ဂျပန်နိုင်ငံရှိကုမ္ပဏီများမှ ဝန်ထမ်းသစ်များ ခေါ်ယူရန်အတွက် အင်တာဗျူးမေးမြန်းခြင်းများကို Online မှတစ်ဆင့်သာ ပြုလုပ်ခဲ့

March 8, 2020 at 5:31 PM

၂၀၂၀ ခုနှစ် မတ်လတွင် ဘွဲ့ယူကြရမည့် ဂျပန်နိုင်ငံရှိ တက္ကသိုလ်ကျောင်းသူ/သားများဟာ ယခုအချိန်မှစ၍ အလုပ်အကိုင်ကိုစတင် ရှာဖွေနေကြပြီ ဖြစ်ပါတယ်။

ဂျပန်နိုင်ငံတွင် လက်တလော Corona virus ကူးစက်ပြန့်ပွားနေမှုကြောင့် Job Fair များကို ကျင်းပခြင်းမရှိတော့ဘဲ အချို့ကုမ္ပဏီများက online မှတစ်ဆင့်သာ အလုပ်အကိုင်နှင့်ပတ်သက်တဲ့ Information များမျှဝေသွားခြင်းတို့ကို လုပ်ဆောင်လျက်ရှိပါတယ်။

Source : NHK

တိုကျိုမြို့ရှိခန်းမဆောင်တစ်ခုတွင် အလုပ်ခေါ်သည့်ကုမ္ပဏီတစ်ခုမှ ခန့်အပ်သွားမည့် အလုပ်ရာထူးများနှင့် အင်တာဗျူးမေးမြန်းစစ်ဆေးသွားမည့် Online seminar တစ်ခုကို Live အစီအစဉ်မှတဆင့်ပြုလုပ်ခဲ့ပါတယ်။ ကျောင်းသားတော်တော်များများကလည်း ထို Online seminar တွင်ဝင်ရောက်ပါဝင်ဆင်နွှဲခဲ့ကြပြီး လုပ်ငန်းခွင်နှင့်သက်ဆိုင်သောသတင်းအချက်အလက်များ၊ အလုပ်သမားများအား အခြားနေရာများသို့ ပြောင်းရွှေ့အလုပ်လုပ်ခိုင်းခြင်းရှိ၊မရှိနှင့် ခရီးထွက်ရန် ကိစ္စရှိလာပါက ခွင့်ယူဖို့ လွယ်၊မလွယ် အစရှိသဖြင့် မိမိတို့သိချင်လိုသည့် မေးခွန်းများကို Live chat မှတဆင့်မေးမြန်းခဲ့ကြပါတယ်။

ထို seminar ကိုစီစဉ်ခဲ့တဲ့ Mynavi Corporation မှ တည်းဖြတ်ဒါရိုက်တာ Makoto Takahashi က Online မှတစ်ဆင့် ပြောကြားတဲ့ သတင်းအချက်အလက်များကို လျို့ဝှက်ကန့်သတ်ထားမှာဖြစ်ပြီး ကျောင်းသူ၊သားများထံသို့လည်း ကုမ္ပဏီနဲ့ပတ်သက်တဲ့ သတင်းအချက်အလက်များကို တတ်နိုင်သမျှ မြန်မြန်နှင့် မကြာခဏဆိုသလိုမျှဝေပေးသွားမည်ဖြစ်ကြောင်း ပြောကြားခဲ့ပါတယ်။