ဆေးကုသမှုဆိုင်ရာ ပစ္စည်းကိရိယာ ပြတ်လပ်မှု ဂျပန်အစိုးရ ကိုင်တွယ်မယ်

ခွဲစိတ်ခန်းသုံး နှာခေါင်းစည်းနဲ့ ဝတ်စုံတွေ အလိုအပ်ဆုံးဖြစ်နေတဲ့ ဆေးရုံတွေဆီ အဲဒီ ပစ္စည်းတွေ ဦးစားပေး ဖြန့်ဝေပေးမယ့် စနစ်တစ်ခုကို ဖွဲ့စည်းဖို့ ဂျပန်ဝန်ကြီးချုပ် အာဘဲ ရှင်းဇိုးက ကတိပြုပြောဆိုခဲ့ပါတယ်။ သောကြာနေ့က ပြုလုပ်ခဲ့တဲ့ အစိုးရရဲ့ ကိုရိုနာ ဗိုင်းရပ်စ် တိုက်ဖျက်ရေး လုပ်ငန်းအဖွဲ့ အစည်းအဝေးမှာ အကာအကွယ်သုံး ဆေးကုသမှု ဆိုင်ရာ ပစ္စည်း ကိရိယာတွေ ဆက်ပြီး ပြတ်လပ်နေတဲ့ အကြောင်းကို မစ္စတာ အာဘဲက ဆွေးနွေးခဲ့ပါတယ်။
ထုတ်လုပ်မှုကဏ္ဍရဲ့ ပူးပေါင်းဆောင်ရွက်မှု အပြည့် ရရှိထားပေမယ့် အခု အချိန်အထိ ဆိုးဆိုးရွားရွား ပြတ်လပ်နေတာတွေ ရှိသေးတယ်လို့ မစ္စတာ အာဘဲက မှတ်ချက်ပြု ပြောဆိုခဲ့ပါတယ်။
ရှေ့တန်းကနေ ဆောင်ရွက်နေတဲ့ ဆေးရုံနဲ့ တခြား ကျန်းမာရေး ဌာနတွေဆီကို တတ်နိုင်သမျှ ကျန်းမာရေးဆိုင်ရာ ပစ္စည်း ကိရိယာတွေ ပို့ပေးဖို့အတွက် အစိုးရရဲ့ အရင်းအမြစ်တွေကို စည်းစည်းလုံးလုံးနဲ့ အကျိုးရှိရှိ အသုံးချဖို့ ကိုရိုနာဗိုင်းရပ်စ် တိုက်ဖျက်ရေး လုပ်ငန်း အဖွဲ့ဝင်တွေကို မစ္စတာ အာဘဲက တောင်းဆိုခဲ့ပါတယ်။
ကျောင်းပိတ်ထားမှု ရက်တိုးလိုက်တာနဲ့ အိမ်မှာနေဖို့ တောင်းဆို လိုက်တာတွေကြောင့် ဖြစ်တဲ့ စိတ်ဖိစီးမှုနဲ့ စိုးရိမ်မှုတွေကြောင့် ကလေးတွေအပေါ် နှိပ်စက် ညှဉ်းပန်းခြင်းနဲ့ အိမ်တွင်း အကြမ်းဖက်တဲ့ အမှုတွေ တိုးလာနေတဲ့အပေါ် စိုးရိမ်တဲ့ အကြောင်းလည်း မစ္စတာ အာဘဲက ပြောပါတယ်။
လာမယ့် သီတင်းပတ်ကစပြီး အင်တာနက် လူမှုကွန်ယက် စာမျက်နှာနဲ့ အီးမေးလ်ကနေ တစ်ဆင့် အကြံပေး ဆွေးနွေးတဲ့ ဝန်ဆောင်မှုနဲ့ အတူ ၂၄ နာရီ အရေးပေါ်တယ်လီဖုန်း ဝန်ဆောင်မှုကိုလည်း ပေးသွားမယ်လို့ မစ္စတာ အာဘဲက ပြောပါတယ်။ SOURCE- NHK

Leave a Reply

Your email address will not be published. Required fields are marked *

သတင်း

ကိုရိုနာဗိုင်းရပ်စ် ကာကွယ်ဆေးဆိုင်ရာ သတင်းမှားတွေ

ဂျပန်နိုင်ငံရဲ့ ကူးစက်ရောဂါဆိုင်ရာဌာနက ကိုရိုနာဗိုင်းရပ်စ် ကာကွယ်ဆေးတွေနဲ့ ပတ်သက်တဲ့ သူ့ရဲ့ အစီရင်ခံစာကို မှားယွင်းတဲ့ပုံစံနဲ့ ကိုးကားပြီး အင်တာနက်မှာ တင်နေတာတွေအတွက် ပြင်းပြင်းထန်ထန် အပြစ်တင်ရှုံ့ချလိုက်ပါတယ်။

Read More
သတင်း

ဂျပန်မှာ တစ်နေ့တာ ကူးစက်မှု ၁၅,၀၀၀ ကျော်နဲ့ စံချိန်သစ်တင်တာကြောင့် ဗိုင်းရပ်စ်တားဆီးရေးဆောင်ရွက်ချက် နောက်ထပ် ခရိုင် ၈ ခုမှာ တိုးချဲ့သတ်မှတ်မယ်

ဂျပန်မှာ ပထမဦးဆုံး တစ်နေ့တာကူးစက်မှုအရေအတွက် ၁၅.၀၀၀ကျော်ခဲ့တာ ဖြစ်ပါတယ်။
တိုကျိုမှာ ကြာသပတေးနေ့က ကိုရိုနာဗိုင်းရပ်စ် ကူးစက်ခံရသူအသစ် ၅,၀၄၂ ဦး အတည်ပြုခဲ့ကြောင်း တိုကျိုမြို့တော် အုပ်ချုပ်ရေးအဖွဲ့က ပြောပါတယ်။

Read More
သတင်း

တိုကျိုအားကစားပွဲတွေမှာ ပထမဆုံး အစုအပြုံလိုက် ကိုရိုနာဗိုင်းရပ်စ် ကူးစက်မှုတွေ့ရှိ

ဂရိနိုင်ငံက အားကစားသမားအဖွဲ့က အတော်များများမှာ ကိုရိုနာဗိုင်းရပ်စ်ပိုး တွေ့ရှိခဲ့ပြီးနောက် တိုကျိုအိုလံပစ် ပြိုင်ပွဲကျင်းပရေး အဖွဲ့တွေက အိုလံပစ်ပွဲမှာ ပထမဆုံး အစုလိုက်အပြုံလိုက် ရောဂါကူးစက်မှု ဖြစ်ခဲ့တယ်လို့ သိရကြောင်း ပြောပါတယ်။

Read More

မင်္ဂလာပါ

ဂျပန်တွင် လက်ရှိ နေထိုင်ကြတဲ့ ဂျပန်ရောက် မြန်မာများနဲ့ ဂျပန်လာရဖို့ ပြင်ဆင်နေသူများအတွက် ဂျပန်နဲ့ ပတ်သတ်တဲ့ ဗဟုသုတ နေထိုင်မူ အ တွေ့ အကြုံ များကို အစဉ်အမြဲ တင်ပေးသွားမှာဖြစ်တဲ့အတွက် MMKizuna Facebook page လေးကို like လုပ်ထားဖို့ မမေ့နဲ့နော်