Shinjuku ကနေ ၂ ဘူတာ သာဝေးတဲ့ brand ပေါင်း စုံ တစ်ပတ်ရစ် အဝတ်အစား ကုန်ဈေးတန်းကြီး

ကျွန်တော်တို့ နိုင်ငံမှာတော့ တစ်ပတ်ရစ် ဆိုရင်သိပ် ဝယ်လေ့ မရှိပေမဲ့ ဂျပန်မှာတော့ ထွေထွေ ထူးထူး အယူမရှိတော့ ခုလိုအချိန် ပိတ်ရက်တွေ ဆိုရင် တစ်ပတ်ရစ် ဆိုင်တွေမှာ လူတွေ စည်ကားနေပါတယ် . လူငယ်တွေ တော်တော် များများတွေ့ ရမှာပါ ။ အထူးသဖြင့် fashion တွေနဲ့ ပတ်သက်ပြီး ဈေးသက်သက်သာသာနဲ့ ရှိုး အများကြီး ထုတ်လို့ ရလို့ ထင်ပါတယ်။

ခုပြောတဲ့ နေရာကိုသွားမယ် ဆိုရင် shinjuku ကနေ Odakyu line နဲ့ ၂ ဘူတာ စီးပြီးတော့ 下北沢駅 (Shimokitazawa) ဘူတာမှာဆင်းလိုက်ပါ။ ဘူတာ ရောက်ပါက east gate ကနေ ထွက်လိုက်ပါ။

ကုန်ဈေးတန်းလမ်းကြီးကို တွေ့ပါလိမ့်မယ်။ ဆိုင် တွေ တော်တော် များများက တစ်ပတ် ရစ် အဝတ် အထည်တွေကို အဓိက ရောင်းကြတာပါ။

ပတ်ပတ်လည်မှာ တစ်ပတ်ရစ် အဝတ်အထည် ရောင်းတဲ့ ဆိုင်တွေ အများကြီးရှိပါတယ်။ တစ်ပတ်ရစ် အဝတ်အထည်တွေ ဖြစ်တဲ့ အတွက် quality တွေ condition တွေကတော့ အမျိုးမျိုးရှိပါတယ်။ စိတ်ရှည်ရှည် နဲ့ ရှာဖွေ ဝယ်ရင်တော့ ဈေး သက်သက် သာသာနဲ့ fashion ကျကျ ဝတ်လို့ ရပါတယ်။ မိန်းကလေး အဝတ်တွေက ယောင်္ကျားလေး အဝတ်ထက် များပါတယ်။

ဆောင်းတွင်းလည်း ဝင်လာပြီဖြစ်တဲ့ အတွက် ကုတ်အကျီတွေ အနွေးထည်တွေ ကတော့ လိုလာပါပြီ။ ဈေးသက်သာအောင် ရန်ကုန်က ပြန်မှာတဲ့လူ လည်း ရှိမှာပါ။ ဈေးသက်သက်သာသာ နဲ့ တစ်ပတ်ရစ်တွေ ဝယ်ချင်ရင်တော့ ခု နေရာမှာ သွားရှာဖို့ အကြံ ပေးပါတယ်။ The North Face လို brand မျိုးတွေကိုတောင် yen 5000 တည်းနဲ့ ရပါတယ်။ အသစ်နီးပါး တွေကိုလည်း ရှာတတ်ရင် တွေ့ပါတယ်။

ခုဆိုင်တွေ အများကြီးရှိတဲ့ထဲက ပစ္စည်းတွေ စုံပြီး ဝယ်လို့ ကောင်းမဲ့ဆိုင်လေးတွေ ညွှန်းပေးလိုက်ပါတယ်။ မဝယ်ဖြစ်လည်း သွားလေ့လာလို့ ရပါတယ်။

Mocha ဆိုင်ကတော့ harajuku မှာလည်း ဆိုင်ခွဲ ရှိပါတယ် သူကတော့ တစ်ပတ်ရစ်ဆိုင် တွေထဲမှာ ဂျပန်မလေးတွေ ကြား ရေပန်းစားတဲ့ ဆိုင်လေးပါ။

နောက်တစ်ဆိုင်ကတော့ Chicaco ဆိုင်ဖြစ်ပါတယ် သူကတော့ အဓိကအားဖြင့် american style တွေ များပြီး leather coat , boiler suite တွေက စပြီး အစားစားရှိပါတယ် သူလည်း harajuku မှာ ဆိုင်ခွဲ ရှိပါတယ်။

နောက် ပစ္စည်း စုံတဲ့ ဆိုင်တွေထဲက တစ်ခုကတော့ Bazzs Tore ဖြစ်ပါတယ်။

တခြားဆိုင်တွေ အများအပြား ရှိပါတယ် တတ်နိုင်ရင် ကုန်ဈေးတန်း အနားတစ်ဝိုက်ကို လျှောက်ပတ်ပြီး အေးအေး ဆေးဆေး လည်ပတ်ပြီး shopping ထွက်ဖို့ အကြံပေးပါတယ်။

