Kobe ဆေးရုံက Corona Virus ကို ပြန်တိုက်ခိုက်ဖို့ ပဋိပစ္စည်းရှိမရှိ စမ်းသပ်စစ်ဆေးမှု ပြုလုပ်

ဂျပန်နိုင်ငံအနောက်ပိုင်း Kobe မြို့ ရှိ ဆေးရုံတစ်ရုံကို လာပြတဲ့ ပြင်ပလူနာတွေရဲ့ ၃ရာခိုင်နှုန်းလောက်မှာ ကိုရိုနာဗိုင်းရပ်စ် ကို ခန္ဓာကိုယ်က တိုက်ခိုက်တဲ့ပဋိပစ္စည်း သယ်ဆောင်ထားတာကို တွေ့ရှိခဲ့ရ တဲ့ အတွက် Corona Virus တစ်ချိန်ချိန်မှာ ကူးစက်ခံခဲ့ရတယ် ဆိုတဲ့ သက်သေအထောက်အထားကို ပြသနေခဲ့ပါတယ်။ Kobe မြို့အထွေထွေ ရောဂါကုဆေးရုံ ဆေးပညာဌာနက ဆရာဝန် အဖွဲ့တစ်ဖွဲ့ဟာ မတ်လနှောင်းပိုင်းကနေ ဧပြီလအစောပိုင်း ကာလအတွင်းCorona Virus ရဲ့ ရောဂါလက္ခဏာတွေကြောင့် မဟုတ်ဘဲ တခြားအကြောင်းကြောင့် ဆေးရုံလာပြခဲ့တဲ့ လူနာတွေဆီကနေ သွေးနမူနာ ၁၀၀၀ ကောက်ခံ စစ်ဆေးခဲ့ပါတယ်။
သွေးနမူနာ ၃၃ခု တစ်နည်းအားဖြင့် အားလုံးရဲ့ ၃.၃ ရာခိုင်နှုန်းမှာ Corona Virus ရဲ့ ပဋိပစ္စည်း တွေ့ရှိခဲ့ပါတယ်။
အခုလို လေ့လာတွေ့ရှိချက်တွေနဲ့ ပတ်သက်ပြီး ဓာတ်ခွဲ စမ်းသပ်ချက်တွေရဲ့ တိကျမှုနဲ့ သွေးနမူနာတွေကို ဆေးရုံပြင်ပ လူနာဌာနကိုလာပြတဲ့ လူနာတွေဆီကပဲ ကောက်ယူ စစ်ဆေးခဲ့တဲ့ အကန့်အသတ်တွေ ရှိတဲ့ အတွက် မေးခွန်း ထုတ်စရာတွေ ကျန်နေသေးတယ်လို့ ဆရာဝန်တွေက မှတ်ချက်ပြုထားပါတယ်။
ဒါပေမဲ့ ဒီရာခိုင်နှုန်းကို အခြေခံ တွက်ချက်လိုက်ရင် Kobe မြို့မှာ လူ ၅၀၀၀၀ လောက်ဟာ ကူးစက်ခံထားရပြီး ဖြစ်တယ် ဆိုတာကို ပြသနေတယ်လို့ သူတို့က ပြောပါတယ်။
အဲဒီဆေးရုံအုပ် ဖြစ်သူ Kihara Yasuki က ဒီရလဒ်အရ လူတွေဟာ ပဋိပစ္စည်းတွေ သယ်ဆောင်ထားတဲ့အတွက် ရောဂါပိုး ကူးစက်ခံခဲ့ရတာ ခန့်မှန်းထားတာထက် ပိုများပုံရတယ်လို့ ပြောခဲ့ပါတယ်။
Kansai University of Social Welfare တက္ကသိုလ်က ပါမောက္ခ Katsuda Yoshiaki က ဒီလို လူအများ ကူးစက်ခံနေရတာကို လေ့လာ တွေ့ရှိချက်က ပြသနေပေမယ့် လူအများစု ကူးစက်မခံရ အောင် social distancing နဲ့ stay-at-home ကို အစိုးရအနေနဲ့ ဆက်ပြီး အကြံပြုသင့်တယ်လို့ သတိပေးခဲ့ပါတယ်။
SOURCE – Japan Today

Leave a Reply

Your email address will not be published. Required fields are marked *

သတင်း

ကိုရိုနာဗိုင်းရပ်စ် ကာကွယ်ဆေးဆိုင်ရာ သတင်းမှားတွေ

ဂျပန်နိုင်ငံရဲ့ ကူးစက်ရောဂါဆိုင်ရာဌာနက ကိုရိုနာဗိုင်းရပ်စ် ကာကွယ်ဆေးတွေနဲ့ ပတ်သက်တဲ့ သူ့ရဲ့ အစီရင်ခံစာကို မှားယွင်းတဲ့ပုံစံနဲ့ ကိုးကားပြီး အင်တာနက်မှာ တင်နေတာတွေအတွက် ပြင်းပြင်းထန်ထန် အပြစ်တင်ရှုံ့ချလိုက်ပါတယ်။

Read More
သတင်း

ဂျပန်မှာ တစ်နေ့တာ ကူးစက်မှု ၁၅,၀၀၀ ကျော်နဲ့ စံချိန်သစ်တင်တာကြောင့် ဗိုင်းရပ်စ်တားဆီးရေးဆောင်ရွက်ချက် နောက်ထပ် ခရိုင် ၈ ခုမှာ တိုးချဲ့သတ်မှတ်မယ်

ဂျပန်မှာ ပထမဦးဆုံး တစ်နေ့တာကူးစက်မှုအရေအတွက် ၁၅.၀၀၀ကျော်ခဲ့တာ ဖြစ်ပါတယ်။
တိုကျိုမှာ ကြာသပတေးနေ့က ကိုရိုနာဗိုင်းရပ်စ် ကူးစက်ခံရသူအသစ် ၅,၀၄၂ ဦး အတည်ပြုခဲ့ကြောင်း တိုကျိုမြို့တော် အုပ်ချုပ်ရေးအဖွဲ့က ပြောပါတယ်။

Read More
သတင်း

တိုကျိုအားကစားပွဲတွေမှာ ပထမဆုံး အစုအပြုံလိုက် ကိုရိုနာဗိုင်းရပ်စ် ကူးစက်မှုတွေ့ရှိ

ဂရိနိုင်ငံက အားကစားသမားအဖွဲ့က အတော်များများမှာ ကိုရိုနာဗိုင်းရပ်စ်ပိုး တွေ့ရှိခဲ့ပြီးနောက် တိုကျိုအိုလံပစ် ပြိုင်ပွဲကျင်းပရေး အဖွဲ့တွေက အိုလံပစ်ပွဲမှာ ပထမဆုံး အစုလိုက်အပြုံလိုက် ရောဂါကူးစက်မှု ဖြစ်ခဲ့တယ်လို့ သိရကြောင်း ပြောပါတယ်။

Read More

မင်္ဂလာပါ

ဂျပန်တွင် လက်ရှိ နေထိုင်ကြတဲ့ ဂျပန်ရောက် မြန်မာများနဲ့ ဂျပန်လာရဖို့ ပြင်ဆင်နေသူများအတွက် ဂျပန်နဲ့ ပတ်သတ်တဲ့ ဗဟုသုတ နေထိုင်မူ အ တွေ့ အကြုံ များကို အစဉ်အမြဲ တင်ပေးသွားမှာဖြစ်တဲ့အတွက် MMKizuna Facebook page လေးကို like လုပ်ထားဖို့ မမေ့နဲ့နော်