Corona Virus ကူးစက်မှုနှုန်း ဂျပန် ရဲတပ်ဖွဲ့အတွင်း လျင်မြန်စွာ ပျံ့နှံ့ လျက်ရှိ

ပြင်သစ်နိုင်ငံမှာ ပထမဆုံး ရဲတပ်ဖွဲ့ဝင် တစ်ဦး Covid-19 ရောဂါ ဖြင့် မတ်လ ၂၆ ရက်နေ့မှာ သေဆုံးခဲ့ပြီး ပြင်သစ်နိုင်ငံအတွင်း Corona Virus ကူးစက်ခံစားနေရသူ ရဲတပ်ဖွဲ့ဝင် အနည်းဆုံး ၅၁ ဦး ခန့် ရှိတယ်လို့ သိရပါတယ်။ စပိန်နိုင်ငံမှာတော့ ရဲတပ်ဖွဲ့ဝင် ၇၀၀ ကျော် ခန့် Covid-19 ရောဂါ ကူးစက်ခံစားနေရလျက်ရှိပါတယ်။
အမေရိကန်နိုင်ငံကလည်း ထိုနည်းတူ ကူးစက်မှုမျိုးကို ကြုံတွေ့နေရလျက်ရှိပြီး ဧပြီလ ၆ ရက်နေ့မှာ New York ရဲတပ်ဖွဲ့ဝင် ၁၂ ဦး သေဆုံးခဲ့ပြီး ဖြစ်ပါတယ်။ အမေရိကန်တစ်နိုင်ငံလုံးအနေနဲ့ ရဲတပ်ဖွဲ့ဝင်ပေါင်း ၁၄၀၀ ကျော် Covid-19 ရောဂါ ကူးစက်ခံစားနေရတယ်လို့ သိရပါတယ်။ တောင်အမေရိကတိုက်မှာ ရှိတဲ့ Peru နိုင်ငံမှာ ယခုလက်ရှိအချိန်ထိ ရဲတပ်ဖွဲ့ဝင် ၁၇ ဦး Covid-19 ရောဂါ ကြောင့် သေဆုံးခဲ့ပြီး ဖြစ်ပါတယ်။

အလားတူ ဂျပန်နိုင်ငံမှာလည်း ရဲတပ်ဖွဲ့ဝင်တွေ Corona Virus ကူးစက် ခံခဲ့ရပါတယ်။ ဧပြီလ ၂၅ ရက်နေ့မှာ ရေးသားခဲ့တဲ့ Nikkan Gendai သတင်းအရ ဧပြီလ ၂၂ ရက်နေ့ အထိ အမျိုးသားရဲတပ်ဖွဲ့ဝင် 73 ဦးခန့် Corona Virus ကူးစက်ခံခဲ့ရတယ်လို့သိရပါတယ်။ ဧပြီလ ၂၅ ရက်နေ့မှာပဲ 42 နှစ်အရွယ်ရှိ ယာဉ်ထိန်းရဲအရာရှိ တစ်ဦး မှာ Corona Virus တွေ့ရှိ ခဲ့ရတာကြောင့် စုစု ပေါင်း ဂျပန်နိုင်ငံမှာ အမျိုးသားရဲတပ်ဖွဲ့ဝင် ၇၄ ဦး Covid-19 ရောဂါ ကူးစက်ခံစားနေရလျက်ရှိကြောင်းသိရပါတယ်။ အဆိုပါ ၇၄ ဦးအနက် ၂၂ ဦးမှာ အရာရှိများ သို့မဟုတ် Tokyo မြို့တော်က အရပ်ဘက် ဝန်ထမ်းတွေ ဖြစ်တယ်လို့ သိရပါတယ်။ ရဲတပ်ဖွဲ့ဝင် အရေအတွက် လျော့ကျ သွားမှုက ပြည်သူလူထုလုံခြုံရေးနဲ့ ပတ်သက်ပြီး ဂျပန်အစိုးရက စိုးရိမ်ပူပန်လျက်ရှိပါတယ်။
ပြည်သူလူထုလုံခြုံရေး ရှိစေရန် ရဲတပ်ဖွဲ့ဝင်များက ရောဂါပိုးကို ရှောင်ရှားလို့မရနိုင်တဲ့ အခြေအနေ အနေထားမျိုးနဲ့ ရင်ဆိုင်ခဲ့ရတာကြောင့် ကူးစက်ခံခဲ့ရခြင်းပဲဖြစ်ပါတယ်။ ကပ်ရောဂါဖြစ်ပွားနေစဉ်အတွင်း လူ များများ သေ လေ ရဲတပ်ဖွဲ့ဝင်များက ရောဂါပိုးကူးစက်ထားတဲ့ အလောင်းများနဲ့ ထိတွေ့ရလေလေပဲဖြစ်ပါတယ်။ မတ်လ မှ ဧပြီလ ၂၃ ရက်နေ့အထိ စီရင်စု ငါးခု တွင် Corona Virus ကူးစက်ခံထားရတဲ့ အလောင်း ၁၅ လောင်း တွေ့ရှိခဲ့တယ်လို့ သိရပါတယ်။
SOURCE – The Asahi Shibum

Leave a Reply

Your email address will not be published. Required fields are marked *

သတင်း

ကိုရိုနာဗိုင်းရပ်စ် ကာကွယ်ဆေးဆိုင်ရာ သတင်းမှားတွေ

ဂျပန်နိုင်ငံရဲ့ ကူးစက်ရောဂါဆိုင်ရာဌာနက ကိုရိုနာဗိုင်းရပ်စ် ကာကွယ်ဆေးတွေနဲ့ ပတ်သက်တဲ့ သူ့ရဲ့ အစီရင်ခံစာကို မှားယွင်းတဲ့ပုံစံနဲ့ ကိုးကားပြီး အင်တာနက်မှာ တင်နေတာတွေအတွက် ပြင်းပြင်းထန်ထန် အပြစ်တင်ရှုံ့ချလိုက်ပါတယ်။

Read More
သတင်း

ဂျပန်မှာ တစ်နေ့တာ ကူးစက်မှု ၁၅,၀၀၀ ကျော်နဲ့ စံချိန်သစ်တင်တာကြောင့် ဗိုင်းရပ်စ်တားဆီးရေးဆောင်ရွက်ချက် နောက်ထပ် ခရိုင် ၈ ခုမှာ တိုးချဲ့သတ်မှတ်မယ်

ဂျပန်မှာ ပထမဦးဆုံး တစ်နေ့တာကူးစက်မှုအရေအတွက် ၁၅.၀၀၀ကျော်ခဲ့တာ ဖြစ်ပါတယ်။
တိုကျိုမှာ ကြာသပတေးနေ့က ကိုရိုနာဗိုင်းရပ်စ် ကူးစက်ခံရသူအသစ် ၅,၀၄၂ ဦး အတည်ပြုခဲ့ကြောင်း တိုကျိုမြို့တော် အုပ်ချုပ်ရေးအဖွဲ့က ပြောပါတယ်။

Read More
သတင်း

တိုကျိုအားကစားပွဲတွေမှာ ပထမဆုံး အစုအပြုံလိုက် ကိုရိုနာဗိုင်းရပ်စ် ကူးစက်မှုတွေ့ရှိ

ဂရိနိုင်ငံက အားကစားသမားအဖွဲ့က အတော်များများမှာ ကိုရိုနာဗိုင်းရပ်စ်ပိုး တွေ့ရှိခဲ့ပြီးနောက် တိုကျိုအိုလံပစ် ပြိုင်ပွဲကျင်းပရေး အဖွဲ့တွေက အိုလံပစ်ပွဲမှာ ပထမဆုံး အစုလိုက်အပြုံလိုက် ရောဂါကူးစက်မှု ဖြစ်ခဲ့တယ်လို့ သိရကြောင်း ပြောပါတယ်။

Read More

မင်္ဂလာပါ

ဂျပန်တွင် လက်ရှိ နေထိုင်ကြတဲ့ ဂျပန်ရောက် မြန်မာများနဲ့ ဂျပန်လာရဖို့ ပြင်ဆင်နေသူများအတွက် ဂျပန်နဲ့ ပတ်သတ်တဲ့ ဗဟုသုတ နေထိုင်မူ အ တွေ့ အကြုံ များကို အစဉ်အမြဲ တင်ပေးသွားမှာဖြစ်တဲ့အတွက် MMKizuna Facebook page လေးကို like လုပ်ထားဖို့ မမေ့နဲ့နော်