ဗိုင်းရပ်စ်ပိုး ကူးစက်ခံထားရသူနဲ့ ထိတွေ့မှု နောက်ယောင်ခံ အပလီကေးရှင်း စတင်အသုံးပြုနိုင်ဖို့ ဂျပန် စီစဉ်နေ

May 9, 2020 at 7:04 PM

ကိုရိုနာဗိုင်းရပ်စ် ကူးစက်ခံထားရတဲ့သူနဲ့ ထိတွေ့မှုကို နောက်ယောင်ခံ နိုင်မယ့် အပလီကေးရှင်း တစ်ခုကို အခုလကုန်မှာ စတင်အသုံးပြုနိုင်ဖို့ ဂျပန်အစိုးရက စီစဉ်နေပါတယ်။
အဲဒီ အပလီကေးရှင်းက သတ်မှတ်ထားတဲ့ အကွာအဝေး တစ်ခုအတွင်းကို ရောက်ရှိလာတဲ့ စမတ်ဖုန်း တစ်လုံးချင်းစီရဲ့ အချက်အလက်တွေကို ရယူမှာ ဖြစ်ပါတယ်။ အဲဒီနောက်မှာ ကိုရိုနာဗိုင်းရပ်စ် ကူးစက်ခံ ထားရတယ်လို့ အတည်ပြုထားသူ တစ်ဦးဦးနဲ့ အနီးကပ် ထိတွေ့မှု ရှိခဲ့ရင် အဲဒီ အပလီကေးရှင်းက သုံးစွဲသူကို သတိပေးမှာ ဖြစ်ပါတယ်။
ဂျပန်အစိုးရဟာ ဗိုင်းရပ်စ်ပိုး ကူးစက်ပြန့်ပွားမှုကို ကာကွယ်ဖို့အတွက် သတင်း အချက်အလက် နည်းပညာ အသုံးပြုရေး နည်းလမ်းတွေကို ဆွေးနွေးဖို့ သောကြာနေ့က အစည်းအဝေးတစ်ခု ပြုလုပ်ခဲ့ပါတယ်။
လူတွေရဲ့ ကိုယ်ရေး အချက်အလက်တွေကို ကာကွယ်ဖို့အတွက် ဖုန်းနံပါတ်နဲ့ တည်နေရာတွေကို နောက်ယောင်ခံထားတဲ့ အချက်အလက်တွေကို အဲဒီအပလီကေးရှင်းက သိမ်းဆည်း မထားသင့်ဘူးလို့ အစည်း အဝေးမှာ ဆုံးဖြတ်ခဲ့ပါတယ်။
အဲဒီအပလီကေးရှင်းကို အသုံးပြုနိုင်ဖို့အတွက် စမတ်ဖုန်း အမျိုးအစား တွေရဲ့ လည်ပတ်မှုစနစ်တွေကို အဆင့်မြှင့်နေတယ်လို့ စီးပွားရေး ပြန်လည်အားကောင်းလာစေရေး ဝန်ကြီး Nishimura Yasutoshi က ပြောပါတယ်။ အဲဒီ အပလီကေးရှင်းကို အခုလကုန်မှာ လက်တွေ့အသုံးပြုသွားနိုင်မယ်လို့ သူမျှော်လင့်ကြောင်း ဝန်ကြီးက ပြောခဲ့ပါတယ်။
SOURCE – Japan Times