ရုရှားရဲ့ ဘူမိဗေဒ ကွင်းဆင်းလေ့လာမှုကို ဂျပန် ကန့်ကွက်

ရုရှားက ထိန်းချုပ်ထားပြီး ဂျပန်က ပိုင်ဆိုင်တယ်လို့ ဆိုနေတဲ့ ကျွန်းတွေအနီးက ရေပြင်မှာ ဘူမိဗေဒဆိုင်ရာ ကွင်းဆင်းလေ့လာမှုတစ်ခုနဲ့ ပတ်သက်ပြီး ရုရှားကို ဂျပန်အစိုးရက ကန့်ကွက်လိုက်ပါတယ်။

အိုဟို့စ်က် (Okhotsk) ပင်လယ်ထဲက ကျယ်ပြန့်တဲ့ ဧရိယာတွေမှာ ဇွန်လ ၁၈ ရက်ကနေ စက်တင်ဘာလ ၁၈ ရက်နေ့အထိ လုပ်ဆောင်မယ့် အဲဒီ ကွင်းဆင်းလေ့လာမှု အစီအစဉ်ကို ရုရှားနိုင်ငံက အသိပေးခဲ့တယ်လို့ ဂျပန် နိုင်ငံခြားရေးဝန်ကြီးဌာနက ဆိုပါတယ်။
အဲဒီ ဧရိယာတွေထဲမှာ ရုရှားက ထိန်းချုပ်ထားပြီး ဂျပန်က ပိုင်တယ်လို့ ပြောနေတဲ့ ကျွန်းတွေရဲ့ အထူးစီးပွားရေးဇုန် တစ်စိတ်တစ်ပိုင်းလည်း ပါဝင်နေပါတယ်။အဲဒီကျွန်းတွေဟာ အစဉ်အဆက် ဂျပန့် ပိုင်နက်ရဲ့ တစ်စိတ်တစ်ပိုင်း ဖြစ်တယ်ဆိုတဲ့အချက်ကို ဂျပန်အစိုးရက ကိုင်စွဲထားပါတယ်။ ဒုတိယကမ္ဘာစစ်ပြီးတဲ့နောက်မှာ အဲဒီကျွန်းတွေ ဟာ မတရားသိမ်းပိုက်ခံခဲ့ရတယ်လို့ ဂျပန်အစိုးရက ဆိုနေပါတယ်။
အသိပေးချက်ကို ရရှိခဲ့တဲ့ ဇွန်လ ၁၇ ရက်နေ့မှာ ဂျပန် နိုင်ငံခြားရေးဝန်ကြီးဌာနဟာ သံတမန်လမ်းကြောင်းတွေက တစ်ဆင့် ရုရှားကို ကန့်ကွက်မှု ပြုလုပ်ခဲ့တယ်လို့ အရာရှိတွေက ဆိုပါတယ်။
အဲဒီကျွန်းတွေနဲ့ ပတ်သက်တဲ့ ဂျပန်ရဲ့ သဘောထားနဲ့ ဆန့်ကျင်ပြီး လုပ်ဆောင်တာ ဖြစ်လို့ ဒီကွင်းဆင်းလေ့လာမှုကို လက်သင့်မခံနိုင်ကြောင်း ရုရှားဘက်ကို အဲဒီဝန်ကြီးဌာနက ပြောခဲ့တယ်လို့ သူတို့က ဆိုပါတယ်။
အဲဒီကျွန်းတွေနဲ့ ပတ်သက်တဲ့ ရုရှားရဲ့ လှုပ်ရှားမှုတွေကို ဂျပန်အစိုးရက မျက်ခြေမပြတ် စောင့်ကြည့်နေပြီး ဇွန်လ ၁၇ ရက်နေ့မှာ ကန့်ကွက်မှု ပြုလုပ်ခဲ့တယ်လို့ ဂျပန် အစိုးရအဖွဲ့ အတွင်းဝန်ချုပ် စူဂါ ယော်ရှိဟီဒဲ (Suga Yoshihide) က သောကြာနေ့မှာ ပြောကြားခဲ့ပါတယ်။
အဲဒီကျွန်းတွေနဲ့ ပတ်သက်တဲ့ သဘောထားကွဲလွဲမှုတွေကို ဖြေရှင်းဖို့နဲ့ ငြိမ်းချမ်းရေးစာချုပ်တစ်ခု ချုပ်ဆိုဖို့ ရည်စူးပြီး ဂျပန်အစိုးရဟာ ရုရှားနဲ့ ဆက်လက် ဆွေးနွေးသွားမယ်လို့ မစ္စတာ စူဂါက ဆိုပါတယ်။

