ဘုန်းကြီးကျောင်းတွေနဲ့ သမုဒ္ဒရာတွေ ကြားက လျှပ်စစ်မီးရထား စီးနှင်ခြင်း The Enoden: Enoshima Electric Railway

June 22, 2020 at 2:08 PM

ပင်လယ်နဲ့တောင်တန်းတွေ ဝေးတဲ့ အရပ် မှာ ကြီးပြင်းလာရတော့ တိုကျိုမှာ နေလာခဲ့တဲ့ အချိန်မှာ သမုဒ္ဒရာနဲ့ မနီးစပ်ပေမဲ့ သိပ်တော့ မဝေးတော့ဘူး။ Shinjuku က နေ Fujisawa ကို ယမ်း ၅၄၀ ရထားလက်မှတ်ဖြတ်ပြီး မိနစ် ခြောက်ဆယ်လောက်စီးပြီးတဲ့အခါ Enoshima လျှပ်စစ်မီးရထားကို ဆက်စီးရင် နောက်ထပ် ၁၀ မိနစ်လောက်ဆိုရင် ပင်လယ်နားကို ရောက်သွားပါတယ်။ တစ်ကိုယ်တည်း စီးဖြစ်တဲ့ နေ့တွေမှာ ဆို ပင်လယ်ကမ်းခြေတစ်လျှောက် ဘူတာငယ်အနည်းငယ်တစ်ချင်းစီမှာ ရပ်လိုက် ခရီးသည် အသွားအလာ အတက်အဆင်းတွေ နဲ့ အတူ ခံစားချက်က တစ်ချိန်တည်းမှာ ချစ်ဖို့ကောင်းသလို လွမ်းစရာကောင်းတာလေးပါ တစ်ပြိုင်နက်တည်း ခံစားမိပါတယ်။

လူတော်တော်များများက တော့ Kamakura က နေ Fujisawa ဆီကို ခရီးစဉ် ပြောင်းပြန် အနေ နဲ့ ဦးတည်သွားကြပါတယ်။ ကျွန်တော် ကျတော့ နောက်တစ်နည်းနဲ့ Fujisawa အဆုံးရှိ ဘူတာတိုင်းမှာ လူစုလူဝေးတွေ တိတ်တိတ်ဆိတ်ဆိတ်နဲ့ အတက်အဆင်း လုပ်သွားတာ ကို ကြည့်ချင်မိလို့ပါပဲ။ Fujisawa က စစီးရင် ဓာတ်ပုံနဲ့ ဗီဒီယို ရိုက်ကူးဖို့ အတွက် ရထားအရှေ့ပိုင်းမှာ နေရာတစ်နေရာ ရနိုင်ပါတယ်။ ရထားခေါင်းခန်းမှာ နေရာရရင် စက်မောင်းနဲ့ အတူ ရထားမောင်းနေသလို ခံစားချက်မျိုးကို ကြိုက်တာကြောင့် ဒီလို “လျှောက်ကြည့်” ခရီးမျိုးတွေမှာဆိုရင် ရထားခေါင်းတွဲကို အဓိက ဦးစားပေးဖြစ်ပါတယ်။

Enoden က ကြည့်စရာ နေရာသိပ်များများစားစား မရှိတဲ့ အိမ်တွေနဲ့ ဝန်းရံနေတဲ့ ကျဉ်းမြောင်းတဲ့ ရထားလမ်းကြောင်းတစ်ခုပါပဲ။ ဒါပေမဲ့ ပင်လယ်ပြင်ကြီးကို ရထားပေါ်က ကြည့်နိုင်တာကိုက အရသာတစ်မျိုးကို ပေးနေပြန်တယ်။ Enoden လိုင်းမှာ ဘူတာ တစ်ခုနဲ့တစ်ခု တစ်မိုင် အကွာလောက်မှာပဲရှိပါတယ်။ တောင်တန်းတွေထက်ပင်လယ်ပြင်ကို ကြိုက်နှစ်သက်တဲ့ သူတွေအတွက် Enoden လျှပ်စစ်မီးရထားက မျှော်လင့်ချက်တွေကို ဖျက်ဆီး ပစ်မဲ့ အရာတွေထဲမှာ တော့ မပါဘူး။

Gokurakuji မှာ ဆင်းပြီး လမ်းလျှောက်ရင်တော့ ငြိမ်းငြိမ်းချမ်းချမ်း ရှိလှတဲ့ ဘုန်းကြီးကျောင်းတစ်ခု ကို ဝင်လေ့လာနိုင်ပါတယ်။ Gokurakuji မှာ Coffee ဆိုင်အသေးလေးတွေ နေရာအများစုမှာ ရှိပြီး ကော်ဖီမသောက်တတ်တဲ့ ကျွန်တော့် အတွက် Ice Cream အမျိုးမျိုးကိုလည်း ရောင်းပါတယ်။

Tags: