ဂျပန်မှာ လူမှုရေး၊ စီးပွားရေး ပြန်လည် လှုပ်ရှား ခွင့်ပြု ဖို့ရှိ

နိုင်ငံအဝန်း အရေးပေါ် အခြေအနေ ကြေညာချက် ရုပ်သိမ်းခဲ့တဲ့နောက်မှာ လူမှုရေးနဲ့ စီးပွားရေးလုပ်ငန်းတွေကို အဆင့်လိုက် ပြန်လည် လုပ်ကိုင် ခွင့်ပြုသွား ဖို့ ဂျပန်က စီစဉ်နေပါတယ်။

ဂျပန်က ခရိုင် ၄၇ ခုထဲက နောက်ဆုံးကျန်တဲ့ ခရိုင် ၅ ခုမှာ အရေးပေါ် အခြေအနေ ကြေညာချက်ကို ရုပ်သိမ်းကြောင်း ဝန်ကြီးချုပ် Shinzo Abe က တနင်္လာနေ့မှာ ကြေညာခဲ့ပါတယ်။ နောက်ဆုံး ၅ခရိုင် ကတော့ တိုကျိုနဲ့ အနီးပတ်ဝန်းကျင်က ခရိုင် ၃ခုအပြင် နိုင်ငံ မြောက်ဘက်စွန်းကျွန်းဖြစ်တဲ့ ဟော့ကိုင်းဒိုးခရိုင် တို့ဖြစ်ပါတယ်။
ကိုရိုနာဗိုင်းရပ်စ် လွှမ်းမိုးတဲ့ ခေတ်မှာ ဂျပန်နိုင်ငံရဲ့ လူနေမှု ပုံစံသစ်ကို ဖန်တီးထူထောင်သွားမယ်လို့ မစ္စတာ အာဘဲ က ပြောပါတယ်။
အရေးပေါ်ကြေညာချက်ကို ရုပ်သိမ်းပြီးနောက်မှာလည်း ကူးစက်မှုဖြစ်နိုင်တဲ့ အန္တရာယ်ကို သုညဖြစ်သွားအောင် လျှော့ချနိုင်မှာ မဟုတ်ဘူးလို့ ဝန်ကြီးချုပ်က မှတ်ချက်ပြုခဲ့ပါတယ်။
အစိုးရဟာ နိုင်ငံရဲ့ ဒေသတစ်ခုချင်းမှာ ကူးစက်မှု အတိုင်းအတာနဲ့ ရောဂါပျံ့နှံ့မှု အန္တရာယ်ဖြစ်နိုင်ခြေတွေကို အကဲဖြတ်ရင်း ခန့်မှန်းခြေအားဖြင့် သီတင်း ၃ပတ်ခြားပြီး ကန့်သတ်တားမြစ်ချက်တွေကို ဖြေလျှော့သွားဖို့ စီစဉ်ထားပါတယ်။
ဂီတဖျော်ဖြေပွဲတွေနဲ့ ပြပွဲတွေကို တက်ရောက်သူ အရေအတွက် ကန့်သတ်သတ်မှတ်ပြီး ကျင်းပခွင့် ပြုသွားမှာ ဖြစ်ပါတယ်။ ဒီကန့်သတ်ချက်ကို အဆင့်လိုက် ဖြေလျှော့သွားမယ်လို့ အစိုးရက ဆိုပါတယ်။
ဘေ့စ်ဘော နဲ့ J-League ဘောလုံးတွေ အပါအဝင် ကြေးစားအားကစားပွဲတွေကို အရင်ဆုံး ပွဲကြည့် ပရိသတ်မရှိတဲ့ အားကစားရုံမှာ ဇွန်လ ၁၉ ရက်နေ့က စတင် ကျင်းပ နိုင်ပါတယ်။ ပွဲကြည့်နိုင်မယ့် ပရိသတ် အရေအတွက်ကို လည်း တဖြည်းဖြည်း တိုးသွားမှာ ဖြစ်ပါတယ်။
ဘယ်လို ပမာဏရှိတဲ့ အားကစားပွဲမျိုးကို မဆို ဩဂုတ်လ ၁ ရက်နေ့က စပြီး ကျင်းပ ခွင့်ပြုသွားဖို့လည်း ဂျပန်အစိုးရက စီစဉ်နေပါတယ်။
SOURCE – NHK

