ဝန်ကြီးချုပ်Abeရဲ့ဆက်ခံသူအဖြစ် မစ္စတာ Sugaကို LDPပါတီဝင် တစ်ချို့လိုလား

LDP ရဲ့ မူဝါဒ သုတေသနကောင်စီ ဥက္ကဋ္ဌ Kishida Fumio၊ LDP အထွေထွေအတွင်းရေးမှူးဟောင်း Ishiba Shigeruနဲ့ ပြည်ထဲရေးဝန်ကြီးဟောင်း Noda Seiko တို့က လာမယ့်ခေါင်းဆောင်ရာထူးရဖို့ ဆန္ဒပြင်းပြကြောင်း ထုတ်ဖော်ပြခဲ့ပြီးဖြစ်ပါတယ်။
SUGA ကတော့ သူ့အနေနဲ့ ပြည်သူတွေရဲ့ ဘဝနဲ့ အသက် အိုးအိမ်စည်းစိမ်တွေကို ကာကွယ်စောင့်ရှောက်ဖို့ သူ့ရဲ့ တာဝန် တွေကို အစွမ်းကုန် ထမ်းဆောင်သွားမယ်လို့ အင်တာနက်ပေါ်က သူရဲ့ ဘလော့ဂ်စာမျက်နှာမှာ စနေနေ့က ရေးသားခဲ့ပါတယ်။
ကိုရိုနာဗိုင်းရပ်စ် ကပ်ဘေးကို ကိုင်တွယ်တုံ့ပြန် ဆောင်ရွက် တာအပါအဝင် ဝန်ကြီးချုပ်အာဘဲ ရဲ့ မူဝါဒတွေကို ဆက်လက်အကောင်ထည်ဖော် လုပ်ဆောင်သွားနိုင်ဖို့အတွက် သူ့ကို မစ္စတာ အာဘဲ ရဲ့ ဆက်ခံသူအဖြစ် LDPပါတီတွင်းမှာ လိုလားသူတွေ များလာနေပါတယ်။
လွှတ်တော် ၂ရပ်စလုံးက LDP ပါတီဝင်အမတ်တွေ အားလုံးပါဝင်တဲ့ ပါတီ အထွေထွေညီလာခံကို စက်တင်ဘာလ ၁၃ ကနေ ၁၅ ရက်နေ့ လောက် ဝန်းကျင်မှာ ကျင်းပဖို့ ပါတီ အထွေထွေအတွင်းရေးမှူး Nikai Toshihiro နဲ့ လွှတ်တော်ရေးရာကော်မတီ ဥက္ကဋ္ဌ Moriyama Hiroshi တို့ က သဘောတူညီခဲ့ကြပြီးဖြစ်ပါတယ်။
သူတို့နှစ်ဦး စနေနေ့ ညနေက တွေ့ဆုံပြီး မစ္စတာ အာဘဲ ရဲ့ ရာထူးဆက်ခံသူကို ရွေးချယ်မယ့်နည်းလမ်းနဲ့ အချိန်ကာလတွေကို ဆွေးနွေးခဲ့ပါတယ်။
ပုံမှန်အခြေအနေမှာဆိုရင် LDP လွှတ်တော်အမတ်အားလုံးနဲ့ နိုင်ငံတစ်ဝန်းက ပါတီဝင်တွေက ပါတီဥက္ကဋ္ဌကို ဆန္ဒမဲပေးရွေးချယ်လေ့ရှိပါတယ်။
ဒါပေမဲ့ နိုင်ငံရေးလေဟာနယ်တစ်ခု ခံသွားမှာကို ရှောင်ရှားနိုင်ဖို့ အခုတစ်ကြိမ်မှာတော့ ပိုမိုမြန်ဆန်တဲ့ နည်းလမ်းနဲ့ လုပ်ဆောင်ဖို့ သူတို့ သဘောတူခဲ့ကြပါတယ်။ ဒါကြောင့် LDP လွှတ်တော်အမတ်တွေနဲ့ ပါတီရဲ့ ခရိုင်အသီးသီးကို ကိုယ်စားပြုတဲ့ ကိုယ်စားလှယ်တွေဆီကသာလျှင် အခုတစ်ခေါက် ဆန္ဒမဲတွေ ရယူဖို့ တောင်းဆိုမယ်လို့ သိရပါတယ်။
LDP ပါတီတွင်း အုပ်စုတွေကတော့ အခုအချိန်အထိ ပါတီဥက္ကဋ္ဌလောင်းအဖြစ် ဘယ်သူ့ကိုထောက်ခံမယ် ဆိုတာမျိုး အတိအလင်း ပြောကြားတာတွေမရှိပဲ တစ်ဦးနဲ့ တစ်ဦး နီးနီးကပ်ကပ် စောင့်ကြည့် လေ့လာနေကြပါတယ်။
အာဏာရ LDPပါတီရဲ့ ခေါင်းဆောင်သစ် ရွေးကောက်ပွဲမှာ ဝင်ရောက်အရွေးခံဖို့ ဆန္ဒရှိသူတွေအနေနဲ့ ပါတီက အဲဒီရွေးကောက်ပွဲကို ဘယ်တော့ ဘယ်လိုလုပ်မယ်ဆိုတဲ့ကိစ္စ ဆုံးဖြတ်မယ့် အင်္ဂါနေ့ နောက်ပိုင်းမှာ စည်းရုံးရေးလှုပ်ရှားမှုတွေ စတင်နိုင်မှာ ဖြစ်ပါတယ်။

