လက်ဆောင်ပေးဖို့ဆိုရင်

ဘယ်နေရာကြည့်ကြည့် ခရစ်စမတ်လက်ဆောင်အတွက် အထူးစပယ်ရှယ်ထုတ်ပိုးထားတဲ့ပစ္စည်းတွေ ဒီတစ်ရာသီထဲ သီးသန့်ရောင်းတဲ့ 期間限定(kikangentei)ပစ္စည်းတွေ မုန့်တွေချည်းပါပဲ။ ဒီလိုအချိန်မျိုးမှာ ကိုယ်ကလည်း မိသားစု၊ သူငယ်ချင်း၊ ချစ်သူကို ပေးချင်လာပြီ။ ဘာပေးရမလဲမသိလည်းဖြစ်နေတယ်၊ လူတွေအများကြီးအတွက် နေရာအများကြီးကိုလည်း သိပ်မသွားချင်ဘူးဆိုရင် ပစ္စည်းတော်တော်များများကို တစ်နေရာထဲမှာ ရွေးလို့ရမယ့် နေရာလေးတစ်နေရာကို ညွှန်ပြချင်ပါတယ်။

ဆိုင်နေရာလေးနာမည်က Tokyu Hands (one stop shop) ပါ
တစ်နေရာထဲမှာ လိုအပ်တဲ့ ပစ္စည်းကို အကုန်ရှာလို့ရတဲ့ ဆိုင်ဆိုတဲ့ သဘောမျိုးပေါ့။ ဆိုင်ဝက်ဆိုဒ်လင်ခ့်က –
https://www.tokyu-hands.co.jp/en/

တစ်နိုင်ငံလုံးမှာ ဆိုင်ခွဲ နေရာအနှံ့ရှိတဲ့ အပြင် စင်္ကာပူမှာလည်း ဆိုင်ခွဲငါးဆိုင်ရှိပါတယ်။ အွန်လိုင်းကလည်း မှာယူလို့ရပါတယ်။ ဂျပန်နိုင်ငံတွင်းတစ်ခုထဲက မဟုတ်ပဲ အခြားနိုင်ငံတွေကလည်း မှာယူလို့ရပါတယ်။

ကျွန်တော်ရောက်ဖူးတာက ဆိုင်ခွဲသုံးခုထဲပါပဲ။ ရှိဘုယ၊ ရှင်းဂျုခု၊ အခိဟဘရက ဆိုင်ပါ။ ရှိဘုယနဲ့ ရှင်းဂျုခုကဆိုင်ခွဲကတော့ တော်တော်ကြီးပါတယ် ဝယ်လို့အဆင်ပြေဆုံးဆိုင်ပါ။ ဆိုင်က တစ်နိုင်ငံလုံးမှာရှိတာမို့ ဆိုင်ဝက်ဆိုဒ်ထဲမှာ ဝင်ရှာကြည့်လိုက်ပါနော်။

ဝယ်လို့ရတဲ့ ပစ္စည်းတွေကို အကြမ်းဖြင်းခွဲကြည့်လိုက်နဲ့ –

၁။ အိတ်၊ ပိုက်ဆံအိတ်၊ခရီးသွားအိတ်နဲ့ခရီးသွားအသုံးအဆောင်ပစ္စည်း
၂။ မီးဖိုချောင်သုံးပစ္စည်း
၃။ စာရေးကိရိယာ
၄။ အလှကုန်
၅။ ပစ္စည်းကုန်ကြမ်း
၆။ အားကစားပစ္စည်း
၇။ နာရီနဲ့ လက်ဝတ်ရတနာတွေပါ

ဘာတွေပေးလို့ကောင်းမလဲ ပေးရမလဲ
အလုပ်ခွင်ဝင်နေတဲ့သူကိုလက်ဆောင်ပေးချင်ရင်တော့ ရုံးတက်ဖို့အိတ် ビジネスバックကို ဂျပန်ထုတ်ပစ္စည်းစစ်စစ်တွေကို ရနိုင်ပါတယ်။ တကယ်ရုံးသမားတစ်ယောက် အတွက်တော့ အိတ်ကလည်းအရေးပါပါတယ်။ ビジネスバックက လက်ပ်တော့ပေါ့ပေါ့ပါးပါး၊ မှတ်စုစာအုပ်ဆန့်ရမယ် A4စာရွက်ဆံရမယ်ဆိုတာက ဂျပန်ကုမ္ပဏီတွေကြား အခြေခံသိထားကြရတဲ့အချက်ပါ။ ဒါမျိုးကို ဆိုဒ်စုံ၊ ဒီဇိုင်းစုံ တွေကြားမှာ ရွေးလို့ရပါတယ်။

ビジネスバック

မှတ်စုစာအုပ်၊ ဘောပင်
ဘယ်နေရာမဆို ဝယ်လို့ရပါတယ်ဟုတ်ပါတယ်။ ဒါပေမယ့် Tokyu Hands ကတော့ မှတ်စုစာအုပ်ပေါ်မှာ ဒါမှမဟုတ် ဘောပင်ပေါ်မှာ ကိုယ့်နာမည်ပဲ ဖြစ်ဖြစ် ကိုယ်လက်ဆောင်ပေးချင်တဲ့သူနာမည်ပဲဖြစ်ဖြစ် အခမဲ့ရေးခိုင်းလို့ရပါတယ်။ မှတ်စုစာအုပ်နဲ့ ဘောပင်ကလည်း အလုပ်ခွင်မှာအရေးပါပါတယ်။ အထူးသဖြင့်ကိုယ်က ကုမ္ပဏီဧည့်သည်တွေနဲ့ အရေးပါတဲ့နေရာကတွေ့ရမယ်။ အစည်းအဝေးတွေ ထိုင်ရမယ်ဆိုရင် မှတ်စုစာအုပ်ကောင်းကောင်း ဘောပင်ကောင်းကောင်းတစ်ချောင်းကလည်း ဘယ်လောက်အလုပ်လုပ်နိုင်လည်းဆိုတာကို မသိမသာအကဲဖြတ်ပေးသွားတာပါ။  နာမည်လည်း အမှတ်တရထိုးပေးလို့ရတယ်ဆိုတော့
လက်ဆောင်ပေးဖို့ အတွေးကမမှားပါဘူး။ ဘောပင်တံဆိပ်နဲ့ မှတ်စုစာအုပ်တံဆိပ်ပေါ်လိုက်ပြီးတော့ ထိုးခိုင်းလို့မရတာမျိုးလည်း ရှိတဲ့ အတွက်
ဒါကိုတော့ ဆိုင်ဝန်ထမ်းတွေနဲ့ အတည်ပြုကြည့်ပါ။

တကယ်တော့ မှာ နာမည်ထိုးခိုင်းလို့ရတဲ့ ပစ္စည်းတွေက တခြားဟာလည်းရှိပါသေးတယ် ဒီဝန်ဆောင်မှုကတော့။ အမြဲလိုလိုရှိပါတယ် ဒီရာသီပဲမဟုတ်ပါဘူး။ ဝန်ဆောင်မှုပေးတဲ့ တစ်နေ့တာအချိန်ကို ကန့်သတ်ထားတာမျိုးတော့ ရှိပါတယ်။

ပိုက်ဆံအိတ်
အကြွေးဝယ်ကတ်၊ မန်ဘာကတ်၊ ပွိုင့်ကတ်တွေများလှတဲ့ ဂျပန်မှာ
ကတ်တွေကို ထည့်ဖို့ ပိုက်ဆံအိတ်ရှာရဝယ်ရတာလည်း ခေါင်းစားရတာပါပဲ။ Tokyu Hands ကပိုက်ဆံအိတ်တွေက ဒီအခက်အခဲတွေကို ဖြေရှင်းနိုင်ရလောက်တဲ့ အိတ်တွေပါပဲ။ ဂျပန်ထုတ်ကွာလတီ ဂျပန်လူနေမှုဘဝကို အခြေခံပြီး ထုတ်ထားတဲ့ ဒီလိုပိုက်ဆံအိတ် ဒီဇိုင်းတွေကတော့
အရွေးမမှားပါဘူး

ပိုက်ဆံအိတ်

လက်လိမ်းခရမ် Hand Cream
ဒါကတော့မိန်းကလေးတွေအတွက်တင်မဟုတ် အိမ်က အမေ အစ်မ အတွက်ပါ သင့်တော်ပါတယ်။ ဒီလိုအေးလှတဲ့ရာသီ လက်အသားအရည်ထိမ်းသိမ်းဖို့အတွက် မရှိမဖြစ်လိုအပ်တဲ့အချိန်မှာ Hand Cream လေးတွေက ဈေးလည်းသင့်တော် ပါကင်ဘူးခွံကလည်း ချစ်ဖို့လည်းကောင်း
အရည်အသွေးလည်းကောင်းတော့ လက်ဆောင်အနေနဲ့ မျက်နှာပန်းလှပါတယ်။

လက်လိမ်းခရမ် Hand Cream

တူ
မြန်မာလူမျိုးတွေက တူကို သိပ်သုံးလေ့မရှိပေမယ့် ဂျပန်လူမျိုးကို လက်ဆောင်ပေးချင်ရင် တူက လည်းသင့်တော်တယ်လို့ ထင်မိပါတယ်။ တူပေါ်မှာလည်း နာမည်အခမဲ့ ထိုးပေးတဲ့ ဝန်ဆောင်မှုရှိပါတယ်
နောက်ထူးခြားချက်အနေက တူနဲ့ အတူ စာပါထည့်ပို့လို့ရတဲ့ おはしの手紙(ohashinotegami)ပါ။ ကျေးဇူးရှိဖူးတဲ့ သူဆီကို ကိုယ့်ကျေးဇူးတင်တဲ့ခံစားချက်ကို ရေးပြီးပို့တဲ့အချိန်မျိုးမှာဆိုရင် သင့်တော်တဲ့ လက်ဆောင်ပစ္စည်းတစ်ခုပါ။ ကိုယ့်ချစ်သူနဲ့ အတူတူရေးပြီး သူ့နာမည်နဲ့တူကို ကိုယ်သိမ်း ကိုယ့်နာမည်နဲ့တူကို သူသိမ်းပြီး အမှတ်တရတွေလည်း ဖန်တီးလို့ရပါတယ်။

おはしの手紙(ohashinotegami)

တခြားလည်း ပေးချင်စဖွယ် ပစ္စည်းတွေအများကြီးရှိတာကြောင့်
အမြန်လေးသွားကြည့်ပြီး ရွေးချယ်လိုက်ကြပါ။ ခရစ်စမတ်နီးလို့ ပစ္စည်းတွေရွေးချယ်ရတာလည်း အဆင်ပြေပါတယ်။ လက်ဆောင်ပေးဖို့ဆိုရင်လက်ဆောင်ထုပ်ခိုင်းလို့လည်း ရပါတယ်။ ၉၀လောက်ကနေ ကျသင့်ပါတယ်။

ဒီရာသီတင်မဟုတ်ပဲ လက်ဆောင်ပေးဖို့လိုလာတဲ့အချိန်တိုင်းလည်း
Tokyu Hands က ဝယ်လို့ကောင်းတဲ့နေရာလေးတစ်ခုပါပဲ။ အလည်အပတ် လာရောက်တဲ့လူတွေအတွက်လည်း Tax Free စနစ်ပါ
Tokyu Hands မန်ဘာကတ်နဲ့ Dpoint ပွိုင့်ကတ်က ပွိုင့်စနစ်အတွက်သုံးလို့ရပါတယ်။ ရွေးချယ်စရာတစ်ခုခုရှိတဲ့အချိန်တိုင်း အဆင်ပြေပါစေလို့ မျှော်လင့်ပါတယ်။

