၂၀၂၀အိုလံပစ်အားကျင်းပပြုလုပ်သွားမည့်တိုကျိုမြို့ New National Stadium အားဖွင့်လှစ်

January 15, 2020 at 2:28 PM

၂၀၂၀ Olympic အားကျင်းပပြုလုပ်မည့် ခုနှစ်နဲ့အညီလူအယောက်၂၀၂၀ ဦးအား ရွေးချယ်ကာ မကြာသေးခင်ကမှပြီးစီးခဲ့တဲ့ New National Stadium ရဲ့ ပြေးလမ်းကြောင်းများကို စမ်းသပ်စေခဲ့ပါတယ်။ အခမ်းအနားတွင်ဝင်ရောက်ဆင်နွှဲသူများဟာ မီတာ ၄၀၀ ပြေးလမ်းကြောင်းကို တစ်ပတ်ပြေးခဲ့ပြီး ၊ အချို့ဆင်နွှဲသူများကလည်း မီတာ ၅၀ အကွာအဝေးရှိ Relay Race (လက်ဆင့်ကမ်းပြိုင်ပွဲ)ကို စမ်းသပ်ယှဉ်ပြိုင်ကစားခဲ့ကြပါတယ်။

Source: Getty

Yoshihide Kiryu ဟာ ၁၀၀ မီတာ အမျိုးသားအပြေးပြိုင်ပွဲကို ၁၀ စက္ကန့် မပြည့်ခင်မှာ ပန်းဝင်ခဲ့တဲ့ ဂျပန်နိုင်ငံရဲ့ ပထမဦးဆုံးသော တာတိုအပြေးသမားဖြစ်ပြီး လက်ဆင့်ကမ်းပြိုင်ပွဲ မှာပါဝင်ကစားခဲ့ပါတယ် ။ Kiryu မှ “ဂျပန်မှာ အိုလံပစ်ပြိုင်ပွဲကျင်းပတာဟာ နှစ်ဝက်ခန့်လောက် ကြာမြင့်မှာ ဖြစ်ကြောင်း၊ အိုလံပစ်ပြိုင်ပွဲသို့ တက်ရောက်ခွင့်ရပြီး (ပြိုင်ပွဲ)ပြေးလမ်းကြောင်းပေါ်မှာ ပြေးခွင့်ရမည်ဖြစ်သောကြောင့် အလွန်ပင် ပျော်ရွှင်မိကြောင်း “ပြောကြားခဲ့ပါတယ်။

Source: NHK

New National Stadium မှာတော့ ၂၀၂၀ ခုနှစ်တွင် ကျင်းပမယ့် Olympic ပြိုင်ပွဲ၏ ဖွင့်ပွဲ ၊ပိတ်ပွဲအခမ်းအနားများ၊ပြေးလမ်းကြောင်းပြိုင်ပွဲများ၊ဘောလုံးပြိုင်ပွဲများ အစရှိတဲ့ အားကစားပြိုင်ပွဲအမျိုးအစားများကို ကျင်းပ ပြုလုပ် သွားမှာ ဖြစ်ပါတယ်။ New National Stadium ရဲ့ ဒီဇိုင်းဟာဆိုရင် ဂျပန်ရိုးရာဆန်တဲ့ အလှအပဒီဇိုင်းတွေနဲ့ modern engineering နည်းပညာကိုပေါင်းစပ်ကာ ဆောက်လုပ်ထားတာဖြစ်ပြီးတိုကျိုမြို့ ရဲ့ အကြီးဆုံးပန်းဥယျာဉ် တွေထဲက တစ်ခုဖြစ်တဲ့ Meiji Jingu ဘုရားကျောင်းရဲ့ outer garden မှာ တည်ရှိတာဖြစ်ပါတယ်။ Olympic ကျင်းပမယ့်နေရာကိုတော့”Stadium in the forest” ဟုအမည်ပေးထားပါတယ်။ ပွဲကြည့်ပရိသတ် ထိုင်ခုံများဟာလည်း ခန့်မှန်းခြေ ၆၀,၀၀၀ ခန့် ရှိပြီး အစိမ်းရောင်၊အညိုရောင်၊ အညိုရောင်ကိုအခြေခံထားတဲ့အရောင်များဖြင့် အလှဆင်ထားပါတယ်။

Source: NHK

Stadium ကြီးရဲ့ ခေါင်မိုးကိုတော့ ဂျပန်နိုင်ငံရဲ့ (၄၇) ခရိုင်ကနေ ရရှိတဲ့ သစ်သား ၊ steel များဖြင့် ဆောက်လုပ်ထားပြီး မြက်ခင်းပြင်တွေ နေရောင်ရရှိနိုင်ဖို့အတွက် one section ကိုတော့ ဖန်သားဖြင့် ဆောက်လုပ်ထားပါတယ်။ နောက်ပြီး လေဝင်လေထွက်ကောင်းဖို့အတွက်လည်း ခေါင်မိုးတွေကို သစ်သားများဖြင့် ထောင့်ချိုးပုံစံ ဒီဇိုင်းဆောက်လုပ်ထားပါတယ်။ National Stadium အသစ်ဟာဆိုရင်တော့ နှစ်ဝက်ကျော်ကျော်လေးအတွင်းမှာပဲ အားကစားလောကရဲ့ အဓိကနေရာတစ်ခု ဖြစ်လာမှာကတော့အသေချာပါပဲ ။ Olympic ပရိသတ်များနှင့် ဂျပန်နိုင်ငံသားတွေအတွက်တော့ စနေနေ့ ဖွင့်ပွဲဟာ တစ်နှစ်တာ စိတ်လှုပ်ရှားမှုတွေရဲ့ အစသာလျင် ဖြစ်တယ်လို့ ဆိုရမှာပဲ ဖြစ်ပါတယ်။