ဂျပန် အနောက်ပိုင်းနဲ့ အရှေ့ပိုင်းတွေမှာ မိုးသည်းထန်မှုကြောင့် မြေပြိုမှု အန္တရာယ် မြင့်တက်နေ

ဂျပန် အနောက်ပိုင်းနဲ့ အရှေ့ပိုင်းဒေသတွေမှာ မိုးသည်းထန်မှုကြောင့် မြေပြိုမှုနဲ့ ရေလွှမ်းမိုးမှုတွေအတွက် အန္တရာယ်တွေ မြင့်တက်နေပါတယ်။မိုးသည်းထန်စွာရွာသွန်းမှု ကြောင့် Chugoku ဒေသ Shimane ခရိုင်ရှိ မြစ်တစ်စင်း စိုးရိမ်ရေအမှတ်ထက် ကျော်က ရေကြီးမှုဖြစ်ပွားခဲ့ပါတယ်။ ဂျပန်ကျွန်းစုတစ်ဝိုက်မှာ ဖြစ်တည်နေသော မိုးရွာသွန်းစေတဲ့ ရာသီအလိုက် လေဖိအားလမ်းကြောင်းဆီကို နွေးထွေးစိုထိုင်းတဲ့ လေတွေက ဦးတည် တိုက်ခတ် ဝင်ရောက်လျက်ရှိတာကြောင့် လေထုအနေအထား မတည်မငြိမ် ဖြစ်နေပါတယ်လို့ မိုးလေဝသ အေဂျင်စီက ဆိုပါတယ်။
Hiroshima ခရိုင် အပါအဝင် Chugoku ဒေသက နေရာတွေမှာ လွန်ခဲ့တဲ့ ၂၄နာရီအတွင်း မိုးရေချိန် ၂၀၀ မီလီမီတာ နီးပါး ရွာသွန်းခဲ့ပါတယ်။ အဲဒီမိုးရွာသွန်းမှုကြောင့် ရှီမာနဲ ခရိုင်မှာရှိတဲ့ Go-no-kawa မြစ်ရဲ့ အောက်ပိုင်းဧရိယာမှာ ရေလွှမ်းမိုးမှု ဖြစ်ခဲ့ပါတယ်။
Shimane၊ Yamaguchi နဲ့ Hiroshima ခရိုင်တွေက မြစ်တချို့ ရေလျှံမယ့် အန္တရာယ် ရှိနေပါတယ်။ Shizuoka ခရိုင်တွေမှာ မြေပြိုမှု အန္တရာယ် တိုးလာနေပါတယ်။လေဖိအားနည်းရပ်ဝန်းတစ်ခုဟာ အရှေ့ဘက်ကိုဦးတည် ရွေ့လျားလာပြီး ဂျပန်ပင်လယ်သို့ ရောက်လာလိမ့်မယ်လို့ ခန့်မှန်းထားပြီး ဂျပန် အနောက်ပိုင်းနဲ့ အရှေ့ပိုင်း ဒေသတွေမှာ မိုးထစ်ချုန်း ရွာပြီး သည်းထန်နိုင်ပါတယ်။


ဇူလိုင်လ ၁၅ ရက်နေ့ မနက်ပိုင်းအထိ ၂၄ နာရီအတွင်း Tokai နဲ့ Shikoku ဒေသတွေမှာ မိုးရေချိန် ၂၀၀ မီလီမီတာ အထိ၊ Kansai ဒေသမှာ ၁၅၀ မီလီမီတာ၊ Kanto Koshin ဒေသမှာ ၁၂၀ မီလီမီတာ၊ Kyushu နဲ့ Hokuriku ဒေသတွေမှာ ၁၀၀ မီလီမီတာနဲ့ Tohoku ဒေသမှာ ၈၀ မီလီမီတာ အထိ ရွာသွန်းမယ်လို့ ခန့်မှန်းထားပါတယ်။ မိုးကြိုးပစ်ခြင်းနဲ့ လေပြင်းတိုက်ခတ်မှုတွေသာမက မြေပြိုမှု၊ မြစ်ရေလျှံမှုနဲ့ မြေနိမ့်ပိုင်းဧရိယာတွေမှာ ရေလွှမ်းမိုးမှုတွေအတွက် မိုးလေဝသ အေဂျင်စီ အရာရှိတွေက သတိပေးနေပါတယ်။
SOURCE – Japan Today

Leave a Reply

Your email address will not be published. Required fields are marked *

သတင်း

ကိုရိုနာဗိုင်းရပ်စ် ကာကွယ်ဆေးဆိုင်ရာ သတင်းမှားတွေ

ဂျပန်နိုင်ငံရဲ့ ကူးစက်ရောဂါဆိုင်ရာဌာနက ကိုရိုနာဗိုင်းရပ်စ် ကာကွယ်ဆေးတွေနဲ့ ပတ်သက်တဲ့ သူ့ရဲ့ အစီရင်ခံစာကို မှားယွင်းတဲ့ပုံစံနဲ့ ကိုးကားပြီး အင်တာနက်မှာ တင်နေတာတွေအတွက် ပြင်းပြင်းထန်ထန် အပြစ်တင်ရှုံ့ချလိုက်ပါတယ်။

Read More
သတင်း

ဂျပန်မှာ တစ်နေ့တာ ကူးစက်မှု ၁၅,၀၀၀ ကျော်နဲ့ စံချိန်သစ်တင်တာကြောင့် ဗိုင်းရပ်စ်တားဆီးရေးဆောင်ရွက်ချက် နောက်ထပ် ခရိုင် ၈ ခုမှာ တိုးချဲ့သတ်မှတ်မယ်

ဂျပန်မှာ ပထမဦးဆုံး တစ်နေ့တာကူးစက်မှုအရေအတွက် ၁၅.၀၀၀ကျော်ခဲ့တာ ဖြစ်ပါတယ်။
တိုကျိုမှာ ကြာသပတေးနေ့က ကိုရိုနာဗိုင်းရပ်စ် ကူးစက်ခံရသူအသစ် ၅,၀၄၂ ဦး အတည်ပြုခဲ့ကြောင်း တိုကျိုမြို့တော် အုပ်ချုပ်ရေးအဖွဲ့က ပြောပါတယ်။

Read More
သတင်း

တိုကျိုအားကစားပွဲတွေမှာ ပထမဆုံး အစုအပြုံလိုက် ကိုရိုနာဗိုင်းရပ်စ် ကူးစက်မှုတွေ့ရှိ

ဂရိနိုင်ငံက အားကစားသမားအဖွဲ့က အတော်များများမှာ ကိုရိုနာဗိုင်းရပ်စ်ပိုး တွေ့ရှိခဲ့ပြီးနောက် တိုကျိုအိုလံပစ် ပြိုင်ပွဲကျင်းပရေး အဖွဲ့တွေက အိုလံပစ်ပွဲမှာ ပထမဆုံး အစုလိုက်အပြုံလိုက် ရောဂါကူးစက်မှု ဖြစ်ခဲ့တယ်လို့ သိရကြောင်း ပြောပါတယ်။

Read More

မင်္ဂလာပါ

ဂျပန်တွင် လက်ရှိ နေထိုင်ကြတဲ့ ဂျပန်ရောက် မြန်မာများနဲ့ ဂျပန်လာရဖို့ ပြင်ဆင်နေသူများအတွက် ဂျပန်နဲ့ ပတ်သတ်တဲ့ ဗဟုသုတ နေထိုင်မူ အ တွေ့ အကြုံ များကို အစဉ်အမြဲ တင်ပေးသွားမှာဖြစ်တဲ့အတွက် MMKizuna Facebook page လေးကို like လုပ်ထားဖို့ မမေ့နဲ့နော်