Japanese Paid Holiday-Vacation

ဂျပန်နိုင်ငံရှိကုမ္ပဏီတွေနဲ့ လုပ်ငန်းခွင်တွေမှာ အလုပ်လုပ်တော့မယ်ဆိုရင် မဖြစ်မနေသိထားသင့်တဲ့အရာတစ်ခုကတော့ ပိတ်ရက်နဲ့ ပတ်သက်ပြီးအကျိုးခံစားခွင့်ပဲ ဖြစ်ပါတယ်။ ဂျပန်နိုင်ငံမှာ အလုပ်လုပ်တဲ့အခါ ပိတ်ရက်တွေမှာ အနားယူနိုင်ပြီး လစာခံစားခွင့်လည်း ရအုန်းမဲ့ အကျိုးခံစားခွင့်နဲ့ ပတ်သက်ပြီး အခြေခံအချက်တွေကို ရှင်းပြပါမယ်။
အလုပ်သမားဥပဒေအရပိတ်ရက်များ
အပတ်စဉ် သတ်မှတ်ထားတဲ့ ပိတ်ရက်တွေအပြင် (အများပြည်သူရုံးပိတ်ရက်များ)၊ နွေရာသီပိတ်ရက်၊ဆောင်းရာသီပိတ်ရက်၊ နှစ်သစ်ကူးရုံးပိတ်ရက်တွေကို ဂျပန်အလုပ်သမားဥပဒေအရ ဝန်ထမ်းများအတွက်ရရှိသင့်တဲ့ အကျိုးခံစားခွင့်တွေပဲ ဖြစ်ပါတယ်။
ဒီပိတ်ရက်တွေအပြင် ဂျပန်မှာ အမြဲတမ်းဝန်ထမ်း၊ စာချုပ်ဝန်ထမ်းတွေဟာ အလုပ်ဝင်ပြီး ၆လ ကြာပြီးနောက် မဖြစ်မနေရရှိနိုင်မဲ့ 有給休暇 (လစာမဖြတ်ပဲ ရရှိမဲ့ ခွင့်ရက်) နဲ့ ပတ်သက်ပြီးပြောပြပေးချင်ပါတယ်။

有給休暇 (ゆうきゅうきゅうか) (လစာမဖြတ်ပဲ ရရှိမဲ့ ခွင့်ရက်)
လစာမဖြတ်ပဲရရှိမဲ့ခွင့်ရက် ကို စစ်အပြီးခေတ် ၁၉၄၇ ခုနှစ်တွင်အလုပ်သမား ဥပဒေတွင် စတင်ပြဠာန်းခဲ့ပါတယ်။ ဂျပန်နိုင်ငံတွင်နှစ်စဉ်လုပ်ခလစာခွင့်ကိုစတင်ခဲ့ပါတယ်။ ဒီဥပဒေကို စတင်ပြဌာန်းစဉ်က လစာပြည့်ခွင့်ရက်ကို အနည်းဆုံး ၆ ရက်သတ်မှတ်ထားပါတယ်။ ၁၉၈၈ ခုနှစ် ဧပြီလတွင် လစာပြည်ခွင့်ရက်အားအနည်းဆုံး ၁၀ ရက်အထိတိုးမြှင့်ခဲ့ပါတယ်။

လစာမဖြတ်ပဲ ရရှိမဲ့ခွင့်ရက်ဆိုတာ သတ်မှတ်ထားတဲ့အချိန်အတိုင်းအတာအထိ အလုပ်လုပ်တဲ့ ဝန်ထမ်းကို ဂျပန်နိုင်ငံမှာရှိတဲ့အလုပ်သမားဥပဒေအရ လစာမဖြတ်ခွင့်ရက်ပေးရပါတယ်။ဒီလစာမဖြတ်တဲ့ခွင့်ရက်ဆိုတာ ထရိန်နင်အလုပ်သင်သား၊ကုမ္ပဏီဝန်ထမ်းတို့အတွက်တော့မဖြစ်မနေရရှိတဲ့ ခွင့်ရက်ဖြစ်ပြီး အချို့သောအချိန်ပိုင်းအလုပ်တွေမှာလည်း လစာမဖြတ်ခွင့်ရက်ရပါတယ်။