Leave a Reply

Your email address will not be published. Required fields are marked *

သွားမယ် အထောက်အကူ

CBD Product တွေ ဝယ်မယ်ဆိုရင်

ဒုတိယကမ္ဘာစစ်ပြီးဆုံးချိန် ၁၉၄၈ ခုနှစ် မှစ၍ပထမဆုံးအမျိုးသားဆေးခြောက်ထိန်းချုပ်ရေးအက်ဥပဒေကိုအတည်ပြုခဲ့ပြီး ဆေးခြောက်သုံးစွဲမှုကို အတင်းအကျပ် ကိုင်တွယ်အရေးယူဆောင်ရွက်ခဲ့သည်။

Read More
သွားမယ်

စက်မှုမြို့တော် Nagoya

ဂျပန်ရဲ့ စက်မှုမြို့တော် “နာဂိုယာ”(Nagoya City)နာဂိုယာမြို့သည် ဂျပန်နိုင်ငံ Chubu ဒေသတွင် အကြီးဆုံးမြို့ဖြစ်ပြီး Aichi ခရိုင်ရဲ့ မြို့တော်ဖြစ်ပါတယ်။ နေထိုင်သူဦးရေ ၂သန်းခန့်ရှိသည့် စတုတ္ထမြောက်လူဦးရေအထူထပ်ဆုံးမြို့ဖြစ်ပြီး ဂျပန်ရဲ့ အဓိကဆိပ်ကမ်းမြို့လည်းဖြစ်ပါတယ်။ ဟွန်းရှူးကျွန်းရှိ အကြီးဆုံးလွင်ပြင် ၃ခုထဲမှ တခုဖြစ်တဲ့ Nobiလွင်ပြင်ရှိတဲ့ အဓိကမြို့လည်းဖြစ်ပြီး ဂျပန်ရဲ့Chūkyō metropolitan area လို့လူသိများပါတယ်။၁၆၁၀ ခုနှစ်(အယ်ဒိုခေတ်အတွင်း) စစ်ဘုရင် Tokugawa Ieyasuဟာ Kiyosu မှာရှိတဲ့ Owari စီရင်စုရဲ့ မြို့တော်ကို နာဂိုယာကို ပြောင်းရွှေ့အခြေစိုက်ခဲ့ပါတယ်။ နာဂိုယာကို ၁၈၈၉ ခုနှစ်တွင် မြို့အဖြစ် ကြေညာခဲ့ပြီး မေဂျီခေတ်ပြန်လည်ထူထောင်ရေးတွင် ဂျပန်ရဲ့စက်မှုအခြေစိုက်မြို့တစ်မြို့ဖြစ်လာခဲ့ပါတယ်။

Read More
ရိုးရာယဉ်ကျေးမှု သွားမယ်

ဝဿန်မိုးနဲ့အတူ ရှင်သန် ပွင့်လန်းလာခဲ့တဲ့ ပန်းတွေ

မိုးလေ ကင်းစင်သော နေ့များ… ကောင်းကင်ပြာပြာပေါ်တွင် တိမ်များ အစုလိုက် အစုလိုက်ဖြင့် လှပနေသော နေ့များတွင် ထို သစ်တောလမ်းကလေးကို ဖြတ်သန်းသွားလာကြသော

Read More

မင်္ဂလာပါ

ဂျပန်တွင် လက်ရှိ နေထိုင်ကြတဲ့ ဂျပန်ရောက် မြန်မာများနဲ့ ဂျပန်လာရဖို့ ပြင်ဆင်နေသူများအတွက် ဂျပန်နဲ့ ပတ်သတ်တဲ့ ဗဟုသုတ နေထိုင်မူ အ တွေ့ အကြုံ များကို အစဉ်အမြဲ တင်ပေးသွားမှာဖြစ်တဲ့အတွက် MMKizuna Facebook page လေးကို like လုပ်ထားဖို့ မမေ့နဲ့နော်