ပြန်ဖွင့်လှစ်ရေး လုပ်ငန်းစဉ် အဆင့်၂ကို တိုးမြှင့် ခဲ့တဲ့ Tokyo

နေ့စဉ် ကိုရိုနာဗိုင်းရပ်စ် ကူးစက်မှုအသစ်အရေအတွက်ဟာ အမြင့်ဆုံး အခြေအနေကနေ ကျဆင်းလာနေတာကြောင့် တိုကျိုမြို့တော် အုပ်ချုပ်ရေးအဖွဲ့က စီးပွားရေးလုပ်ငန်းတွေအပေါ် ကန့်သတ် တားမြစ်မှုတွေကို နောက်ထပ် ဖြေလျှော့ပေးခဲ့ပါတယ်။

Tokyo မှာ ပြန်လည်ဖွင့်လှစ်ရေး လုပ်ငန်းစဉ် အဆင့်၂ကိုဇွန်လ ၁ရက် နေ့က စတင်ခဲ့ပါတယ်။ ဒီအဆင့်မှာ ကျူရှင်တွေ၊ ဇာတ်ရုံတွေ၊ အားကစားရုံ တွေ နဲ့ ကုန်တိုက်တွေအပါအဝင် လက်လီ အရောင်းဆိုင်တွေ ဖွင့်ခွင့်ရမှာ ဖြစ်ပါတယ်။
မေလ ၃၁ ရက်နေ့က Tokyo မှာ ရောဂါပိုးကူးစက်ခံရမှုအသစ် ၅ ဦး အတည်ပြုခဲ့ပါတယ်။ ဒါဟာ ၆ရက်အတွင်း ရောဂါကူးစက်ခံရမှု အသစ် ဆယ်ဂဏန်း အောက်ရောက်ခဲ့တာ ပထမဆုံးပဲ ဖြစ်ပါတယ်။
Tokyo အုပ်ချုပ်ရေးအဖွဲ့က ရောဂါပိုး ကူးစက်ပြန့်ပွားမှု အတိုင်းအတာကို တွက်ချက်ပြီး ကန့်သတ်တားမြစ်မှုတွေကို သီတင်းပတ်၂ပတ်ခြားပြီး အဆင့်လိုက် ဖြေလျှော့သွားဖို့ စီစဉ်ထားပါတယ်။ ရောဂါပိုးကူးစက်ခံရမှုအရေအတွက် ဆက်ပြီး ကျဆင်းနေမယ်ဆိုရင် စီစဉ်ထားတာထက်စောပြီး နောက်တစ်ဆင့်ကို သွားနိုင်ဖွယ်ရှိပါတယ်။
ရောဂါပိုးကူးစက်ပြန့်ပွားမှုတွေ ပြန်များလာမယ်ဆိုရင်တော့ “ Tokyo alert” လို့ခေါ်တဲ့ ပြည်သူတွေ အနေနဲ့ သတိဝီရိယရှိရှိနဲ့ ဂရုပြုနေထိုင်သွားဖို့ တိုက်တွန်းတဲ့ သတိပေးချက်ကို ထုတ်ပြန်သွားဖို့လည်း အရာရှိတွေက စီစဉ်နေပါတယ်။
ကာရာအိုကေခန်းမတွေ နဲ့ ဘားတွေ ပြန်လည်ဖွင့်လှစ်ခွင့်ပြုမယ့် အဆင့်၃ကို သွားဖို့ မဆုံးဖြတ်ခင် သူတို့တွေက အခြေအနေတွေကို အသေးစိတ် စောင့်ကြည့်နေပါတယ်။
SOURCE – Japan Times

Leave a Reply

Your email address will not be published. Required fields are marked *

သတင်း

ကိုရိုနာဗိုင်းရပ်စ် ကာကွယ်ဆေးဆိုင်ရာ သတင်းမှားတွေ

ဂျပန်နိုင်ငံရဲ့ ကူးစက်ရောဂါဆိုင်ရာဌာနက ကိုရိုနာဗိုင်းရပ်စ် ကာကွယ်ဆေးတွေနဲ့ ပတ်သက်တဲ့ သူ့ရဲ့ အစီရင်ခံစာကို မှားယွင်းတဲ့ပုံစံနဲ့ ကိုးကားပြီး အင်တာနက်မှာ တင်နေတာတွေအတွက် ပြင်းပြင်းထန်ထန် အပြစ်တင်ရှုံ့ချလိုက်ပါတယ်။

Read More
သတင်း

ဂျပန်မှာ တစ်နေ့တာ ကူးစက်မှု ၁၅,၀၀၀ ကျော်နဲ့ စံချိန်သစ်တင်တာကြောင့် ဗိုင်းရပ်စ်တားဆီးရေးဆောင်ရွက်ချက် နောက်ထပ် ခရိုင် ၈ ခုမှာ တိုးချဲ့သတ်မှတ်မယ်

ဂျပန်မှာ ပထမဦးဆုံး တစ်နေ့တာကူးစက်မှုအရေအတွက် ၁၅.၀၀၀ကျော်ခဲ့တာ ဖြစ်ပါတယ်။
တိုကျိုမှာ ကြာသပတေးနေ့က ကိုရိုနာဗိုင်းရပ်စ် ကူးစက်ခံရသူအသစ် ၅,၀၄၂ ဦး အတည်ပြုခဲ့ကြောင်း တိုကျိုမြို့တော် အုပ်ချုပ်ရေးအဖွဲ့က ပြောပါတယ်။

Read More
သတင်း

တိုကျိုအားကစားပွဲတွေမှာ ပထမဆုံး အစုအပြုံလိုက် ကိုရိုနာဗိုင်းရပ်စ် ကူးစက်မှုတွေ့ရှိ

ဂရိနိုင်ငံက အားကစားသမားအဖွဲ့က အတော်များများမှာ ကိုရိုနာဗိုင်းရပ်စ်ပိုး တွေ့ရှိခဲ့ပြီးနောက် တိုကျိုအိုလံပစ် ပြိုင်ပွဲကျင်းပရေး အဖွဲ့တွေက အိုလံပစ်ပွဲမှာ ပထမဆုံး အစုလိုက်အပြုံလိုက် ရောဂါကူးစက်မှု ဖြစ်ခဲ့တယ်လို့ သိရကြောင်း ပြောပါတယ်။

Read More

မင်္ဂလာပါ

ဂျပန်တွင် လက်ရှိ နေထိုင်ကြတဲ့ ဂျပန်ရောက် မြန်မာများနဲ့ ဂျပန်လာရဖို့ ပြင်ဆင်နေသူများအတွက် ဂျပန်နဲ့ ပတ်သတ်တဲ့ ဗဟုသုတ နေထိုင်မူ အ တွေ့ အကြုံ များကို အစဉ်အမြဲ တင်ပေးသွားမှာဖြစ်တဲ့အတွက် MMKizuna Facebook page လေးကို like လုပ်ထားဖို့ မမေ့နဲ့နော်