ဂျပန်နဲ့ ဗီယက်နမ် ပြည်ဝင်ခွင့် ကန့်သတ်ချက်တွေ အပြန်အလှန် ဖြေလျှော့မယ်

နိုင်ငံသားတွေ အပြန်အလှန် သွားလာမှုကို အကန့်အသတ်နဲ့ ခွင့်ပြုဖို့ ဂျပန်နဲ့ ဗီယက်နမ်တို့ရဲ့ ညှိနှိုင်းမှုတွေ နောက်ဆုံးအဆင့်ကို ရောက်ရှိနေပြီ ဖြစ်ပါတယ်။

ဗီယက်နမ်နိုင်ငံက လာတဲ့ စီးပွားရေးသမားတွေနဲ့ ဂျပန် အစိုးရက ကျောထောက်နောက်ခံပေးထားတဲ့ အစီအစဉ်တစ်ခု အောက်က အတတ်ပညာကျွမ်းကျင်မှု အလုပ်သင်သင်တန်းသားတွေကို အစောဆုံး ဇွန်လအနှောင်းပိုင်းမှာ ခွင့်ပြုဖို့ ဂျပန်အစိုးရက စီစဉ်နေပါတယ်။
ဗီယက်နမ်မှာ ကိုရိုနာဗိုင်းရပ်စ် ကူးစက်မှုဟာ ထိန်းချုပ်နိုင်တဲ့ အနေအထားဖြစ်လာနေပြီး တစ်ဟုန်ထိုး ဈေးကွက်ကျယ်ပြန့်လာနေတဲ့ ဗီယက်နမ်ကို သွားလာမှုတွေ စောစောစီးစီး ပြန်ဖွင့်ဖို့ ဂျပန် စီးပွားရေးခေါင်းဆောင်တွေက တောင်းဆိုနေပါတယ်။
ဗီယက်နမ်က လာသူတွေအနေနဲ့ ဗိုင်းရပ်စ် ကူးစက်ခံထားရခြင်းမရှိကြောင်း အာမခံနိုင်ဖို့ မထွက်ခွာခင်မှာ ဗိုင်းရပ်စ်ဆိုင်ရာ ဆေးစစ်ချက်ကို တင်ပြဖို့ တောင်းဆိုရေး ဂျပန်အစိုးရက စီစဉ်နေပါတယ်။
သူတို့အနေနဲ့ ဂျပန်ကို ဆိုက်ရောက်ချိန်မှာ ဗိုင်းရပ်စ် စစ်ဆေးမှုကို ခံယူရဖို့ ရှိပြီး ခရီးစဉ်နဲ့ ပတ်သက်တဲ့ အချက်အလက်တွေကိုလည်း တင်ပြရဖွယ် ရှိပါတယ်။
ဗီယက်နမ်နိုင်ငံသားတွေက ဂျပန်ကို လာရောက်မှုတွေ ဘယ်တော့ ပြန်စမလဲဆိုတာ မသိရသေးပေမဲ့ ဂျပန်ကနေ ဗီယက်နမ်ကို သွားလာမှုတွေကို အစောဆုံး ဇွန်လ အနှောင်းပိုင်းမှာ စတင်မယ်လို့ မျှော်လင့်ရပါတယ်။
ဂျပန်ဟာ ထိုင်း၊ ဩစတြေးလျနဲ့ နယူးဇီလန်တို့နဲ့လည်း သွားလာမှု ကန့်သတ်ချက်တွေ ဖြေလျှော့ရေး ဆွေးနွေးမှုတွေ လုပ်ဆောင်နေပါတယ်။
ထိုင်းနိုင်ငံနဲ့ အကြား ဆွေးနွေးမှုတွေ တိုးတက်လာနေပေမဲ့ တခြား နှစ်နိုင်ငံကတော့ ဂျပန်နိုင်ငံသားတွေကို အဆောတလျင် လက်ခံရေးအပေါ် သတိထားနေကြပါတယ်။

Leave a Reply

Your email address will not be published. Required fields are marked *

သတင်း

ကိုရိုနာဗိုင်းရပ်စ် ကာကွယ်ဆေးဆိုင်ရာ သတင်းမှားတွေ

ဂျပန်နိုင်ငံရဲ့ ကူးစက်ရောဂါဆိုင်ရာဌာနက ကိုရိုနာဗိုင်းရပ်စ် ကာကွယ်ဆေးတွေနဲ့ ပတ်သက်တဲ့ သူ့ရဲ့ အစီရင်ခံစာကို မှားယွင်းတဲ့ပုံစံနဲ့ ကိုးကားပြီး အင်တာနက်မှာ တင်နေတာတွေအတွက် ပြင်းပြင်းထန်ထန် အပြစ်တင်ရှုံ့ချလိုက်ပါတယ်။

Read More
သတင်း

ဂျပန်မှာ တစ်နေ့တာ ကူးစက်မှု ၁၅,၀၀၀ ကျော်နဲ့ စံချိန်သစ်တင်တာကြောင့် ဗိုင်းရပ်စ်တားဆီးရေးဆောင်ရွက်ချက် နောက်ထပ် ခရိုင် ၈ ခုမှာ တိုးချဲ့သတ်မှတ်မယ်

ဂျပန်မှာ ပထမဦးဆုံး တစ်နေ့တာကူးစက်မှုအရေအတွက် ၁၅.၀၀၀ကျော်ခဲ့တာ ဖြစ်ပါတယ်။
တိုကျိုမှာ ကြာသပတေးနေ့က ကိုရိုနာဗိုင်းရပ်စ် ကူးစက်ခံရသူအသစ် ၅,၀၄၂ ဦး အတည်ပြုခဲ့ကြောင်း တိုကျိုမြို့တော် အုပ်ချုပ်ရေးအဖွဲ့က ပြောပါတယ်။

Read More
သတင်း

တိုကျိုအားကစားပွဲတွေမှာ ပထမဆုံး အစုအပြုံလိုက် ကိုရိုနာဗိုင်းရပ်စ် ကူးစက်မှုတွေ့ရှိ

ဂရိနိုင်ငံက အားကစားသမားအဖွဲ့က အတော်များများမှာ ကိုရိုနာဗိုင်းရပ်စ်ပိုး တွေ့ရှိခဲ့ပြီးနောက် တိုကျိုအိုလံပစ် ပြိုင်ပွဲကျင်းပရေး အဖွဲ့တွေက အိုလံပစ်ပွဲမှာ ပထမဆုံး အစုလိုက်အပြုံလိုက် ရောဂါကူးစက်မှု ဖြစ်ခဲ့တယ်လို့ သိရကြောင်း ပြောပါတယ်။

Read More

မင်္ဂလာပါ

ဂျပန်တွင် လက်ရှိ နေထိုင်ကြတဲ့ ဂျပန်ရောက် မြန်မာများနဲ့ ဂျပန်လာရဖို့ ပြင်ဆင်နေသူများအတွက် ဂျပန်နဲ့ ပတ်သတ်တဲ့ ဗဟုသုတ နေထိုင်မူ အ တွေ့ အကြုံ များကို အစဉ်အမြဲ တင်ပေးသွားမှာဖြစ်တဲ့အတွက် MMKizuna Facebook page လေးကို like လုပ်ထားဖို့ မမေ့နဲ့နော်