ဂျပန် ထိပ်တန်း စုံစမ်းစစ်ဆေးရေး အရာရှိရဲ့ လောင်းကစား ပြုလုပ်မှုနဲ့ ပတ်သက်ပြီး ဂျပန် တရားရေးဝန်ကြီး တောင်းပန်

အရေးပေါ် အခြေအနေ ထုတ်ပြန်ထားတဲ့ ကာလအတွင်း လောင်းကြေးထပ်ပြီး မာဂျောင် ကစားခဲ့တယ်လို့ ဝန်ခံခဲ့တဲ့ ဂျပန် ထိပ်တန်း စုံစမ်းစစ်ဆေးရေးအရာရှိတစ်ဦးရဲ့ အပြုအမူနဲ့ ပတ်သက်ပြီး ဂျပန် တရားရေးဝန်ကြီး Mori Masako က တောင်းပန်ခဲ့ပါတယ်။ တိုကျို အထက်တန်းပြည်သူ့စုံစမ်းစစ်ဆေးရေးအရာရှိရုံးရဲ့ အကြီးအကဲ Kurokawa Hiromu ရဲ့ အပြုအမူဟာ အင်မတန်မှ လျော်ကန်မှု မရှိဘူးဆိုတာနဲ့ ဒီကိစ္စနဲ့ ပတ်သက်ပြီး သူ့အနေနဲ့ အင်မတန် စိတ်မကောင်းဖြစ်တယ်လို့ Mori Masako က သတင်းထောက်တွေကို သောကြာနေ့က ပြောကြားခဲ့ပါတယ်။
ဂျပန်အစိုးရဟာ မစ္စတာ Kurokawa ရဲ့ နုတ်ထွက်မှုကို တရားဝင်ခွင့်ပြုလိုက် ပြီ ဖြစ်ပါတယ်။ တိုကျိုက သတင်းထောက်တစ်ယောက်ရဲ့ တိုက်ခန်းမှာ မေလ ၁ ရက်နေ့နဲ့ ၁၃ရက်နေ့တွေမှာ လောင်းကစား ပြုလုပ်ခဲ့တယ်လို့ ဝန်ခံပြီးတဲ့နောက် မစ္စတာ Kurokawa ဟာ ကြာသပတေးနေ့မှာ နုတ်ထွက်စာ တင်ခဲ့ပါတယ်။
ပြည်သူတွေကို ဒေါသထွက်မှုနဲ့ စိုးရိမ်မှုတွေ ဖြစ်စေခဲ့တဲ့အတွက်ကြောင့် ဆိုတာနဲ့ စုံစမ်းစစ်ဆေးရေးဆိုင်ရာစနစ်နဲ့ အုပ်ချုပ်ရေးအပေါ် ပြည်သူလူထုရဲ့ ယုံကြည်မှုကို ထိပါးစေခဲ့တဲ့အတွက် တရားရေးဝန်ကြီး တာဝန်ကို ထမ်းဆောင်နေသူအနေနဲ့ စိတ်မကောင်းဖြစ်ရကြောင်း Mori Masako က ပြောခဲ့ပါတယ်။
Mori Masako ဟာ အင်မတန် ကြမ်းတမ်းတဲ့ ခရီးလမ်းကိုသာ ရှေ့လျှောက် မြင်ကြောင်း ဆိုပါတယ်။ ဒါပေမဲ့ ကိုရိုနာဗိုင်းရပ်စ် ကူးစက်ပြန့်ပွားနေတဲ့ ကြားမှာပဲ တာဝန်တွေကို ဆက်လက်ထမ်းဆောင်မယ်ဆိုတာနဲ့ စုံစမ်းစစ်ဆေး‌ရေးအရာရှိရုံး ပြုပြင်ပြောင်းလဲရေးအတွက် သူ့ရဲ့ ဆုံးဖြတ်ချက်ကို Mori Masako က ထုတ်ဖော်ပြောဆိုခဲ့ပါတယ်။ SOURCE – NHK

Leave a Reply

Your email address will not be published. Required fields are marked *

သတင်း

ကိုရိုနာဗိုင်းရပ်စ် ကာကွယ်ဆေးဆိုင်ရာ သတင်းမှားတွေ

ဂျပန်နိုင်ငံရဲ့ ကူးစက်ရောဂါဆိုင်ရာဌာနက ကိုရိုနာဗိုင်းရပ်စ် ကာကွယ်ဆေးတွေနဲ့ ပတ်သက်တဲ့ သူ့ရဲ့ အစီရင်ခံစာကို မှားယွင်းတဲ့ပုံစံနဲ့ ကိုးကားပြီး အင်တာနက်မှာ တင်နေတာတွေအတွက် ပြင်းပြင်းထန်ထန် အပြစ်တင်ရှုံ့ချလိုက်ပါတယ်။

Read More
သတင်း

ဂျပန်မှာ တစ်နေ့တာ ကူးစက်မှု ၁၅,၀၀၀ ကျော်နဲ့ စံချိန်သစ်တင်တာကြောင့် ဗိုင်းရပ်စ်တားဆီးရေးဆောင်ရွက်ချက် နောက်ထပ် ခရိုင် ၈ ခုမှာ တိုးချဲ့သတ်မှတ်မယ်

ဂျပန်မှာ ပထမဦးဆုံး တစ်နေ့တာကူးစက်မှုအရေအတွက် ၁၅.၀၀၀ကျော်ခဲ့တာ ဖြစ်ပါတယ်။
တိုကျိုမှာ ကြာသပတေးနေ့က ကိုရိုနာဗိုင်းရပ်စ် ကူးစက်ခံရသူအသစ် ၅,၀၄၂ ဦး အတည်ပြုခဲ့ကြောင်း တိုကျိုမြို့တော် အုပ်ချုပ်ရေးအဖွဲ့က ပြောပါတယ်။

Read More
သတင်း

တိုကျိုအားကစားပွဲတွေမှာ ပထမဆုံး အစုအပြုံလိုက် ကိုရိုနာဗိုင်းရပ်စ် ကူးစက်မှုတွေ့ရှိ

ဂရိနိုင်ငံက အားကစားသမားအဖွဲ့က အတော်များများမှာ ကိုရိုနာဗိုင်းရပ်စ်ပိုး တွေ့ရှိခဲ့ပြီးနောက် တိုကျိုအိုလံပစ် ပြိုင်ပွဲကျင်းပရေး အဖွဲ့တွေက အိုလံပစ်ပွဲမှာ ပထမဆုံး အစုလိုက်အပြုံလိုက် ရောဂါကူးစက်မှု ဖြစ်ခဲ့တယ်လို့ သိရကြောင်း ပြောပါတယ်။

Read More

မင်္ဂလာပါ

ဂျပန်တွင် လက်ရှိ နေထိုင်ကြတဲ့ ဂျပန်ရောက် မြန်မာများနဲ့ ဂျပန်လာရဖို့ ပြင်ဆင်နေသူများအတွက် ဂျပန်နဲ့ ပတ်သတ်တဲ့ ဗဟုသုတ နေထိုင်မူ အ တွေ့ အကြုံ များကို အစဉ်အမြဲ တင်ပေးသွားမှာဖြစ်တဲ့အတွက် MMKizuna Facebook page လေးကို like လုပ်ထားဖို့ မမေ့နဲ့နော်