ဂျပန်ရဲ့ အရေးပေါ်အခြေအနေကို မေလ ၆ရက်နေ့မှာ အပြီး ပြန်ရုပ်သိမ်း ဖွယ် မရှိ

ဂျပန်အစိုးရ အရာရှိတွေအကြားမှာ အရေးပေါ် အခြေအနေကို မေလ အစောပိုင်းမှာ အပြီး ရုပ်သိမ်းဖို့ ခက်ခဲလိမ့်မယ်ဆိုတဲ့ ထင်မြင်ချက်တွေ ပိုမို များလာ နေပါတယ်။ ဆေးဘက်ဆိုင်ရာ ကျွမ်းကျင်သူတွေက အစိုးရပိုင်းက မျှော်လင့်ထားတဲ့အတိုင်း ရောဂါ ကူးစက် ပြန့်ပွားနေမှုက နှေးကွေး မနေဘူးလို့ ဆိုပါတယ်။
အစိုးရက ဧပြီလ ၇ ရက်နေ့မှာ တိုကျို၊ အိုစာကာနဲ့ တခြားခရိုင် ၅ခုမှာ အရေးပေါ် အခြေအနေကို ကြေညာခဲ့ပါတယ်။ ဧပြီလ ၁၆ရက်နေ့မှာ တော့ တစ်နိုင်ငံလုံးကို အရေးပေါ် အခြေအနေ အထိ တိုးပြီး ကြေညာခဲ့ပါတယ်။

နိုင်ငံတစ်ဝန်းလုံးရဲ့ အနေအထားကို အရာရှိတွေဟာ အနီးကပ် စောင့်ကြည့်ခဲ့ ကြပါတယ်။ လူတစ်ဦးနဲ့ တစ်ဦး အကြား အနီးကပ် ထိတွေ့ဆက်ဆံမှု တွေကို ၈၀ရာခိုင်နှုန်းအထိ လျှော့ချနိုင်လား ဆိုတာနဲ့ ဆေးကုသတဲ့ နေရာတွေရဲ့ အနေအထား စတာတွေနဲ့ ပတ်သက်ပြီး ကျွမ်းကျင်သူတွေရဲ့ ထင်မြင်ချက်တွေကို ကြားနာပြီးမှ အရေးပေါ် အခြေအနေကို မေလ ၆ ရက်နေ့ နောက်ပိုင်းအထိ ဆက်ပြီး ထားမယ် မထားဘူး ဆိုတာကို သူတို့က ဆုံးဖြတ်မှာ ဖြစ်ပါတယ်။
စီးပွားရေး ပြန်လည်အားကောင်းလာရေး ဝန်ကြီး နိရှိမူရာ့ ယာစုတိုရှိ (Nishimura Yasutoshi) က NHK ရဲ့ အစီအစဉ်တစ်ခုမှာ ပြောကြားရာမှာတော့ ကျောင်းတွေနဲ့ ကုမ္ပဏီတွေအနေနဲ့ ကြိုတင်ပြင်ဆင်ထားလို့ရအောင် အစိုးရဟာ ကောင်းမွန်တဲ့ ဆုံးဖြတ်ချက်တွေ ချမှတ်ဖို့ လိုအပ်တယ်လို့ ဆိုလိုက်ပါတယ်။
ကိုရိုနာ ဗိုင်းရပ်စ် နဲ့ ပတ်သက်တဲ့ အစိုးရရဲ့ တုံ့ပြန် ဆောင်ရွက်မှုတွေကိုသူက ဦးစီး လုပ်ကိုင်နေပါတယ်။
ကူးစက်ခံရသူဦးရေဟာ အရေအတွက်အားဖြင့် စတင် ကျဆင်းလာနေပြီ ဖြစ်ပေမဲ့ တိုကျိုနဲ့ အိုစာကာမှာ နေ့စဉ် အတည်ပြုတဲ့ ကူးစက်ခံရသူ ဦးရေက မျှော်လင့်ထားတာထက် များပြားနေတုန်းပဲ လို့ ကျွမ်းကျင်သူ တွေက ဆိုပါတယ်။
SOURCE – NHK

Leave a Reply

Your email address will not be published. Required fields are marked *

သတင်း

ကိုရိုနာဗိုင်းရပ်စ် ကာကွယ်ဆေးဆိုင်ရာ သတင်းမှားတွေ

ဂျပန်နိုင်ငံရဲ့ ကူးစက်ရောဂါဆိုင်ရာဌာနက ကိုရိုနာဗိုင်းရပ်စ် ကာကွယ်ဆေးတွေနဲ့ ပတ်သက်တဲ့ သူ့ရဲ့ အစီရင်ခံစာကို မှားယွင်းတဲ့ပုံစံနဲ့ ကိုးကားပြီး အင်တာနက်မှာ တင်နေတာတွေအတွက် ပြင်းပြင်းထန်ထန် အပြစ်တင်ရှုံ့ချလိုက်ပါတယ်။

Read More
သတင်း

ဂျပန်မှာ တစ်နေ့တာ ကူးစက်မှု ၁၅,၀၀၀ ကျော်နဲ့ စံချိန်သစ်တင်တာကြောင့် ဗိုင်းရပ်စ်တားဆီးရေးဆောင်ရွက်ချက် နောက်ထပ် ခရိုင် ၈ ခုမှာ တိုးချဲ့သတ်မှတ်မယ်

ဂျပန်မှာ ပထမဦးဆုံး တစ်နေ့တာကူးစက်မှုအရေအတွက် ၁၅.၀၀၀ကျော်ခဲ့တာ ဖြစ်ပါတယ်။
တိုကျိုမှာ ကြာသပတေးနေ့က ကိုရိုနာဗိုင်းရပ်စ် ကူးစက်ခံရသူအသစ် ၅,၀၄၂ ဦး အတည်ပြုခဲ့ကြောင်း တိုကျိုမြို့တော် အုပ်ချုပ်ရေးအဖွဲ့က ပြောပါတယ်။

Read More
သတင်း

တိုကျိုအားကစားပွဲတွေမှာ ပထမဆုံး အစုအပြုံလိုက် ကိုရိုနာဗိုင်းရပ်စ် ကူးစက်မှုတွေ့ရှိ

ဂရိနိုင်ငံက အားကစားသမားအဖွဲ့က အတော်များများမှာ ကိုရိုနာဗိုင်းရပ်စ်ပိုး တွေ့ရှိခဲ့ပြီးနောက် တိုကျိုအိုလံပစ် ပြိုင်ပွဲကျင်းပရေး အဖွဲ့တွေက အိုလံပစ်ပွဲမှာ ပထမဆုံး အစုလိုက်အပြုံလိုက် ရောဂါကူးစက်မှု ဖြစ်ခဲ့တယ်လို့ သိရကြောင်း ပြောပါတယ်။

Read More

မင်္ဂလာပါ

ဂျပန်တွင် လက်ရှိ နေထိုင်ကြတဲ့ ဂျပန်ရောက် မြန်မာများနဲ့ ဂျပန်လာရဖို့ ပြင်ဆင်နေသူများအတွက် ဂျပန်နဲ့ ပတ်သတ်တဲ့ ဗဟုသုတ နေထိုင်မူ အ တွေ့ အကြုံ များကို အစဉ်အမြဲ တင်ပေးသွားမှာဖြစ်တဲ့အတွက် MMKizuna Facebook page လေးကို like လုပ်ထားဖို့ မမေ့နဲ့နော်