ဟီရိုရှီးမား ငြိမ်းချမ်းရေး အထိမ်းအမှတ်ပြတိုက် ပြန်လည် ဖွင့်လှစ်ဖို့ရှိ

May 26, 2020 at 7:15 PM

၁၉၄၅ ခုနှစ်မှာ ဟီရိုရှီးမားမြို့ကို ဗုံးကြဲခံခဲ့ရတုန်းက ထိခိုက်ပျက်စီး ကျန်ခဲ့တဲ့ အသုံးအဆောင်တွေ ပစ္စည်းတွေကို ပြသထားတဲ့ ငြိမ်းချမ်းရေး အထိမ်းအမှတ် ပြတိုက်ဟာ ကိုရိုနာဗိုင်းရပ်စ် ကပ်ရောဂါကြောင့် ၃ လလောက် ပိတ်ထားခဲ့ရပြီး သီတင်း တစ်ပတ်အတွင်း ပြန်ဖွင့်ဖို့ ရှိပါတယ်။

ဂျပန်နိုင်ငံတစ်ဝန်းမှာ ကိုရိုနာဗိုင်းရပ်စ် ကူးစက်ပြန့်ပွားမှုတွေ ဖြစ်နေတာကြောင့် ဟီရိုရှီးမား ငြိမ်းချမ်းရေး အထိမ်းအမှတ် ပြတိုက်ကို ဖေဖော်ဝါရီလ အနှောင်းပိုင်းကတည်းက ပိတ်ထားခဲ့တာ ဖြစ်ပါတယ်။
ဟီရိုရှီးမား မြို့တော်ဝန် မတ်ဆုအိ ခါဇုမိ (Matsui Kazumi) က တနင်္လာနေ့မှာ သတင်းထောက်တွေကို ပြတိုက်ကို ဇွန်လ ၁ ရက်နေ့မှာ ပြန်ဖွင့်ဖို့ စီစဉ်ထားတယ်လို့ ပြောကြားခဲ့ပါတယ်။
ပြတိုက်ထဲကို ၁ နာရီအတွင်းမှာ ဝင်ရမယ့် ဧည့်သည်အရေအတွက် ကန့်သတ်ထားပြီး တစ်ပြိုင်နက်တည်းမှာပဲ လူအများအပြား လာရောက်ကြည့်ရှုနိုင်ဖို့ ပြတိုက်ဖွင့်ချိန်ကို တိုးချဲ့ဖို့ တာဝန်ရှိသူတွေ စဉ်းစားနေပါတယ်။
သြဂုတ်လ ၆ ရက်နေ့မှာ ကျင်းပမယ့် ဟီရိုရှီးမားမြို့ ဗုံးကြဲခံခဲ့ရတဲ့ ၇၅ နှစ်မြောက် နှစ်ပတ်လည်နေ့ အခမ်းအနားကိုလည်း သိသိသာသာ လျှော့ချ ပြီး ကျင်းပသွားဖို့ စီစဉ်ထားကြောင်း မစ္စတာ မတ်ဆုအိ က ပြောခဲ့ပါတယ်။
ဗဟိုအစိုးရရဲ့ COVID-19 တိုက်ဖျက်ရေး အာရုံစိုက် ဆောင်ရွက်ချက်တွေနဲ့ အတူ ဟီရိုရှီးမားမြို့က ဒီပွဲ ကျင်းပဖို့ အစီအစဉ်တွေနဲ့ ပတ်သက်ပြီး နောက်လ အစောပိုင်းမှာ တိတိကျကျ ချပြမယ်လို့ မစ္စတာ မတ်ဆုအိ က ပြောပါတယ်။
SOURCE – Japan Today