အသုံးစရိတ် အမျိုးမျိုး လျှော့ချရေး အိုလံပစ် ကော်မတီ စီစဉ်

May 16, 2020 at 4:41 PM

တိုကျို အိုလံပစ်နဲ့ ပါရာလင်းပစ် စီစဉ်ရေး ကော်မတီက နယ်ပယ်ပေါင်း ၁၀၀ ကျော် အတွက် အသုံးစရိတ် ဖြတ်တောက်ဖို့ စတင် စဉ်းစားနေပြီဖြစ်ကြောင်း သိရှိရပါတယ်။

၂၀၂၁ ခုနှစ် နွေရာသီအထိ ဒီအားကစားပွဲတွေကို ၁ နှစ် ရွှေ့ဆိုင်းလိုက်တာကြောင့် ဒေါ်လာ ဘီလီယံများစွာ ထပ်ဆောင်း ကုန်ကျနိုင်တယ် လို့ ခန့်မှန်းချက်တချို့မှာ ပြသနေပါတယ်။
အားကစားသမားတွေ ထားရှိတဲ့ အားကစားသမားရွာအတွက် စီစဉ်ထားတဲ့ နေ့စဉ် ကျွေးမွေးစရိတ်တွေလည်း စစ်ဆေးသွားမယ့် ကိစ္စရပ်တွေထဲမှာ ပါဝင်ပါတယ်။
ဖွင့်ပွဲနဲ့ ပိတ်ပွဲအခမ်းအနားတွေရဲ့ ပမာဏ၊ နိုင်ငံတကာ အိုလံစ်ကော်မတီနဲ့ အားကစား အဖွဲ့အစည်းတွေက တာဝန်ရှိသူတွေအတွက် ကုန်ကျစရိတ်နဲ့ ပွဲကြည့်ပရိသတ် ထိုင်ခုံအရေအတွက် နဲ့ အားကစားပွဲ ပြုလုပ်မယ့်နေရာ ပတ်လည်မှာ ကျင်းပမယ့် တခြား ပွဲတော်တွေကိုလည်း ပြန်လည် သုံးသပ်သွားမယ်လို့ မျှော်လင့်ရပါတယ်။
အိုလံပစ် မီးရှူးတိုင် လက်ဆင့်ကမ်းသယ်ယူတဲ့အချိန် တိုတောင်း သွားနိုင်ပေမယ့် တာဝန်ရှိသူတွေအနေနဲ့ ရွေးချယ်ပြီးဖြစ်တဲ့ အပြေးသမားတွေ ပါဝင်ဆောင်ရွက်ရေးသေချာစေဖို့ ကြိုးစားလိမ့်မယ်လို့ သတင်းရပ်ကွက် တွေက ဆိုပါတယ်။
နောက်ဆက်တွဲ ကုန်ကျစရိတ်တွေအတွက် ပြည်သူလူထုနဲ့ ကုန်ကျစရိတ် ထောက်ပံ့ပေးမယ့်သူတွေရဲ့ နားလည်မှု ရရှိနိုင်အောင် ဒီအချက်တွေအားလုံးကို ပြန်သုံးသပ်ဖို့ လိုအပ်လိမ့်မယ် လို့လည်း သတင်းရပ်ကွက်တွေက ဆိုပါတယ်။ SOURCE – Japan Today

Tags: