ကိုရိုနာဗိုင်းရပ်စ် ဆေးဝါး သုတေသန ဌာနကို ဂျပန် တာဝန်ခံဝန်ကြီး သွားရောက်

ကိုရိုနာဗိုင်းရပ်စ် ရောဂါကုသရေး အတွက် ဖြစ်နိုင်ခြေရှိတဲ့ ဆေးဝါးတစ်မျိုးကို သုတေသနပြု စမ်းသပ်နေတဲ့ ဂျပန်တက္ကသိုလ် တစ်ခုကို ကိုရိုနာဗိုင်းရပ်စ် တုံ့ပြန်ကိုင်တွယ်ရေး တာဝန်ခံဝန်ကြီးက သွားရောက် လေ့လာခဲ့ပါတယ်။ စီးပွားရေး ပြန်လည် အားကောင်းလာစေရေးဆိုင်ရာ ဝန်ကြီး နီရှိမူရာ ယာစုတိုရှီ (Nishimura Yasutoshi) ဟာ ခီတာ့စာ့တို (Kitasato) တက္ကသိုလ်ကို ဗုဒ္ဓဟူးနေ့မှာ သွားရောက် ခဲ့တာ ဖြစ်ပါတယ်။
အဲဒီတက္ကသိုလ်ရဲ့ အထူးဂုဏ်ထူးဆောင် ပါမောက္ခ ဖြစ်ပြီး နိုဘယ်ဆုရှင်လည်းဖြစ်တဲ့ အိုးမူရာ စာ့တိုရှီ (Omura Satoshi) က ဒြပ်ပေါင်းတစ်ခု တွေ့ရှိခဲ့ တာကနေ တီထွင်ထုတ်လုပ်ခဲ့တဲ့ အီဗဲရ်မက်တင်း (ivermectin) ဆိုတဲ့ ဆေးဟာ ကပ်ပါးကောင်ကြောင့် ဖြစ်ရတဲ့ ကူးစက်ရောဂါတွေအတွက် အစွမ်းထက်တဲ့ ဆေးတစ်မျိုးဖြစ်ပါတယ်။ နိုင်ငံခြားက တချို့ သုတေသန ဌာနတွေမှာ ဒီဆေးဟာ ကိုရိုနာဗိုင်းရပ်စ် အမျိုးအစားသစ်အတွက်လည်း ထိရောက်မှုရှိတယ်ဆိုတဲ့ ရလဒ်တွေ ထွက်ပေါ်နေပါတယ်။
မစ္စတာ နီရှိမူရာ ဟာ ပါမောက္ခ အိုးမူရာနဲ့ တက္ကသိုလ် အရာရှိတွေ ကို တွေ့ဆုံဆွေးနွေး ခဲ့ပါတယ်။
ကိုရိုနာဗိုင်းရပ်စ် ကုသရေးအတွက် ဆေးဝါးတွေနဲ့ ကာကွယ်ဆေး တီထွင် ထုတ်လုပ်ဖို့ အတွက် အစိုးရအနေနဲ့ ထပ်ဆောင်းဘတ်ဂျက်မှာ ရန်ပုံငွေ သတ်မှတ် ထားကြောင်း ဝန်ကြီး နီရှိမူရာ က သူတို့ကို ပြောကြားခဲ့ပါတယ်။ ဒီလို ရန်ပုံငွေဟာ အခုလို တီထွင်ထုတ်လုပ်နိင်ဖို့ ကြိုးပမ်းမှုတွေကို ထောက်ပံ့သွားဖို့ အတွက် ဖြစ်ကြောင်း သူက ဆိုပါတယ်။
ivermectin ဆေးနဲ့ ကုသခဲ့တဲ့ ကိုရိုနာဗိုင်းရပ်စ် လူနာတွေရဲ့ သေဆုံးမှုနှုန်း နည်းပါးတယ်ဆိုတာကို ညွှန်ပြတဲ့ နိုင်ငံခြားက သုတေသန တွေ့ရှိချက်တွေကို ပါမောက္ခ အိုးမူရာ က မစ္စတာ နီရှိမူရာကို ပြသခဲ့ပါတယ်။

SOURCE – NHK

Leave a Reply

Your email address will not be published. Required fields are marked *

သတင်း

ကိုရိုနာဗိုင်းရပ်စ် ကာကွယ်ဆေးဆိုင်ရာ သတင်းမှားတွေ

ဂျပန်နိုင်ငံရဲ့ ကူးစက်ရောဂါဆိုင်ရာဌာနက ကိုရိုနာဗိုင်းရပ်စ် ကာကွယ်ဆေးတွေနဲ့ ပတ်သက်တဲ့ သူ့ရဲ့ အစီရင်ခံစာကို မှားယွင်းတဲ့ပုံစံနဲ့ ကိုးကားပြီး အင်တာနက်မှာ တင်နေတာတွေအတွက် ပြင်းပြင်းထန်ထန် အပြစ်တင်ရှုံ့ချလိုက်ပါတယ်။

Read More
သတင်း

ဂျပန်မှာ တစ်နေ့တာ ကူးစက်မှု ၁၅,၀၀၀ ကျော်နဲ့ စံချိန်သစ်တင်တာကြောင့် ဗိုင်းရပ်စ်တားဆီးရေးဆောင်ရွက်ချက် နောက်ထပ် ခရိုင် ၈ ခုမှာ တိုးချဲ့သတ်မှတ်မယ်

ဂျပန်မှာ ပထမဦးဆုံး တစ်နေ့တာကူးစက်မှုအရေအတွက် ၁၅.၀၀၀ကျော်ခဲ့တာ ဖြစ်ပါတယ်။
တိုကျိုမှာ ကြာသပတေးနေ့က ကိုရိုနာဗိုင်းရပ်စ် ကူးစက်ခံရသူအသစ် ၅,၀၄၂ ဦး အတည်ပြုခဲ့ကြောင်း တိုကျိုမြို့တော် အုပ်ချုပ်ရေးအဖွဲ့က ပြောပါတယ်။

Read More
သတင်း

တိုကျိုအားကစားပွဲတွေမှာ ပထမဆုံး အစုအပြုံလိုက် ကိုရိုနာဗိုင်းရပ်စ် ကူးစက်မှုတွေ့ရှိ

ဂရိနိုင်ငံက အားကစားသမားအဖွဲ့က အတော်များများမှာ ကိုရိုနာဗိုင်းရပ်စ်ပိုး တွေ့ရှိခဲ့ပြီးနောက် တိုကျိုအိုလံပစ် ပြိုင်ပွဲကျင်းပရေး အဖွဲ့တွေက အိုလံပစ်ပွဲမှာ ပထမဆုံး အစုလိုက်အပြုံလိုက် ရောဂါကူးစက်မှု ဖြစ်ခဲ့တယ်လို့ သိရကြောင်း ပြောပါတယ်။

Read More

မင်္ဂလာပါ

ဂျပန်တွင် လက်ရှိ နေထိုင်ကြတဲ့ ဂျပန်ရောက် မြန်မာများနဲ့ ဂျပန်လာရဖို့ ပြင်ဆင်နေသူများအတွက် ဂျပန်နဲ့ ပတ်သတ်တဲ့ ဗဟုသုတ နေထိုင်မူ အ တွေ့ အကြုံ များကို အစဉ်အမြဲ တင်ပေးသွားမှာဖြစ်တဲ့အတွက် MMKizuna Facebook page လေးကို like လုပ်ထားဖို့ မမေ့နဲ့နော်