ဂျပန်က ခရိုင် ၉ ခုမှာ ဆေးရုံခုတင်တွေ နေရာလွတ်မရှိတော့သလောက် ဖြစ်နေ

ဂျပန်က ခရိုင် ၄၇ခုအနက် ၉ခုမှာ ကိုရိုနာဗိုင်းရပ်စ် လူနာတွေကို ထားရှိကုသဖို့အတွက် ဆေးရုံမှာ ခုတင်တွေ နေရာလွတ် မရှိတော့သလောက် ဖြစ်နေတယ်လို့ NHK က သိရှိ ရပါတယ်။ NHK က ခရိုင်အုပ်ချုပ်ရေးအဖွဲ့တွေနဲ့ တခြားအဖွဲ့တွေကို သူတို့မှာရှိတဲ့ ဆေးရုံ ခုတင် အရေအတွက်နဲ့ အသုံးပြုထားတဲ့ ခုတင် အရေအတွက် တွေကို မေးမြန်းခဲ့ပါတယ်။

အခုအခါ ကိုရိုနာဗိုင်းရပ်စ် ကူးစက်ခံရတဲ့ လူနာတွေကို ထားရှိ ကုသ ဖို့အတွက် ပြင်ဆင်ထားတဲ့ ဆေးရုံခုတင် ၉၆၀၀ လောက် နိုင်ငံတစ်ဝန်းမှာ ရှိပါတယ်။ ဆေးရုံမှာ တင်ထားတဲ့ ရောဂါကူးစက်ခံရသူ စုစုပေါင်း အနည်ဆုံး ၅၀၀၀ ရှိနေပါတယ်။

ခရိုင် ၉ခုက သူတို့မှာ ရှိတဲ့ ဆေးရုံခုတင်တွေရဲ့ ၈၀ ရာခိုင်နှုန်းကျော်မှာ လူနာတွေ နဲ့ ပြည့်နေတယ်လို့ ဆိုပါတယ်။ အဲဒီ ခရိုင်တွေထဲမှာ ဗဟိုအစိုးရက အရေးပေါ်အခြေအနေ ကြေညာထားတဲ့ တိုကျို (Tokyo)၊ အိုစာကာ(Osaka)၊ ဟယောဂိုး (Hyogo) နဲ့ ဖုကုအိုက (Fukuoka) ခရိုင်တွေ ပါဝင်ပါတယ်။ ကျိုတို (Kyoto) နဲ့ အိုကီနာဝါ (Okinawa) ခရိုင်တွေ အပါအဝင် တခြား ခရိုင် ၅ခုမှာ အရေးပေါ်အခြေအနေ ကို မကြေညာထားပါဘူး။

ဆေးရုံမှာသုံးတဲ့ ပါးစပ်နဲ့ နှာခေါင်းစည်းတွေ၊ တခြား ကိုယ့်ကိုယ်ကိုယ် အကာအကွယ်ရှိအောင်လုပ်ဖို့ ပစ္စည်းကိရိယာတွေ ပြတ်လပ်သွားမှာနဲ့ ရောဂါလက္ခဏာ မပြင်းထန်တဲ့ လူနာတွေ အဆောက်အအုံကို ပြောင်းရွှေ့ရေး ကြီးကြပ်ပေးမယ့် ဆေးဘက်ဆိုင်ရာ ဝန်ထမ်းတွေ မလုံမလောက် ဖြစ်လာမှာကို ခရိုင်အုပ်ချုပ်ရေးအဖွဲ့ အရာရှိတွေက စိုးရိမ်နေကြပါတယ်။

ဆေးရုံကြီးတွေမှာ လူနာတွေ အလွန်အကျွံ များပြားလာမှာနဲ့ ဆေးရုံမှာ ရောဂါပိုးကူးစက်မှု ဖြစ်လာမယ့် အန္တရာယ်တွေအတွက်လည်း သူတို့က စိုးရိမ်နေကြပါတယ်။ ကမ္ဘာ့ကျန်းမာရေးနဲ့ ဆေးပညာဆိုင်ရာ နိုင်ငံ့စင်တာက ဆရာဝန် ခုဆုနာ့ စာ့တိုးရှိ (Kutsuna Satoshi) က ကိုရိုနာဗိုင်းရပ်စ် လူနာတွေကို လက်မခံတဲ့ ဆေးရုံတွေအနေနဲ့ ဒေသတွင်း ကျန်းမာရေးစနစ် လည်ပတ်မှု ဆက်လက် ထိန်းသိမ်းဖို့အတွက် ရောဂါကူးစက်ခံရသူတွေကို လက်ခံပြီး ပူးပေါင်းပါဝင်ဖို့ လိုအပ်တယ်လို့ ဆိုပါတယ်။

လူနာ အများအပြား မရှိသေးတဲ့ ဧရိယာတွေအနေနဲ့ လုပ်နိုင်ဆဲ အခြေအနေမှာ ဆေးရုံမှာ ခုတင်တွေ အလုံအလောက် ရှိနေအောင် ပြင်ဆင်ထားရှိဖို့ သူက တိုက်တွန်းလိုက်ပါတယ်။

SOURCE – Japan Today

Leave a Reply

Your email address will not be published. Required fields are marked *

သတင်း

ကိုရိုနာဗိုင်းရပ်စ် ကာကွယ်ဆေးဆိုင်ရာ သတင်းမှားတွေ

ဂျပန်နိုင်ငံရဲ့ ကူးစက်ရောဂါဆိုင်ရာဌာနက ကိုရိုနာဗိုင်းရပ်စ် ကာကွယ်ဆေးတွေနဲ့ ပတ်သက်တဲ့ သူ့ရဲ့ အစီရင်ခံစာကို မှားယွင်းတဲ့ပုံစံနဲ့ ကိုးကားပြီး အင်တာနက်မှာ တင်နေတာတွေအတွက် ပြင်းပြင်းထန်ထန် အပြစ်တင်ရှုံ့ချလိုက်ပါတယ်။

Read More
သတင်း

ဂျပန်မှာ တစ်နေ့တာ ကူးစက်မှု ၁၅,၀၀၀ ကျော်နဲ့ စံချိန်သစ်တင်တာကြောင့် ဗိုင်းရပ်စ်တားဆီးရေးဆောင်ရွက်ချက် နောက်ထပ် ခရိုင် ၈ ခုမှာ တိုးချဲ့သတ်မှတ်မယ်

ဂျပန်မှာ ပထမဦးဆုံး တစ်နေ့တာကူးစက်မှုအရေအတွက် ၁၅.၀၀၀ကျော်ခဲ့တာ ဖြစ်ပါတယ်။
တိုကျိုမှာ ကြာသပတေးနေ့က ကိုရိုနာဗိုင်းရပ်စ် ကူးစက်ခံရသူအသစ် ၅,၀၄၂ ဦး အတည်ပြုခဲ့ကြောင်း တိုကျိုမြို့တော် အုပ်ချုပ်ရေးအဖွဲ့က ပြောပါတယ်။

Read More
သတင်း

တိုကျိုအားကစားပွဲတွေမှာ ပထမဆုံး အစုအပြုံလိုက် ကိုရိုနာဗိုင်းရပ်စ် ကူးစက်မှုတွေ့ရှိ

ဂရိနိုင်ငံက အားကစားသမားအဖွဲ့က အတော်များများမှာ ကိုရိုနာဗိုင်းရပ်စ်ပိုး တွေ့ရှိခဲ့ပြီးနောက် တိုကျိုအိုလံပစ် ပြိုင်ပွဲကျင်းပရေး အဖွဲ့တွေက အိုလံပစ်ပွဲမှာ ပထမဆုံး အစုလိုက်အပြုံလိုက် ရောဂါကူးစက်မှု ဖြစ်ခဲ့တယ်လို့ သိရကြောင်း ပြောပါတယ်။

Read More

မင်္ဂလာပါ

ဂျပန်တွင် လက်ရှိ နေထိုင်ကြတဲ့ ဂျပန်ရောက် မြန်မာများနဲ့ ဂျပန်လာရဖို့ ပြင်ဆင်နေသူများအတွက် ဂျပန်နဲ့ ပတ်သတ်တဲ့ ဗဟုသုတ နေထိုင်မူ အ တွေ့ အကြုံ များကို အစဉ်အမြဲ တင်ပေးသွားမှာဖြစ်တဲ့အတွက် MMKizuna Facebook page လေးကို like လုပ်ထားဖို့ မမေ့နဲ့နော်