နိုင်ငံတွင်း ပြန်လည်ဝင်ရောက်ခွင့် တားမြစ်ချက်နဲ့ ပတ်သက်တဲ့ ခြွင်းချက်တွေကို ဂျပန်ဝန်ကြီးဌာနက ရှင်းလင်းဖော်ပြ

June 7, 2020 at 11:30 AM

လူသားချင်းစာနာထောက်ထားမှုကို ထည့်သွင်းစဉ်းစားဖို့ လိုအပ်တဲ့ အခြေအနေတွေမှာ နိုင်ငံခြားသားတွေအပေါ် ဂျပန်နိုင်ငံတွင်း ပြန်လည်၀င်ရောက်ခွင့် တားမြစ်ချက်ကို ဖြေလျှော့ပေးဖို့ ဂျပန်တရားရေး ၀န်ကြီးဌာနက ဆုံးဖြတ်ခဲ့ပါတယ်။
ဂျပန်နိုင်ငံမှာ နေထိုင်တဲ့ နိုင်ငံခြားသားတချို့ဟာ နိုင်ငံတွင်း ပြန်လည်ဝင်ရောက်မှုကို ငြင်းပယ်ခံရမှာ စိုးရိမ်တဲ့ အတွက် ဆွေမျိုးသားချင်းတွေရဲ့ အသုဘအခမ်းအနား တက်ရောက်ရမယ့် အနေအထားမှာတောင် ဂျပန်ကနေ ထွက်ခွာဖို့ ဝန်လေး နေကြပါတယ်။
အစိုးရအနေနဲ့ လူသားချင်းစာနာမှုဆိုင်ရာ အကြောင်းပြချက်တွေနဲ့ တချို့အခြေအနေတွေမှာ ပြည်၀င်ခွင့်ပိတ်ပင်မှုကို ဖြေလျှော့ပေးဖို့ စဉ်းစားမယ်လို့ နိုင်ငံခြားရေးဝန်ကြီး Motegi Toshimitsu က ပြီးခဲ့တဲ့လက ကြေညာခဲ့ပါတယ်။
အဲဒီလို ခြွင်းချက်တွေကို တရားရေး ၀န်ကြီး ဌာနရဲ့ ၀က်ဘ်ဆိုက်မှာ ဗုဒ္ဓဟူးနေ့က တင်ခဲ့ပါတယ်။
ဂျပန်မှာနေတဲ့ နိုင်ငံခြားသားရဲ့ ဂျပန် ပြင်ပက ဆွေမျိုးသားချင်းတွေ ကွယ်လွန်တာ၊ ရောဂါအခြေအနေ အလွန်ဆိုးရွားနေတာ စတဲ့ အနေအထား၊ ဒါမှမဟုတ် ဂျပန်မှာနေတဲ့ နိုင်ငံခြားသားက နိုင်ငံခြားမှာ ခွဲစိတ်ကုသမှု ခံယူပြီးနောက် နောက်ဆက်တွဲ စမ်းသပ်စစ်ဆေးမှုတွေ လိုအပ်လို့ နိုင်ငံခြားကိုပြန်ထွက်ရတဲ့အခါတွေမှာ ဂျပန်နိုင်ငံထဲ ပြန်လည် ၀င်ရောက်ခွင့်ပြုမှာ ဖြစ်တယ်လို့ လူဝင်မှုကြီးကြပ်ရေး ၀န်ဆောင်မှုအေဂျင်စီက တာဝန်ရှိသူတွေက ဆိုပါတယ်။
SOURCE – NHK