ဂျပန် ဒေသန္တရ အုပ်ချုပ်ရေးအဖွဲ့တွေဟာ အွန်လိုင်းကနေ ဒေသထွက်ကုန်တွေကို အရောင်းမြှင့်တင်

ဂျပန်နိုင်ငံမှာ ခရီးသွားလုပ်ငန်းနဲ့ တခြား စီးပွားရေးလုပ်ငန်းတွေဟာ ကိုရိုနာ ဗိုင်းရပ်စ် ကပ်ရောဂါ ဂယက်ကို ခံနေရတာကြောင့် စျေးဝယ်သူတွေနဲ့ ဒေသတွင်းထွက်ကုန်တွေ ထုတ်လုပ်သူတွေကို ဒေသန္တရ အုပ်ချုပ်ရေး အဖွဲ့ တချို့က အွန်လိုင်းကနေ ချိတ်ဆက်ပေး နေပါတယ်။ဂျပန်နိုင်ငံ အနောက်တောင်ပိုင်း ဖူကုအိုကား (Fukuoka) ခရိုင်ဟာ ဒေသထွက်အစားအသောက်၊ ပရိဘောဂနဲ့ တခြား ထွက်ကုန်တွေကို မေလ ၂ရက်နေ့ကစပြီး လာ့ခုတန် (Rakuten) လို့ခေါ်တဲ့ အွန်လိုင်း စျေး ဆိုင် အင်တာနက် စာမျက်နှာမှာ တင်ခဲ့ ပါတယ်။
အဲဒါအပြင် ခရိုင်အုပ်ချုပ်ရေးအဖွဲ့ဟာ ဝယ်ယူသုံးစွဲသူတွေအကြား အဲဒီ အွန်လိုင်းစျေးရောင်းတဲ့အစီအစဉ် ရေပန်းစားလာဖို့ လှုပ်ရှားမှုတစ်ခုအနေနဲ့ ခရိုင် ဘတ်ဂျက်ထဲက ရန်ပုံငွေကို သုံးပြီး ၃၀ ရာခိုင်နှုန်း စျေးလျှော့တဲ့ ကူပွန်တွေ ထုတ်ပေးခဲ့ပါတယ်။
အဲဒီခရိုင်က ထွက်ကုန်တွေကို ဝယ်ယူရာမှာ အသုံးပြုဖို့လုပ်ထားတဲ့ ကူပွန် ၁၀၀၀၀ လုံးဟာ ၈နာရီအတွင်း ကုန်သွားခဲ့ပါတယ်။
ဇွန်လ ၁ရက်နေ့ကစပြီး နောက်ထပ် ကူပွန် အမြောက်အမြား ထုတ်ပေး သွားဖို့ စီစဉ်နေတယ်လို့ တာဝန်ရှိသူတွေက ပြောပါတယ်။
ဂျပန်နိုင်ငံ မြောက်ဘက်စွန်းက ဟော့ကိုင်းဒိုး (Hokkaido) ခရိုင်ဟာ Rakuten နဲ့ Yahoo Japan လိုမျိုး အွန်လိုင်း စျေးဝယ် ဝက်ဘ်ဆိုက် တွေကို အသုံးပြုတဲ့ နောက်ထပ် ခရိုင်တစ်ခု ဖြစ်ပါတယ်။
အဲဒီခရိုင်က အထူးအရောင်းမြှင့်တင်ရေး အစီအစဉ်တစ်ခုကို ဧပြီလမှာ စတင်ခဲ့ပြီး လျှော့စျေး ကူပွန်တွေကို တနင်္လာနေ့ကစပြီး ထုတ်ပေး နေပါတယ်။
ဂျပန်နိုင်ငံ အနောက်တောင်ပိုင်း မီယာ့ဇာကီ (Miyazaki) ခရိုင်၊ မီယာ့ကိုနိုဂျို (Miyakonojo) မြို့ဟာလည်း ကပ်ရောဂါကြောင့် စျေးကွက်လမ်းကြောင်း ပျောက်ခဲ့ရပြီးနောက်ပိုင်း ဒေသထွက် အစားအစာတွေနဲ ထုတ်ကုန်တချို့ကို အွန်လိုင်းကနေ စတင် ရောင်းချခဲ့ပါတယ်။
ဧပြီလနှောင်းပိုင်းကစပြီး ကုန်ပစ္စည်းအမျိုးပေါင်းစုံ ပါဝင်တဲ့ အထုပ် ပေါင်း ၅၀၀၀ လောက် ရောင်းချခဲ့ရတယ်လို့ အဲဒီမြို့က တာဝန်ရှိသူတွေက ပြောပါတယ်။
ဗိုင်းရပ်စ် ကပ်ရောဂါကြောင့် လူတွေ ကိုယ်တိုင်ကိုယ်ကျ စျေးဝယ်မထွက်နိုင်ဘဲ ဖြစ်နေပြီး စတိုးဆိုင်ကြီးတွေလည်း ပိတ်ထားရတာကြောင့် အွန်လိုင်း စျေးဝယ် ဝက်ဘ်ဆိုက်တွေကို စီမံခန့်ခွဲနေသူတွေဆီ ဒေသန္တရ အုပ်ချုပ်ရေးအဖွဲ့တချို့က စုံစမ်း မေးမြန်းမှုတွေ လုပ်ခဲ့တာရှိပါတယ်။ SOURCE – NHK