သတ်မှတ်ချက်

အလုပ်ဝင်တဲ့ရက်မှစပြီး 6 လဆက်တိုက်အလုပ်လုပ်ရမည်။

ထိုအချိန်အတွင်းအလုပ်လုပ်ထားတဲ့ရက်ပေါင်း 80 % နဲ့ အထက် ရှိရမည်။

လစာမဖြတ်ခွင့်ရက်(ပုံမှန်အားဖြင့် အမြဲတမ်းဝန်ထမ်း)

၆လကျော်ရင် ခွင့်ရက် ၁၀ ရက် ရပါမယ်။

၁နှစ်၆လကျော်ရင် ခွင့်ရက် ၁၁ရက် ရပါမယ်။

၂နှစ်၆လကျော်ရင် ခွင့်ရက် ၁၂ရက် ရပါမယ်။

၃နှစ်၆လကျော်ရင် ခွင့်ရက် ၁၄ရက် ရပါမယ်။

၄နှစ်၆လကျော်ရင် ခွင့်ရက် ၁၅ရက် ရပါမယ်။

၅နှစ်၆လကျော်ရင် ခွင့်ရက် ၁၈ရက် ရပါမယ်။

၆နှစ်၆လကျော်ရင် ခွင့်ရက် ၂၀ရက် ရပါမယ်။

▲၆နှစ်၆လကျော်ရင်တော့ နှစ်စဉ်လစာမဖြတ် ခွင့်ရက် ၂၀ ရပါမယ်။

▶ချွင်းချက်

⭗တကယ်လို့ ပထမဦးဆုံး၆လကြာပြီးမှာ ရတဲ့ခွင့်ရက်(၁၀)ရက်ကိုတစ်နှစ်အတွင်းခွင့်ရက်မယူခဲ့ရင် နောက်နှစ်ထဲမှာပေါင်းပြီးယူလို့ရတယ်။

⭗ခွင့်ရက်သုံးဖို့သက်တမ်းက(၂)နှစ်ရှိပါတယ်။

⭗အချို့သောကုမ္ပဏီတွေက အချိန်ပိုင်းဝန်ထမ်းကိုလည်း လစာမဖြတ်ခွင့်ရက် ပေးပါတယ်။

⭗လစာမဖြတ်ခွင့်ရက်(အချိန်ပိုင်းဝန်ထမ်း* တစ်ပတ် နာရီ၃၀အောက်) အတွက် လစာမဖြတ်ခွင့်ရက်က အမြဲတမ်းဝန်ထမ်းအတွက်ခွင့်ရက်နဲ့မတူပါဘူး။