SOURCE – NHK

Leave a Reply

Your email address will not be published. Required fields are marked *

သတင်း

ကိုရိုနာဗိုင်းရပ်စ် ကာကွယ်ဆေးဆိုင်ရာ သတင်းမှားတွေ

ဂျပန်နိုင်ငံရဲ့ ကူးစက်ရောဂါဆိုင်ရာဌာနက ကိုရိုနာဗိုင်းရပ်စ် ကာကွယ်ဆေးတွေနဲ့ ပတ်သက်တဲ့ သူ့ရဲ့ အစီရင်ခံစာကို မှားယွင်းတဲ့ပုံစံနဲ့ ကိုးကားပြီး အင်တာနက်မှာ တင်နေတာတွေအတွက် ပြင်းပြင်းထန်ထန် အပြစ်တင်ရှုံ့ချလိုက်ပါတယ်။

Read More
သတင်း

ဂျပန်မှာ တစ်နေ့တာ ကူးစက်မှု ၁၅,၀၀၀ ကျော်နဲ့ စံချိန်သစ်တင်တာကြောင့် ဗိုင်းရပ်စ်တားဆီးရေးဆောင်ရွက်ချက် နောက်ထပ် ခရိုင် ၈ ခုမှာ တိုးချဲ့သတ်မှတ်မယ်

ဂျပန်မှာ ပထမဦးဆုံး တစ်နေ့တာကူးစက်မှုအရေအတွက် ၁၅.၀၀၀ကျော်ခဲ့တာ ဖြစ်ပါတယ်။
တိုကျိုမှာ ကြာသပတေးနေ့က ကိုရိုနာဗိုင်းရပ်စ် ကူးစက်ခံရသူအသစ် ၅,၀၄၂ ဦး အတည်ပြုခဲ့ကြောင်း တိုကျိုမြို့တော် အုပ်ချုပ်ရေးအဖွဲ့က ပြောပါတယ်။

Read More
သတင်း

တိုကျိုအားကစားပွဲတွေမှာ ပထမဆုံး အစုအပြုံလိုက် ကိုရိုနာဗိုင်းရပ်စ် ကူးစက်မှုတွေ့ရှိ

ဂရိနိုင်ငံက အားကစားသမားအဖွဲ့က အတော်များများမှာ ကိုရိုနာဗိုင်းရပ်စ်ပိုး တွေ့ရှိခဲ့ပြီးနောက် တိုကျိုအိုလံပစ် ပြိုင်ပွဲကျင်းပရေး အဖွဲ့တွေက အိုလံပစ်ပွဲမှာ ပထမဆုံး အစုလိုက်အပြုံလိုက် ရောဂါကူးစက်မှု ဖြစ်ခဲ့တယ်လို့ သိရကြောင်း ပြောပါတယ်။

Read More

မင်္ဂလာပါ

ဂျပန်တွင် လက်ရှိ နေထိုင်ကြတဲ့ ဂျပန်ရောက် မြန်မာများနဲ့ ဂျပန်လာရဖို့ ပြင်ဆင်နေသူများအတွက် ဂျပန်နဲ့ ပတ်သတ်တဲ့ ဗဟုသုတ နေထိုင်မူ အ တွေ့ အကြုံ များကို အစဉ်အမြဲ တင်ပေးသွားမှာဖြစ်တဲ့အတွက် MMKizuna Facebook page လေးကို like လုပ်ထားဖို့ မမေ့နဲ့နော်