ဂျပန်ရဲ့ နိုင်ငံ့ကြွေးမြီ အမြင့်ဆုံးစံချိန်သစ် ထပ်တင်

ဂျပန်ရဲ့ နိုင်ငံ့ကြွေးမြီဟာ ၄ နှစ် ဆက်တိုက် အမြင့်ဆုံး စံချိန်သစ်ကို တင်သွားခဲ့ပါတယ်။
အစိုးရ ကြွေးမြီဟာ မတ်လကုန်မှာ ဂျပန်ယန်း ၁၁၁၄.၅၄ ထရီလီယံ သို့မဟုတ် အမေရိကန်ဒေါ်လာ ၁၀.၄၅ ထရီလီယံ ရှိတယ်လို့ ဘဏ္ဍာရေး ဝန်ကြီးဌာနက ဆိုပါတယ်။ ၂၀၁၉ ခုနှစ်ကထက် ဒေါ်လာ ၁၀၄.၈၅ ဘီလီယံလောက် တိုးလာခဲ့ပါတယ်။ဆေးကုသမှုနဲ့ ပြုစုစောင့်ရှောက်ရေးဆိုင်ရာ ကုန်ကျစရိတ်၊ ပင်စင်ပေးငွေ စတဲ့ သက်ကြီးရွယ်အိုတွေအတွက် ကုန်ကျစရိတ် တိုးတက်များပြား လာတာကို ကာမိစေဖို့ အစိုးရငွေချေးစာချုပ်တွေ ထုတ်ပေးတာက အခုလို ကြွေးမြီမြင့်တက်လာတဲ့ အဓိက အကြောင်းရင်း ပဲဖြစ်ပါတယ်။
အဲဒီ ကြွေးမြီတွေထဲမှာ အစိုးရငွေချေးစာချုပ်တွေက အမေရိကန်ဒေါ်လာ ၉.၂၆ ထရီလီယံ ၊ ဘဏ္ဍာရေးဆိုင်ရာ ကုန်ကျစရိတ် သို့မဟုတ် ကာလတို အစိုးရ အာမခံ စာချုပ်တွေက အမေရိကန်ဒေါ်လာ ၆၉၇.၆ ဘီလီယံလောက် နဲ့ ချေးငွေတွေက ၄၉၂.၄ ဘီလီယံ ဒေါ်လာ လောက် ပါဝင်ပါတယ်။ ဂျပန်ဟာ ကိုရိုနာဗိုင်းရပ်စ် ကူးစက်ပြန့်ပွားမှုတွေရဲ့ ဂယက် ရိုက်ခတ်မှုတွေကို ကိုင်တွယ်ဖြေရှင်းဖို့ အခု ဘဏ္ဍာရေးနှစ်မှာ အစိုးရငွေချေးစာချုပ်တွေ ပိုမို ထုတ်ပေးဖို့ စီစဉ်ထားပါတယ်။ ပြည်တွင်းစီးပွားရေး ထိုးကျမှာကို တားဆီးဖို့ ကြိုးပမ်းမှုအဖြစ်နဲ့ အမေရိကန်ဒေါ်လာ ၂၃၄.၃ ဘီလီယံ တန်ဖိုးရှိတဲ့ ၂၀၂၀ ဘဏ္ဍာရေးနှစ်ရဲ့ ထပ်ဆောင်း ဘတ်ဂျက် ရန်ပုံငွေအတွက် အစိုးရဟာ ငွေချေးစာချုပ်တွေအပေါ် အားပြုနေရပါတယ်။

Leave a Reply

Your email address will not be published. Required fields are marked *

သတင်း

ကိုရိုနာဗိုင်းရပ်စ် ကာကွယ်ဆေးဆိုင်ရာ သတင်းမှားတွေ

ဂျပန်နိုင်ငံရဲ့ ကူးစက်ရောဂါဆိုင်ရာဌာနက ကိုရိုနာဗိုင်းရပ်စ် ကာကွယ်ဆေးတွေနဲ့ ပတ်သက်တဲ့ သူ့ရဲ့ အစီရင်ခံစာကို မှားယွင်းတဲ့ပုံစံနဲ့ ကိုးကားပြီး အင်တာနက်မှာ တင်နေတာတွေအတွက် ပြင်းပြင်းထန်ထန် အပြစ်တင်ရှုံ့ချလိုက်ပါတယ်။

Read More
သတင်း

ဂျပန်မှာ တစ်နေ့တာ ကူးစက်မှု ၁၅,၀၀၀ ကျော်နဲ့ စံချိန်သစ်တင်တာကြောင့် ဗိုင်းရပ်စ်တားဆီးရေးဆောင်ရွက်ချက် နောက်ထပ် ခရိုင် ၈ ခုမှာ တိုးချဲ့သတ်မှတ်မယ်

ဂျပန်မှာ ပထမဦးဆုံး တစ်နေ့တာကူးစက်မှုအရေအတွက် ၁၅.၀၀၀ကျော်ခဲ့တာ ဖြစ်ပါတယ်။
တိုကျိုမှာ ကြာသပတေးနေ့က ကိုရိုနာဗိုင်းရပ်စ် ကူးစက်ခံရသူအသစ် ၅,၀၄၂ ဦး အတည်ပြုခဲ့ကြောင်း တိုကျိုမြို့တော် အုပ်ချုပ်ရေးအဖွဲ့က ပြောပါတယ်။

Read More
သတင်း

တိုကျိုအားကစားပွဲတွေမှာ ပထမဆုံး အစုအပြုံလိုက် ကိုရိုနာဗိုင်းရပ်စ် ကူးစက်မှုတွေ့ရှိ

ဂရိနိုင်ငံက အားကစားသမားအဖွဲ့က အတော်များများမှာ ကိုရိုနာဗိုင်းရပ်စ်ပိုး တွေ့ရှိခဲ့ပြီးနောက် တိုကျိုအိုလံပစ် ပြိုင်ပွဲကျင်းပရေး အဖွဲ့တွေက အိုလံပစ်ပွဲမှာ ပထမဆုံး အစုလိုက်အပြုံလိုက် ရောဂါကူးစက်မှု ဖြစ်ခဲ့တယ်လို့ သိရကြောင်း ပြောပါတယ်။

Read More

မင်္ဂလာပါ

ဂျပန်တွင် လက်ရှိ နေထိုင်ကြတဲ့ ဂျပန်ရောက် မြန်မာများနဲ့ ဂျပန်လာရဖို့ ပြင်ဆင်နေသူများအတွက် ဂျပန်နဲ့ ပတ်သတ်တဲ့ ဗဟုသုတ နေထိုင်မူ အ တွေ့ အကြုံ များကို အစဉ်အမြဲ တင်ပေးသွားမှာဖြစ်တဲ့အတွက် MMKizuna Facebook page လေးကို like လုပ်ထားဖို့ မမေ့နဲ့နော်