SOURCE – Japan Today

Leave a Reply

Your email address will not be published. Required fields are marked *

သတင်း

ကိုရိုနာဗိုင်းရပ်စ် ကာကွယ်ဆေးဆိုင်ရာ သတင်းမှားတွေ

ဂျပန်နိုင်ငံရဲ့ ကူးစက်ရောဂါဆိုင်ရာဌာနက ကိုရိုနာဗိုင်းရပ်စ် ကာကွယ်ဆေးတွေနဲ့ ပတ်သက်တဲ့ သူ့ရဲ့ အစီရင်ခံစာကို မှားယွင်းတဲ့ပုံစံနဲ့ ကိုးကားပြီး အင်တာနက်မှာ တင်နေတာတွေအတွက် ပြင်းပြင်းထန်ထန် အပြစ်တင်ရှုံ့ချလိုက်ပါတယ်။

Read More
သတင်း

ဂျပန်မှာ တစ်နေ့တာ ကူးစက်မှု ၁၅,၀၀၀ ကျော်နဲ့ စံချိန်သစ်တင်တာကြောင့် ဗိုင်းရပ်စ်တားဆီးရေးဆောင်ရွက်ချက် နောက်ထပ် ခရိုင် ၈ ခုမှာ တိုးချဲ့သတ်မှတ်မယ်

ဂျပန်မှာ ပထမဦးဆုံး တစ်နေ့တာကူးစက်မှုအရေအတွက် ၁၅.၀၀၀ကျော်ခဲ့တာ ဖြစ်ပါတယ်။
တိုကျိုမှာ ကြာသပတေးနေ့က ကိုရိုနာဗိုင်းရပ်စ် ကူးစက်ခံရသူအသစ် ၅,၀၄၂ ဦး အတည်ပြုခဲ့ကြောင်း တိုကျိုမြို့တော် အုပ်ချုပ်ရေးအဖွဲ့က ပြောပါတယ်။

Read More
သတင်း

တိုကျိုအားကစားပွဲတွေမှာ ပထမဆုံး အစုအပြုံလိုက် ကိုရိုနာဗိုင်းရပ်စ် ကူးစက်မှုတွေ့ရှိ

ဂရိနိုင်ငံက အားကစားသမားအဖွဲ့က အတော်များများမှာ ကိုရိုနာဗိုင်းရပ်စ်ပိုး တွေ့ရှိခဲ့ပြီးနောက် တိုကျိုအိုလံပစ် ပြိုင်ပွဲကျင်းပရေး အဖွဲ့တွေက အိုလံပစ်ပွဲမှာ ပထမဆုံး အစုလိုက်အပြုံလိုက် ရောဂါကူးစက်မှု ဖြစ်ခဲ့တယ်လို့ သိရကြောင်း ပြောပါတယ်။

Read More

မင်္ဂလာပါ

ဂျပန်တွင် လက်ရှိ နေထိုင်ကြတဲ့ ဂျပန်ရောက် မြန်မာများနဲ့ ဂျပန်လာရဖို့ ပြင်ဆင်နေသူများအတွက် ဂျပန်နဲ့ ပတ်သတ်တဲ့ ဗဟုသုတ နေထိုင်မူ အ တွေ့ အကြုံ များကို အစဉ်အမြဲ တင်ပေးသွားမှာဖြစ်တဲ့အတွက် MMKizuna Facebook page လေးကို like လုပ်ထားဖို့ မမေ့နဲ့နော်