Leave a Reply

Your email address will not be published. Required fields are marked *

သတင်း

ကိုရိုနာဗိုင်းရပ်စ် ကာကွယ်ဆေးဆိုင်ရာ သတင်းမှားတွေ

ဂျပန်နိုင်ငံရဲ့ ကူးစက်ရောဂါဆိုင်ရာဌာနက ကိုရိုနာဗိုင်းရပ်စ် ကာကွယ်ဆေးတွေနဲ့ ပတ်သက်တဲ့ သူ့ရဲ့ အစီရင်ခံစာကို မှားယွင်းတဲ့ပုံစံနဲ့ ကိုးကားပြီး အင်တာနက်မှာ တင်နေတာတွေအတွက် ပြင်းပြင်းထန်ထန် အပြစ်တင်ရှုံ့ချလိုက်ပါတယ်။

Read More
သတင်း

ဂျပန်မှာ တစ်နေ့တာ ကူးစက်မှု ၁၅,၀၀၀ ကျော်နဲ့ စံချိန်သစ်တင်တာကြောင့် ဗိုင်းရပ်စ်တားဆီးရေးဆောင်ရွက်ချက် နောက်ထပ် ခရိုင် ၈ ခုမှာ တိုးချဲ့သတ်မှတ်မယ်

ဂျပန်မှာ ပထမဦးဆုံး တစ်နေ့တာကူးစက်မှုအရေအတွက် ၁၅.၀၀၀ကျော်ခဲ့တာ ဖြစ်ပါတယ်။
တိုကျိုမှာ ကြာသပတေးနေ့က ကိုရိုနာဗိုင်းရပ်စ် ကူးစက်ခံရသူအသစ် ၅,၀၄၂ ဦး အတည်ပြုခဲ့ကြောင်း တိုကျိုမြို့တော် အုပ်ချုပ်ရေးအဖွဲ့က ပြောပါတယ်။

Read More
သတင်း

တိုကျိုအားကစားပွဲတွေမှာ ပထမဆုံး အစုအပြုံလိုက် ကိုရိုနာဗိုင်းရပ်စ် ကူးစက်မှုတွေ့ရှိ

ဂရိနိုင်ငံက အားကစားသမားအဖွဲ့က အတော်များများမှာ ကိုရိုနာဗိုင်းရပ်စ်ပိုး တွေ့ရှိခဲ့ပြီးနောက် တိုကျိုအိုလံပစ် ပြိုင်ပွဲကျင်းပရေး အဖွဲ့တွေက အိုလံပစ်ပွဲမှာ ပထမဆုံး အစုလိုက်အပြုံလိုက် ရောဂါကူးစက်မှု ဖြစ်ခဲ့တယ်လို့ သိရကြောင်း ပြောပါတယ်။

Read More

မင်္ဂလာပါ

ဂျပန်တွင် လက်ရှိ နေထိုင်ကြတဲ့ ဂျပန်ရောက် မြန်မာများနဲ့ ဂျပန်လာရဖို့ ပြင်ဆင်နေသူများအတွက် ဂျပန်နဲ့ ပတ်သတ်တဲ့ ဗဟုသုတ နေထိုင်မူ အ တွေ့ အကြုံ များကို အစဉ်အမြဲ တင်ပေးသွားမှာဖြစ်တဲ့အတွက် MMKizuna Facebook page လေးကို like လုပ်ထားဖို့ မမေ့နဲ့နော်