Avigan ဆေးဝါး သုတေသနကို ပိုမိုလုပ်ဆောင်ရန် လိုအပ်လာ

Avigan ဆေးကို COVID-19 ကူးစက် လူနာတွေကို ကုသဖို့ ထိရောက်တဲ့ ဆေးဝါးအဖြစ် သတ်မှတ်ဖို့ အတွက် စောလွန်းသေးကြောင်း Avigan ဆေးဝါးနဲ့ လက်တွေ့ကုသ စမ်းသပ်မှုတွေကို အကဲဖြတ်နေတဲ့ ဂျပန်နိုင်ငံက လွတ်လပ်တဲ့ ကြားခံ ကော်မတီက ပြောတယ်လို့ သတင်းရပ်ကွက်တွေက ဆိုပါတယ်။
Avigan ဆေးဟာ ဂျပန်ကုမ္ပဏီတစ်ခုက တီထွင်ထုတ်လုပ်ထားတဲ့ တုပ်ကွေးရောဂါ ကုသဆေးတစ်မျိုး ဖြစ်ပါတယ်။
ကိုရိုနာဗိုင်းရပ်စ် ကူးစက်ခံထားရပြီး ရောဂါလက္ခဏာ မပြင်းထန်သူ ဒါမှမဟုတ် ရောဂါလက္ခဏာ မပြသူ ၈၆ဦးကို အဲဒီ ဆေးနဲ့ လက်တွေ့ စမ်းသပ်ကုသမှုတွေ ပြုလုပ်နေပါတယ်။ သူတို့ကို အုပ်စု ၂စု ခွဲခဲ့ပါတယ်။ အုပ်စုတစ်စုကိုတော့ ဆေးရုံတက်တဲ့နေ့ကစပြီး ၁၀ ရက်အထိ Avigan ဆေးကို ပေးပြီး ကုသခဲ့ပါတယ်။ နောက်တစ်အုပ်စုကတော့ ၆ရက်မြောက်နေ့ က စပြီး ဒီဆေးနဲ့ ကုသခဲ့ပါတယ်။ ၆ရက်မြောက်နေ့မှာ ဗိုင်းရပ်စ်ပိုး လျော့နည်းမှု ရှိသလားဆိုတာကို ထို အုပ်စု ၂စု ကို နှိုင်းယှဉ် ပြီး သုတေသီတွေက လေ့လာ လျက်ရှိပြီး လက်တွေ့ စမ်းသပ်မှုတွေကို ကြားခံ ကော်မတီက အကဲဖြတ်ရမယ်လို့ သတ်မှတ်ထားပါတယ်။
လူ ၄၀ လောက်ကို ကာလဝက် ကုသကြည့်တဲ့ ရလဒ်တွေကို အဲဒီ ကော်မတီက ဆန်းစစ်ခဲ့ပြီး Avigan ဆေးရဲ့ ထိရောက်မှုကို အကဲဖြတ်ဖို့ အတွက် သုတသနတွေ ဆက်လုပ်ဖို့ လိုအပ်တယ်လို့ ကောက်ချက်ချခဲ့ကြောင်း အဲဒီစမ်းသပ်ကုသမှုနဲ့ ဆက်စပ်တဲ့ သတင်းရပ်ကွက်တွေက ဆိုပါတယ်။
အခုလမှာ Avigan ဆေးကို ကိုရိုနာဗိုင်းရပ်စ် ရောဂါ ကုသဆေးအဖြစ် အတည်ပြုနိုင်ရေးအတွက် အဲဒီ လုပ်ငန်းစဉ်တွေကို အရှိန်မြှင့်လုပ်ဆောင်ဖို့ စီစဉ်နေတယ်လို့ ကျန်းမာရေး ဝန်ကြီးဌာနက ဆိုပါတယ်။
တရုတ်နိုင်ငံကတော့ လက်တွေ့စမ်းသပ်မှုတွေအရ အဲဒီဆေးဟာ ထိရောက်မှုရှိတယ်လို့ မတ်လမှာ ကြေညာခဲ့ပါတယ်။ SOURCE – NHK

Leave a Reply

Your email address will not be published. Required fields are marked *

သတင်း

ကိုရိုနာဗိုင်းရပ်စ် ကာကွယ်ဆေးဆိုင်ရာ သတင်းမှားတွေ

ဂျပန်နိုင်ငံရဲ့ ကူးစက်ရောဂါဆိုင်ရာဌာနက ကိုရိုနာဗိုင်းရပ်စ် ကာကွယ်ဆေးတွေနဲ့ ပတ်သက်တဲ့ သူ့ရဲ့ အစီရင်ခံစာကို မှားယွင်းတဲ့ပုံစံနဲ့ ကိုးကားပြီး အင်တာနက်မှာ တင်နေတာတွေအတွက် ပြင်းပြင်းထန်ထန် အပြစ်တင်ရှုံ့ချလိုက်ပါတယ်။

Read More
သတင်း

ဂျပန်မှာ တစ်နေ့တာ ကူးစက်မှု ၁၅,၀၀၀ ကျော်နဲ့ စံချိန်သစ်တင်တာကြောင့် ဗိုင်းရပ်စ်တားဆီးရေးဆောင်ရွက်ချက် နောက်ထပ် ခရိုင် ၈ ခုမှာ တိုးချဲ့သတ်မှတ်မယ်

ဂျပန်မှာ ပထမဦးဆုံး တစ်နေ့တာကူးစက်မှုအရေအတွက် ၁၅.၀၀၀ကျော်ခဲ့တာ ဖြစ်ပါတယ်။
တိုကျိုမှာ ကြာသပတေးနေ့က ကိုရိုနာဗိုင်းရပ်စ် ကူးစက်ခံရသူအသစ် ၅,၀၄၂ ဦး အတည်ပြုခဲ့ကြောင်း တိုကျိုမြို့တော် အုပ်ချုပ်ရေးအဖွဲ့က ပြောပါတယ်။

Read More
သတင်း

တိုကျိုအားကစားပွဲတွေမှာ ပထမဆုံး အစုအပြုံလိုက် ကိုရိုနာဗိုင်းရပ်စ် ကူးစက်မှုတွေ့ရှိ

ဂရိနိုင်ငံက အားကစားသမားအဖွဲ့က အတော်များများမှာ ကိုရိုနာဗိုင်းရပ်စ်ပိုး တွေ့ရှိခဲ့ပြီးနောက် တိုကျိုအိုလံပစ် ပြိုင်ပွဲကျင်းပရေး အဖွဲ့တွေက အိုလံပစ်ပွဲမှာ ပထမဆုံး အစုလိုက်အပြုံလိုက် ရောဂါကူးစက်မှု ဖြစ်ခဲ့တယ်လို့ သိရကြောင်း ပြောပါတယ်။

Read More

မင်္ဂလာပါ

ဂျပန်တွင် လက်ရှိ နေထိုင်ကြတဲ့ ဂျပန်ရောက် မြန်မာများနဲ့ ဂျပန်လာရဖို့ ပြင်ဆင်နေသူများအတွက် ဂျပန်နဲ့ ပတ်သတ်တဲ့ ဗဟုသုတ နေထိုင်မူ အ တွေ့ အကြုံ များကို အစဉ်အမြဲ တင်ပေးသွားမှာဖြစ်တဲ့အတွက် MMKizuna Facebook page လေးကို like လုပ်ထားဖို့ မမေ့နဲ့နော်