စီးပွားရေးကိစ္စ နဲ့ လာရောက်မည့် ခရီးသွားဧည့်သည်တွေကို ကြိုတင်စာရင်းပေးပြီး ရောဂါပိုး စစ်ဆေးမှု ခံယူနိုင်ဖို့ စီစဉ်နေတဲ့ ဂျပန်

စီးပွားရေးသမားတွေအတွက် နိုင်ငံခြားကို မသွားခင်မှာ ကြိုတင်စာရင်းပေးပြီး ကိုရိုနာဗိုင်းရပ်စ် စစ်ဆေးမှုတွေ ခံယူနိုင်ဖို့ စနစ်တစ်ခုကို ဂျပန်အစိုးရက စီစဉ်နေပါတယ်။ ဂျပန်နိုင်ငံဟာ အဓိကအားဖြင့် အာရှရဲ့ တခြားဒေသတွေကို ရည်ရွယ်တဲ့ နိုင်ငံရပ်ခြား စီးပွားရေး ခရီးစဉ်တွေကို အားပေးလှုံ့ဆော်ဖို့ ပြင်ဆင်နေတဲ့အချိန်မှာ အခုလို လုပ်ဆောင်လာတာဖြစ်ပါတယ်။
စီးပွားရေးဆိုင်ရာ ခရီးသွားလာသူတွေကို ပြည်ဝင်ခွင့်ပေးဖို့ ဂျပန်အစိုးရဟာ နိုင်ငံနဲ့ နယ်မြေ ၁၆ခုနဲ့ ဆွေးနွေးမှုတွေ လုပ်ဆောင်နေပါတယ်။ အဲဒီထဲမှာ တရုတ်၊ ထိုင်းနဲ့ ဗီယက်နမ် နိုင်ငံတွေ ပါဝင်ပါတယ်။
ဒါပေမဲ့ နိုင်ငံနဲ့ နယ်မြေ အတော်များများက ပြည်တွင်းကို ဝင်ရောက်လာသူတွေကို အချိန်အတိုင်းအတာ တစ်ခုအတွင်း သီးခြားခွဲနေစေတာထက် ရောဂါပိုးကူးစက်မှုမရှိကြောင်း PCR စစ်ဆေးမှု ရလဒ် ထောက်ခံစာတွေကို တောင်းခံနေကြပါတယ်။
အခုလို ကြိုတင်စာရင်းပေး စစ်ဆေးမှုခံယူတဲ့ စနစ်ကို စက်တင်ဘာလ အနှောင်းပိုင်းမှာ စတင်ဖို့ ဂျပန်အစိုးရက ရည်မှန်းထားပါတယ်။ စီးပွားရေးသမားတွေအနေနဲ့ အနီးအနားက ဆေးရုံတွေမှာ PCR စစ်ဆေးမှုတွေကို မြန်မြန်ဆန်ဆန် ခံယူနိုင်ဖို့ လိုအပ်ပါတယ်။
အခုအချိန်မှာ နိုင်ငံခြားကို စီးပွားရေးကိစ္စနဲ့ မသွားခင် စစ်ဆေးပေးနိုင်တဲ့ အရေအတွက်ဟာ ရာဂဏန်းအနည်းငယ်လောက်ပဲ ရှိသေးတယ်လို့ ဂျပန် စီးပွားရေးနဲ့ စက်မှုလုပ်ငန်းဆိုင်ရာ ဝန်ကြီးဌာနက ဆိုပါတယ်။ ဒီ စနစ်မှာ ဆေးကုသရေးဌာန တတ်နိုင်သမျှ အများဆုံး မှတ်ပုံတင်ကြဖို့ ရှိပါတယ်။
စစ်ဆေးရေးဌာနတွေကို လေဆိပ်တွေမှာလည်း ဖွင့်လှစ်သွားဖို့ ရှိပါတယ်။

Leave a Reply

Your email address will not be published. Required fields are marked *

သတင်း

ကိုရိုနာဗိုင်းရပ်စ် ကာကွယ်ဆေးဆိုင်ရာ သတင်းမှားတွေ

ဂျပန်နိုင်ငံရဲ့ ကူးစက်ရောဂါဆိုင်ရာဌာနက ကိုရိုနာဗိုင်းရပ်စ် ကာကွယ်ဆေးတွေနဲ့ ပတ်သက်တဲ့ သူ့ရဲ့ အစီရင်ခံစာကို မှားယွင်းတဲ့ပုံစံနဲ့ ကိုးကားပြီး အင်တာနက်မှာ တင်နေတာတွေအတွက် ပြင်းပြင်းထန်ထန် အပြစ်တင်ရှုံ့ချလိုက်ပါတယ်။

Read More
သတင်း

ဂျပန်မှာ တစ်နေ့တာ ကူးစက်မှု ၁၅,၀၀၀ ကျော်နဲ့ စံချိန်သစ်တင်တာကြောင့် ဗိုင်းရပ်စ်တားဆီးရေးဆောင်ရွက်ချက် နောက်ထပ် ခရိုင် ၈ ခုမှာ တိုးချဲ့သတ်မှတ်မယ်

ဂျပန်မှာ ပထမဦးဆုံး တစ်နေ့တာကူးစက်မှုအရေအတွက် ၁၅.၀၀၀ကျော်ခဲ့တာ ဖြစ်ပါတယ်။
တိုကျိုမှာ ကြာသပတေးနေ့က ကိုရိုနာဗိုင်းရပ်စ် ကူးစက်ခံရသူအသစ် ၅,၀၄၂ ဦး အတည်ပြုခဲ့ကြောင်း တိုကျိုမြို့တော် အုပ်ချုပ်ရေးအဖွဲ့က ပြောပါတယ်။

Read More
သတင်း

တိုကျိုအားကစားပွဲတွေမှာ ပထမဆုံး အစုအပြုံလိုက် ကိုရိုနာဗိုင်းရပ်စ် ကူးစက်မှုတွေ့ရှိ

ဂရိနိုင်ငံက အားကစားသမားအဖွဲ့က အတော်များများမှာ ကိုရိုနာဗိုင်းရပ်စ်ပိုး တွေ့ရှိခဲ့ပြီးနောက် တိုကျိုအိုလံပစ် ပြိုင်ပွဲကျင်းပရေး အဖွဲ့တွေက အိုလံပစ်ပွဲမှာ ပထမဆုံး အစုလိုက်အပြုံလိုက် ရောဂါကူးစက်မှု ဖြစ်ခဲ့တယ်လို့ သိရကြောင်း ပြောပါတယ်။

Read More

မင်္ဂလာပါ

ဂျပန်တွင် လက်ရှိ နေထိုင်ကြတဲ့ ဂျပန်ရောက် မြန်မာများနဲ့ ဂျပန်လာရဖို့ ပြင်ဆင်နေသူများအတွက် ဂျပန်နဲ့ ပတ်သတ်တဲ့ ဗဟုသုတ နေထိုင်မူ အ တွေ့ အကြုံ များကို အစဉ်အမြဲ တင်ပေးသွားမှာဖြစ်တဲ့အတွက် MMKizuna Facebook page လေးကို like လုပ်ထားဖို့ မမေ့နဲ့နော်