နောက်တစ်ခု ကတော့ Trefacstyle ဆိုင်ဖြစ်ပါတယ် သူကတော့ တစ်ပတ်ရစ်ထဲက အသစ်နီးပါး တစ်ပတ်ရစ်တွေ ရောင်းတာပါ။ အကုန်လုံးနီးပါး high end brand တွေ supreme တို့လို street wear brand တွေ ဖြစ်ပါတယ်။ ဈေးကတော့ နည်းနည်း မြောက်ပါတယ်။

တစ်ပတ်ရစ် ဆိုင်တွေ အများကြီး ရှိတဲ့ အပြင် ခုလို ဈေးဆိုင်တန်းလေးလည်းတွေ့ရမှာပါ။ သူက အထဲမှာ ဆိုင်ခန်းတွေ အများကြီး ရှိပါတယ်။ ရှာရခက်နေရင် google map မှာ SHIMOKITA GARAGE DEPARTMENT ရိုက်ရှာလိုက်ပါ။

တိုလီမိုလီ ပစ္စည်းတွေ အစ ရောင်းပါတယ်။

custome လက်ပတ်နာရီပြုလုပ်ပေးတဲ့ ဆိုင်လေးလည်းရှိပါတယ် …

မဝယ်ဖြစ်ရင်တောင်မှ သွားလေ့လာ ကြည့်လို့ရ အောင် ကျွန်တော် သွားလေ့လာပြီး သိရသလောက် မျှဝေပေးလိုက်ပါတယ်။

Leave a Reply

Your email address will not be published. Required fields are marked *

သွားမယ် အထောက်အကူ

CBD Product တွေ ဝယ်မယ်ဆိုရင်

ဒုတိယကမ္ဘာစစ်ပြီးဆုံးချိန် ၁၉၄၈ ခုနှစ် မှစ၍ပထမဆုံးအမျိုးသားဆေးခြောက်ထိန်းချုပ်ရေးအက်ဥပဒေကိုအတည်ပြုခဲ့ပြီး ဆေးခြောက်သုံးစွဲမှုကို အတင်းအကျပ် ကိုင်တွယ်အရေးယူဆောင်ရွက်ခဲ့သည်။

Read More
သွားမယ်

စက်မှုမြို့တော် Nagoya

ဂျပန်ရဲ့ စက်မှုမြို့တော် “နာဂိုယာ”(Nagoya City)နာဂိုယာမြို့သည် ဂျပန်နိုင်ငံ Chubu ဒေသတွင် အကြီးဆုံးမြို့ဖြစ်ပြီး Aichi ခရိုင်ရဲ့ မြို့တော်ဖြစ်ပါတယ်။ နေထိုင်သူဦးရေ ၂သန်းခန့်ရှိသည့် စတုတ္ထမြောက်လူဦးရေအထူထပ်ဆုံးမြို့ဖြစ်ပြီး ဂျပန်ရဲ့ အဓိကဆိပ်ကမ်းမြို့လည်းဖြစ်ပါတယ်။ ဟွန်းရှူးကျွန်းရှိ အကြီးဆုံးလွင်ပြင် ၃ခုထဲမှ တခုဖြစ်တဲ့ Nobiလွင်ပြင်ရှိတဲ့ အဓိကမြို့လည်းဖြစ်ပြီး ဂျပန်ရဲ့Chūkyō metropolitan area လို့လူသိများပါတယ်။၁၆၁၀ ခုနှစ်(အယ်ဒိုခေတ်အတွင်း) စစ်ဘုရင် Tokugawa Ieyasuဟာ Kiyosu မှာရှိတဲ့ Owari စီရင်စုရဲ့ မြို့တော်ကို နာဂိုယာကို ပြောင်းရွှေ့အခြေစိုက်ခဲ့ပါတယ်။ နာဂိုယာကို ၁၈၈၉ ခုနှစ်တွင် မြို့အဖြစ် ကြေညာခဲ့ပြီး မေဂျီခေတ်ပြန်လည်ထူထောင်ရေးတွင် ဂျပန်ရဲ့စက်မှုအခြေစိုက်မြို့တစ်မြို့ဖြစ်လာခဲ့ပါတယ်။

Read More
ရိုးရာယဉ်ကျေးမှု သွားမယ်

ဝဿန်မိုးနဲ့အတူ ရှင်သန် ပွင့်လန်းလာခဲ့တဲ့ ပန်းတွေ

မိုးလေ ကင်းစင်သော နေ့များ… ကောင်းကင်ပြာပြာပေါ်တွင် တိမ်များ အစုလိုက် အစုလိုက်ဖြင့် လှပနေသော နေ့များတွင် ထို သစ်တောလမ်းကလေးကို ဖြတ်သန်းသွားလာကြသော

Read More

မင်္ဂလာပါ

ဂျပန်တွင် လက်ရှိ နေထိုင်ကြတဲ့ ဂျပန်ရောက် မြန်မာများနဲ့ ဂျပန်လာရဖို့ ပြင်ဆင်နေသူများအတွက် ဂျပန်နဲ့ ပတ်သတ်တဲ့ ဗဟုသုတ နေထိုင်မူ အ တွေ့ အကြုံ များကို အစဉ်အမြဲ တင်ပေးသွားမှာဖြစ်တဲ့အတွက် MMKizuna Facebook page လေးကို like လုပ်ထားဖို့ မမေ့နဲ့နော်