Leave a Reply

Your email address will not be published. Required fields are marked *

သတင်း

ကိုရိုနာဗိုင်းရပ်စ် ကာကွယ်ဆေးဆိုင်ရာ သတင်းမှားတွေ

ဂျပန်နိုင်ငံရဲ့ ကူးစက်ရောဂါဆိုင်ရာဌာနက ကိုရိုနာဗိုင်းရပ်စ် ကာကွယ်ဆေးတွေနဲ့ ပတ်သက်တဲ့ သူ့ရဲ့ အစီရင်ခံစာကို မှားယွင်းတဲ့ပုံစံနဲ့ ကိုးကားပြီး အင်တာနက်မှာ တင်နေတာတွေအတွက် ပြင်းပြင်းထန်ထန် အပြစ်တင်ရှုံ့ချလိုက်ပါတယ်။

Read More
သတင်း

ဂျပန်မှာ တစ်နေ့တာ ကူးစက်မှု ၁၅,၀၀၀ ကျော်နဲ့ စံချိန်သစ်တင်တာကြောင့် ဗိုင်းရပ်စ်တားဆီးရေးဆောင်ရွက်ချက် နောက်ထပ် ခရိုင် ၈ ခုမှာ တိုးချဲ့သတ်မှတ်မယ်

ဂျပန်မှာ ပထမဦးဆုံး တစ်နေ့တာကူးစက်မှုအရေအတွက် ၁၅.၀၀၀ကျော်ခဲ့တာ ဖြစ်ပါတယ်။
တိုကျိုမှာ ကြာသပတေးနေ့က ကိုရိုနာဗိုင်းရပ်စ် ကူးစက်ခံရသူအသစ် ၅,၀၄၂ ဦး အတည်ပြုခဲ့ကြောင်း တိုကျိုမြို့တော် အုပ်ချုပ်ရေးအဖွဲ့က ပြောပါတယ်။

Read More
သတင်း

တိုကျိုအားကစားပွဲတွေမှာ ပထမဆုံး အစုအပြုံလိုက် ကိုရိုနာဗိုင်းရပ်စ် ကူးစက်မှုတွေ့ရှိ

ဂရိနိုင်ငံက အားကစားသမားအဖွဲ့က အတော်များများမှာ ကိုရိုနာဗိုင်းရပ်စ်ပိုး တွေ့ရှိခဲ့ပြီးနောက် တိုကျိုအိုလံပစ် ပြိုင်ပွဲကျင်းပရေး အဖွဲ့တွေက အိုလံပစ်ပွဲမှာ ပထမဆုံး အစုလိုက်အပြုံလိုက် ရောဂါကူးစက်မှု ဖြစ်ခဲ့တယ်လို့ သိရကြောင်း ပြောပါတယ်။

Read More

မင်္ဂလာပါ

ဂျပန်တွင် လက်ရှိ နေထိုင်ကြတဲ့ ဂျပန်ရောက် မြန်မာများနဲ့ ဂျပန်လာရဖို့ ပြင်ဆင်နေသူများအတွက် ဂျပန်နဲ့ ပတ်သတ်တဲ့ ဗဟုသုတ နေထိုင်မူ အ တွေ့ အကြုံ များကို အစဉ်အမြဲ တင်ပေးသွားမှာဖြစ်တဲ့အတွက် MMKizuna Facebook page လေးကို like လုပ်ထားဖို့ မမေ့နဲ့နော်