ဂျပန်နိုင်ငံမှာ ဗိုင်းရပ်စ် ပဋိပစ္စည်း စစ်ဆေးမှု လူ အယောက် တစ်သောင်းခန့်ကို ဇွန်လ မှာ စမ်းသပ် စတင်စမ်းသပ်သွားမည်

ဂျပန်နိုင်ငံအတွင်း ကိုရိုနာဗိုင်းရပ်စ် ဘယ်လောက်ထိ ကူးစက်ပြန့်ပွား နေသလဲ ဆိုတာကို စစ်ဆေးဖို့ ဂျပန် ကျန်းမာရေး ဝန်ကြီးဌာနဟာ ပဋိပစ္စည်း စစ်ဆေးမှုကို ဇွန်လမှာ စပြီး Tokyo၊ Osaka နဲ့ Miyagi အရှေ့မြောက်ဘက် စီရင်စု တို့ရှိ လူ ဦးရေ တစ်သောင်းခန့်ကို စတင် စစ်ဆေးသွားမယ်လို့ကျန်းမာရေးဝန်ကြီး Kato Katsunobu က ဆိုပါတယ်။
မစ္စတာ Kato ဟာ အဲဒီ အစီအစဉ်နဲ့ ပတ်သက်ပြီး အသေးစိတ်ကို သောကြာနေ့က သတင်းစာရှင်းလင်းပွဲတစ်ခုမှာ ပြောကြားခဲ့ပါတယ်။
ပဋိပစ္စည်း စစ်ဆေးခြင်းကို ကျယ်ကျယ်ပြန့်ပြန့် လုပ်ဆောင်ခြင်းအားဖြင့် ကူးစက်ခံထားရသူ အရေအတွက်နဲ့ ပတ်သက်ပြီး ယူဆချက် တချို့ ရရှိနိုင်တယ်လို့ သူက ထည့်သွင်းပြောကြားခဲ့ပါတယ်။ ဗိုင်းရပ်စ် ကူးစက်ခံစားလျက်ရှိသော လူဦးရေ အကြမ်းဖျင်းကို သိရှိပြီး ရောဂါပြန်လည် ဖြစ်ပွားလာခဲ့ပါက ရောဂါကူးစက်ခံရသူအရေအတွက်ကို ခန့်မှန်းနိုင်ရန် အာဏာပိုင်များ က မျှော်လင့်ထားပါတယ်။ ဆေးစစ်ထားတဲ့ရလဒ်တွေကို အခြေခံပြီး ကာကွယ်ဆေး အရေအတွက် ဘယ်လောက်လိုအပ်သွားမလဲဆိုတာကို ခန့်မှန်းနိုင်ရန် အာဏာပိုင်တွေကို ကူညီပေးပါလိမ့်မယ်။
ကျန်းမာရေးဝန်ကြီးဌာနဟာ အဲဒီ အစီအစဉ်ကို ခရိုင် ၃ခု အတွင်း ဆောင်ရွက်နိုင်ဖို့ စီစဉ်ထားပြီးဖြစ်ပါတယ်။ အဲဒီအထဲမှာ အတည်ပြုပြီး ကူးစက်ခံရသူ အမြောက်အမြား ရှိတဲ့ တိုကျို (Tokyo) ၊ အိုစာကာ (Osaka) နဲ့ အဲဒီ ခရိုင်တွေထက် အချိုးအစားအရ ကူးစက်ခံရသူ အရေအတွက် နည်းပါးတဲ့ မိယာဂိ (Miyagi) ခရိုင်တို့ ပါဝင်ပါတယ်။အဲဒီ အစီအစဉ်ရဲ့ ရည်ရွယ်ချက်ဟာ အဲဒီ ခရိုင် ၃ ခုအတွင်း ဗိုင်းရပ်စ်ပိုး ဘယ်လောက်ထိ ကူးစက်ပြန့်ပွားနေသလဲ ဆိုတာကို ရှာဖွေစစ်ဆေးဖို့ ဖြစ်ပါတယ်။ ကူးစက်ရောဂါတစ်မျိုးကို လူအများစု ခုခံနိုင်စွမ်း ရှိလာတဲ့ အခါ ဖြစ်တတ်တဲ့ herd immunity ဖြစ်စဉ် ဖြစ်မြောက်လာနိုင်ခြေ ကိုလည်း အဲဒီ အစီအစဉ်က စစ်ဆေးဆောင်ရွက်မှာ ဖြစ်ပါတယ်။
နိုင်ငံအများအပြားမှာ ပဋိပစ္စည်း စစ်ဆေးမှုကို လုပ်ဆောင်နေပါတယ်။ ဂျပန်မှာတော့ တက္ကသိုလ်က သုတေသီတွေဟာ အချက်အလက်တွေကို စတင်စုဆောင်းနေပြီ ဖြစ်ပါတယ်။ ဒါပေမဲ့ ဂျပန်အစိုးရအနေနဲ့ ပဋိပစ္စည်း စစ်ဆေးခြင်းကို ကျယ်ကျယ်ပြန့်ပြန့် လုပ်ဆောင်ခြင်းဟာ ဒါ ပထမဆုံးအကြိမ် ဖြစ်ပါတယ်။
ဂျပန်အနေနဲ့ ခန္ဓာကိုယ်အတွင်း ပဋိပစ္စည်း ထုတ်လုပ်ပုံနဲ့ ပဋိပစ္စည်းရဲ့ သက်တမ်းကိုလည်း သုတေသန လုပ်စေလိုကြောင်း မစ္စတာ Kato က ပြောပါတယ်။
Source – Japan Today

