ကိုရီးယားနှစ်နိုင်ငံကြားဆက်ဆံရေးရုံးကို မြောက်ကိုရီးယားက ဖျက်ဆီးပစ်လိုက်ရတဲ့အကြောင်းရင်းတွေကို လေ့လာသုံးသပ်သွားဖို့ရှိတဲ့ ဂျပန်အစိုးရ

June 18, 2020 at 1:50 PM

မြောက်ကိုရီးယားဘက်မှာရှိတဲ့နယ်စပ်မြို့ Kaesong မှာရှိတဲ့ ဆက်ဆံရေးရုံးကို မြောက်ကိုရီးယားက ဇွန်လ ၁၆ ရက်နေ့မှာ ဖောက်ခွဲဖျက်ဆီးခဲ့ပါတယ်။
အဲဒီရုံးကို ဖျက်ဆီးပစ်ဖို့ရှိတယ်လို့ မြောက်ကိုရီးယား အစိုးရက ကြိုတင်သတိပေးခဲ့ပြီး ကိုရီးယားနှစ်နိုင်ငံအကြား စစ်ရေးအရတိုက်ခိုက်မှုတွေ ကြီးကြီးမားမားဖြစ်လာစေဖို့ ဦးတည်သွားဖွယ်ရာမရှိဘူးလို့ ဂျပန်အစိုးရအရာရှိတွေက တွက်ဆကြပါတယ်။
သတိပေးချက်ကို ထုတ်ပြန်ခဲ့တဲ့ မြောက်ကိုရီးယား ခေါင်းဆောင်ရဲ့ ညီမ Kim Yo Jong ရဲ့ လက်ချက်ဖြစ်တယ်လို့ တချို့အရာရှိတွေက မှတ်ချက်ပြုခဲ့ ပါတယ်။ အဲဒီလုပ်ဆောင်ချက်ဟာ Kim Yo Jong က နိုင်ငံတွင်းမှာ သူ့ရဲ့အနေအထားကို ခိုင်ခိုင်မာမာဖြစ်စေဖို့ ရည်ရွယ်ပုံရတယ်လို့ အဲဒီဂျပန်အရာရှိတွေက ပြောပါတယ်။
မြောက်ကိုရီးယားရဲ့ ရည်ရွယ်ချက်တွေကို လေ့လာသုံးသပ်ရာမှာ ဂျပန်အစိုးရဟာ တောင်ကိုရီးယားနဲ့ အမေရိကန်ပြည်ထောင်စု က နိုင်ငံခြားရေးနဲ့ ကာကွယ်ရေးမူဝါဒဆိုင်ရာ အရာရှိတွေနဲ့ လုပ်ကိုင်ဆောင်ရွက်ဖို့ စီစဉ်ထားပါတယ်။
မြောက်ကိုရီးယားဟာ နောက်ထပ် ရန်စမှုတွေကို လုပ်မယ်ဆိုရင် ဒေသတွင်းတင်းမာမှုတွေမြင့်တက်လာဖွယ်ရာရှိတာကြောင့် နိုးနိုးကြားကြားရှိနေမယ်ဆိုတာနဲ့ အခြေအနေတွေကို စောင့်ကြည့်ဖို့ အစွမ်းကုန်လုပ်ဆောင်သွားဖို့ လည်း ဂျပန်အစိုးရက စီစဉ်ထားပါတယ်။
SOURCE – The Asahi Shimbum

Tags: