Kawasaki ရောဂါနဲ့ ပတ်သက်ပြီး WHO သတိပေး

May 18, 2020 at 5:08 PM

ကိုရိုနာဗိုင်းရပ်စ် အမျိုးအစားအသစ်နဲ့ ဆက်နွယ်မှုရှိနိုင်တဲ့ ကလေးတွေမှာ ဖြစ်ပွားတဲ့ ရှားရှားပါးပါး သွေးကြောရောင်ရမ်းတဲ့ ရောဂါလက္ခဏာစုနဲ့ပတ်သက်ပြီး ဆရာဝန်တွေ သတိထားကြဖို့ ကမ္ဘာ့ကျန်းမာရေးအဖွဲ့ (WHO) က တိုက်တွန်းနေပါတယ်။

သွေးကြောရောင်ရမ်းတာအပါအဝင် ကာဝါစကီ (Kawasaki) ရောဂါရဲ့ လက္ခဏာတွေနဲ့ ဆင်တူတဲ့ လက္ခဏာတွေကို ကလေးတွေမှာ တွေ့ရှိရကြောင်း အစီရင်ခံချက်တွေ အမေရိကန်နဲ့ ဥရောပက နိုင်ငံတွေမှာ များလာနေပါတယ်။
ကနဦး အစီရင်ခံချက်တွေမှာ COVID-19 ရောဂါနဲ့ ဆက်စပ်မှုရှိတယ်လို့ တွက်ဆထားကြောင်း WHO ညွှန်ကြားရေးမှူးချုပ် တက်ဒရို့စ် အဒ်ဟမ်နွန် ဂေဘရီရက်စူစ် (Tedros Adhanom Ghebreyesus) က သောကြာနေ့က ဂျီနီဗာမြို့မှာ သတင်းထောက်တွေကို ပြောကြားခဲ့ပါတယ်။
နားလည်မှုတွေ ပိုမိုရရှိဖို့အတွက် WHO နဲ့ လက်တွဲပြီး ဆောင်ရွက်သွားကြဖို့ ကမ္ဘာတစ်ဝန်းက ဆရာဝန်တွေကို မစ္စတာ တက်ဒရို့စ် က တိုက်တွန်းထားပါတယ်။ SOURCE – Japan Today