Leave a Reply

Your email address will not be published. Required fields are marked *

သတင်း

ကိုရိုနာဗိုင်းရပ်စ် ကာကွယ်ဆေးဆိုင်ရာ သတင်းမှားတွေ

ဂျပန်နိုင်ငံရဲ့ ကူးစက်ရောဂါဆိုင်ရာဌာနက ကိုရိုနာဗိုင်းရပ်စ် ကာကွယ်ဆေးတွေနဲ့ ပတ်သက်တဲ့ သူ့ရဲ့ အစီရင်ခံစာကို မှားယွင်းတဲ့ပုံစံနဲ့ ကိုးကားပြီး အင်တာနက်မှာ တင်နေတာတွေအတွက် ပြင်းပြင်းထန်ထန် အပြစ်တင်ရှုံ့ချလိုက်ပါတယ်။

Read More
သတင်း

ဂျပန်မှာ တစ်နေ့တာ ကူးစက်မှု ၁၅,၀၀၀ ကျော်နဲ့ စံချိန်သစ်တင်တာကြောင့် ဗိုင်းရပ်စ်တားဆီးရေးဆောင်ရွက်ချက် နောက်ထပ် ခရိုင် ၈ ခုမှာ တိုးချဲ့သတ်မှတ်မယ်

ဂျပန်မှာ ပထမဦးဆုံး တစ်နေ့တာကူးစက်မှုအရေအတွက် ၁၅.၀၀၀ကျော်ခဲ့တာ ဖြစ်ပါတယ်။
တိုကျိုမှာ ကြာသပတေးနေ့က ကိုရိုနာဗိုင်းရပ်စ် ကူးစက်ခံရသူအသစ် ၅,၀၄၂ ဦး အတည်ပြုခဲ့ကြောင်း တိုကျိုမြို့တော် အုပ်ချုပ်ရေးအဖွဲ့က ပြောပါတယ်။

Read More
သတင်း

တိုကျိုအားကစားပွဲတွေမှာ ပထမဆုံး အစုအပြုံလိုက် ကိုရိုနာဗိုင်းရပ်စ် ကူးစက်မှုတွေ့ရှိ

ဂရိနိုင်ငံက အားကစားသမားအဖွဲ့က အတော်များများမှာ ကိုရိုနာဗိုင်းရပ်စ်ပိုး တွေ့ရှိခဲ့ပြီးနောက် တိုကျိုအိုလံပစ် ပြိုင်ပွဲကျင်းပရေး အဖွဲ့တွေက အိုလံပစ်ပွဲမှာ ပထမဆုံး အစုလိုက်အပြုံလိုက် ရောဂါကူးစက်မှု ဖြစ်ခဲ့တယ်လို့ သိရကြောင်း ပြောပါတယ်။

Read More

မင်္ဂလာပါ

ဂျပန်တွင် လက်ရှိ နေထိုင်ကြတဲ့ ဂျပန်ရောက် မြန်မာများနဲ့ ဂျပန်လာရဖို့ ပြင်ဆင်နေသူများအတွက် ဂျပန်နဲ့ ပတ်သတ်တဲ့ ဗဟုသုတ နေထိုင်မူ အ တွေ့ အကြုံ များကို အစဉ်အမြဲ တင်ပေးသွားမှာဖြစ်တဲ့အတွက် MMKizuna Facebook page လေးကို like လုပ်ထားဖို့ မမေ့နဲ့နော်