဲ့သတ်မှတ်မယ်

ဂျပန်မှာ ပထမဦးဆုံး တစ်နေ့တာကူးစက်မှုအရေအတွက် ၁၅.၀၀၀ကျော်ခဲ့တာ ဖြစ်ပါတယ်။
တိုကျိုမှာ ကြာသပတေးနေ့က ကိုရိုနာဗိုင်းရပ်စ် ကူးစက်ခံရသူအသစ် ၅,၀၄၂ ဦး အတည်ပြုခဲ့ကြောင်း တိုကျိုမြို့တော် အုပ်ချုပ်ရေးအဖွဲ့က ပြောပါတယ်။

Read More
သတင်း

တိုကျိုအားကစားပွဲတွေမှာ ပထမဆုံး အစုအပြုံလိုက် ကိုရိုနာဗိုင်းရပ်စ် ကူးစက်မှုတွေ့ရှိ

ဂရိနိုင်ငံက အားကစားသမားအဖွဲ့က အတော်များများမှာ ကိုရိုနာဗိုင်းရပ်စ်ပိုး တွေ့ရှိခဲ့ပြီးနောက် တိုကျိုအိုလံပစ် ပြိုင်ပွဲကျင်းပရေး အဖွဲ့တွေက အိုလံပစ်ပွဲမှာ ပထမဆုံး အစုလိုက်အပြုံလိုက် ရောဂါကူးစက်မှု ဖြစ်ခဲ့တယ်လို့ သိရကြောင်း ပြောပါတယ်။

Read More

မင်္ဂလာပါ

ဂျပန်တွင် လက်ရှိ နေထိုင်ကြတဲ့ ဂျပန်ရောက် မြန်မာများနဲ့ ဂျပန်လာရဖို့ ပြင်ဆင်နေသူများအတွက် ဂျပန်နဲ့ ပတ်သတ်တဲ့ ဗဟုသုတ နေထိုင်မူ အ တွေ့ အကြုံ များကို အစဉ်အမြဲ တင်ပေးသွားမှာဖြစ်တဲ့အတွက် MMKizuna Facebook page လေးကို like လုပ်ထားဖို့ မမေ့နဲ့နော်