Leave a Reply

Your email address will not be published. Required fields are marked *

လုပ်ငန်းခွင်

ဂျပန့်စားသုံးသူစျေးနှုန်းတွေဟာ ဧပြီလမှာ ၀.၁ ရာခိုင်နှုန်း ကျဆင်း

ဂျပန့်စားသုံးသူစျေးနှုန်းအညွှန်းကိန်းဟာ ဧပြီလမှာ ပြီးခဲ့တဲ့နှစ်ကထက် ၀.၁ ရာခိုင်နှုန်း ကျဆင်းခဲ့ပြီး ၉လဆက်တိုက် ကျဆင်းခဲ့ပါတယ်။ အစိုးရရဲ့ တိုက်တွန်းချက်အရ ဖုန်းကုမ္ပဏီတွေဟာ စျေးနှုန်းသက်သာတဲ့ မိုဘိုင်းဖုန်းဝန်ဆောင်မှု အစီအစဉ်တွေကို စတင်ရောင်းချတာဟာ အခုလို အညွှန်းကိန်းကျဆင်းရခြင်းရဲ့ အကြောင်းအရင်းတစ်ခုဖြစ်တယ်လို့ ပြည်ထဲရေးဝန်ကြီးဌာနက ဆိုပါတယ်။ ဆက်သွယ်ရေး ဝန်ဆောင်ခတွေဟာ ၂၆.၅ ရာခိုင်နှုန်း ကျဆင်းခဲ့ပြီး ဒီဝန်ဆောင်ခတွေကို နှိုင်းယှဥ် လေ့လာတဲ့ အချက်အလက်ဒေတာတွေ ၂၀၀၁ခုနှစ်က စတင် ကောက်ယူ ခဲ့ပြီးနောက်ပိုင်း အများဆုံး ကျဆင်းခဲ့တာ ဖြစ်ပါတယ်။ မိုဘိုင်းဖုန်းဝန်ဆောင်ခ ကျဆင်း တာဟာ စားသုံးသူစျေးနှုန်းတွေကို ခဏလောက်ဆက်ပြီး ကျဆင်း စေနိုင်ဖွယ်ရှိတယ်လို့ အဲဒီဝန်ကြီးဌာနက အရာရှိတွေက ပြောပါတယ်။ရေနံစိမ်းစျေးနှုန်းတက်တာကြောင့် ဓာတ်ဆီစျေး ၁၃.၅ ရာခိုင်နှုန်း တက်ခဲ့ပါတယ်။ တည်းခိုစရိတ်တွေဟာ ကိုရိုနာဗိုင်းရပ်စ် ကပ်ရောဂါကြောင့် ပြီးခဲ့တဲ့နှစ်ဧပြီလက အကြီးအကျယ်ကျဆင်းခဲ့ရာကနေ […]

Read More
လုပ်ငန်းခွင် အထောက်အကူ

ထရိန်နင်ဗီဇာနဲ့ဂျပန်ကိုလာမယ်ဆိုရင်

လုပ်ကိုင်ရမဲ့အလုပ်အမျိုးအစားအလိုက် ဘာတွေကိုဘယ်လိုလုပ်ကိုင်ရမယ်ဆိုတာကို စာတွေ့လေ့ကျင့်ခြင်း၊ မိမိလုပ်ကိုင်မယ့်အလုပ်အတွက်စနစ်တကျလေ့လာခဲ့ခြင်းနဲ့မြန်မာပြည်မှာရှိကတည်းကဂျပန်မှာလုပ်ရမယ့်အလုပ်ရဲ့စည်းကမ်းများကိုစနစ်တကျသိထားဖို့လိုအပ်ပါတယ်။

Read More
လုပ်ငန်းခွင်

ဘဝတန်ဖိုးများနဲ့ Departures

ဘာသာတရားများ အားလုံးဟာ ၎င်းတို့ ပေါ်ထွန်းထားလာခဲ့တဲ့ နိုင်ငံ/ဒေသတွေရဲ့ ယဉ်ကျေးမှုလွှမ်းမိုးမှုမှာ အခြေခံပြီး ဖြစ်ထွန်းလာခဲ့ကြတာကြောင့် ဂျပန်နိုင်ငံရဲ့ ရိုးရာဗုဒ္ဓဘာသာ ဟာ အိန္ဒိယကနေ ပေါ်ပေါက်လာခဲ့တဲ့ ဗုဒ ဘာသာ နဲ့ မတူတဲ့အကြောင်း ပြောပြနေစရာမလိုလောက်ဘူးလို့ ထင်မိပါတယ်။

Read More

မင်္ဂလာပါ

ဂျပန်တွင် လက်ရှိ နေထိုင်ကြတဲ့ ဂျပန်ရောက် မြန်မာများနဲ့ ဂျပန်လာရဖို့ ပြင်ဆင်နေသူများအတွက် ဂျပန်နဲ့ ပတ်သတ်တဲ့ ဗဟုသုတ နေထိုင်မူ အ တွေ့ အကြုံ များကို အစဉ်အမြဲ တင်ပေးသွားမှာဖြစ်တဲ့အတွက် MMKizuna Facebook page လေးကို like လုပ်ထားဖို့ မမေ့နဲ့နော်